1Exodus 1

1La-ke ngamabizo amadodana kaIsrayeli afika eGibhithe loJakobe; afika, ileyo laleyo lomuzi wayo,Select Exodus 1:1

2uRubeni, uSimeyoni, uLevi, loJuda,Select Exodus 1:2

3uIsakari, uZebuluni, loBhenjamini,Select Exodus 1:3

4uDani, loNafithali, uGadi, loAsheri.Select Exodus 1:4

5Njalo yonke imiphefumulo eyaphuma ekhalweni lukaJakobe yayiyimiphefumulo engamatshumi ayisikhombisa. Kodwa uJosefa wayeseGibhithe.Select Exodus 1:5

6UJosefa wasesifa labo bonke abafowabo, lalesosizukulwana sonke.Select Exodus 1:6

7Njalo abantwana bakoIsrayeli bazalana, baba banengi, banda, baba lamandla kakhulukazi, ilizwe laze lagcwaliswa yibo.Select Exodus 1:7

8Kwasekuvela inkosi entsha phezu kweGibhithe eyayingamazi uJosefa.Select Exodus 1:8

9Yasisithi esizweni sayo: Khangela, isizwe sabantwana bakoIsrayeli sinengi, futhi silamandla kulathi.Select Exodus 1:9

10Wozani, asisihlakanipheleni, hlezi sande, njalo kuzakuthi lapho kusehla impi, laso sihlangane lezitha zethu, silwe simelene lathi, senyuke sisuke elizweni.Select Exodus 1:10

11Ngakho bamisa phezu kwaso izinduna zesibhalo ukusihlupha ngemithwalo yabo. Njalo samakhela uFaro imizi eyiziphala, iPithoma leRamesesi.Select Exodus 1:11

12Kodwa kwathi ekusihlupheni kwaso kwang'khona sisanda, kwang'khona sisabalala. Ngakho banengwa ngabantwana bakoIsrayeli.Select Exodus 1:12

13Njalo amaGibhithe abasebenzisa abantwana bakoIsrayeli ngochuku,Select Exodus 1:13

14aze enza impilo zabo zababa ngomsebenzi onzima, ngodaka langezitina, langawo wonke umsebenzi emasimini; ngomsebenzi wabo wonke, ababenza bawenza ngodlakela.Select Exodus 1:14

15Inkosi yeGibhithe yasikhuluma lababelethisi amaHebherukazi, obizo lowokuqala lalinguShifira, lebizo lowesibili lalinguPhuwa,Select Exodus 1:15

16yasisithi: Nxa libelethisa amaHebherukazi, lapho libabona ezihlalweni zokubeletha, uba kuyindodana, liyibulale; kodwa uba kuyindodakazi, iyekeleni iphila.Select Exodus 1:16

17Kodwa ababelethisi babemesaba uNkulunkulu, kabenzanga njengalokho yakhuluma kubo inkosi yeGibhithe, kodwa babayekela abafana baphila.Select Exodus 1:17

18Inkosi yeGibhithe yasibiza ababelethisi, yathi kubo: Liyenzeleni linto ukuthi liyekele abafana baphile?Select Exodus 1:18

19Ababelethisi basebesithi kuFaro: Ngoba amaHebherukazi kawanjengabafazi bamaGibhithe; ngoba alamandla, umbelethisi engakafiki kuwo, asebelethile.Select Exodus 1:19

20Ngalokhu uNkulunkulu wabenzela ababelethisi okuhle, labantu banda, baba lamandla kakhulu.Select Exodus 1:20

21Kwasekusithi, ngoba ababelethisi bamesaba uNkulunkulu, wabakhela imizi.Select Exodus 1:21

22UFaro waselaya isizwe sakhe sonke esithi: Yonke indodana ezalwayo liyiphosele emfuleni, kodwa yonke indodakazi liyiyekele iphile.Select Exodus 1:22