25Exodus 25

1INkosi yasikhuluma kuMozisi isithi:Select Exodus 25:1

2Khuluma kubantwana bakoIsrayeli ukuthi bangithathele umnikelo; uzathatha umnikelo wami kuye wonke umuntu, onhliziyo yakhe imenza avume.Select Exodus 25:2

3Njalo yilo umnikelo ozawuthatha kubo: Igolide, lesiliva, lethusi,Select Exodus 25:3

4lokuluhlaza okwesibhakabhaka, lokuyibubende, lokubomvu, lelembu elicolekileyo kakhulu, loboya bembuzi,Select Exodus 25:4

5lezikhumba eziphendulwe zababomvu zezinqama, lezikhumba zikamantswane, lesihlahla sesinga,Select Exodus 25:5

6amafutha esibane, amakha amafutha okugcoba, lawempepha ethunqayo elephunga elimnandi,Select Exodus 25:6

7amatshe athiwa ngama-onikse*, lamatshe okubekwa e-efodini* lesembathweni sesifuba.Select Exodus 25:7

8Njalo kabangenzele indawo engcwele ukuze ngihlale phakathi kwabo.Select Exodus 25:8

9Njengakho konke engizakutshengisa khona, isibonelo sethabhanekele, lesibonelo sempahla yalo yonke, lenze njalo-ke.Select Exodus 25:9

10Njalo bazakwenza umtshokotsho ngesihlahla sesinga; ubude bawo bube zingalo ezimbili lengxenye, lobubanzi bawo yingalo lengxenye, lokuphakama kwawo yingalo lengxenye.Select Exodus 25:10

11Uwuhuqe-ke ngegolide elicwengekileyo, uwuhuqe ngaphakathi langaphandle, wenze phezu kwawo umqolo wegolide inhlangothi zonke.Select Exodus 25:11

12Uwubumbele ngokuncibilikisa futhi amasongo amane egolide, uwafake emagumbini omane awo, ukuze amasongo amabili abe kolunye uhlangothi lwawo, lamasongo amabili abe kolunye uhlangothi lwawo.Select Exodus 25:12

13Njalo uzakwenza imijabo ngesihlahla sesinga, uyihuqe ngegolide,Select Exodus 25:13

14uyifake imijabo emasongweni enhlangothini zomtshokotsho, ukuthwala umtshokotsho ngayo.Select Exodus 25:14

15Imijabo izakuba semasongweni omtshokotsho, ayiyikukhutshwa kuwo.Select Exodus 25:15

16Ubusufaka emtshokotshweni ubufakazi engizakunika bona.Select Exodus 25:16

17Njalo uzakwenza isihlalo somusa ngegolide elicwengekileyo, ubude baso bube zingalo ezimbili lengxenye, ububanzi baso yingalo lengxenye.Select Exodus 25:17

18Ubususenza amakherubhi* amabili ngegolide, uzawenza ngomsebenzi okhandiweyo, avele emaphethelweni womabili esihlalo somusa.Select Exodus 25:18

19Wenze elinye ikherubhi livele ephethelweni lwaloluhlangothi, lelinye ikherubhi livele ephethelweni lolunye uhlangothi, uzakwenza amakherubhi evela esihlalweni somusa emaphethelweni womabili aso.Select Exodus 25:19

20Lamakherubhi azakwelula impiko zawo ngaphezulu, ambomboze isihlalo somusa ngempiko zawo, lobuso bawo bukhangelane; ubuso bamakherubhi buzakhangela isihlalo somusa.Select Exodus 25:20

21Njalo uzasibeka isihlalo somusa ngaphezulu, phezu komtshokotsho, ufake emtshokotshweni ubufakazi engizakunika bona.Select Exodus 25:21

22Ngizahlangana-ke lawe lapho, ngikhulume lawe ngingaphezu kwesihlalo somusa, ngiphakathi kwamakherubhi amabili aphezu komtshokotsho wobufakazi, konke engizakulaya khona kubantwana bakoIsrayeli.Select Exodus 25:22

23Uzakwenza futhi itafula ngesihlahla sesinga; ubude balo bube zingalo ezimbili, lobubanzi balo yingalo, lokuphakama kwalo yingalo lengxenye.Select Exodus 25:23

24Uzalihuqa-ke ngegolide elicwengekileyo, wenze kulo umqolo wegolide inhlangothi zonke.Select Exodus 25:24

25Uzakwenza kulo inhlangothi zonke ibhanti elingangobubanzi besandla, ulenzele ibhanti lalo umqolo wegolide inhlangothi zonke.Select Exodus 25:25

26Ulenzele futhi amasongo amane egolide, uwafake amasongo emagunjini amane asenyaweni zalo zozine.Select Exodus 25:26

27Amasongo azakuba ngasebhantini ukuze abe zindawo zemijabo, ukuthwala itafula.Select Exodus 25:27

28Njalo uzakwenza imijabo ngesihlahla sesinga, uyihuqe ngegolide, ukuze itafula lithwalwe ngayo;Select Exodus 25:28

29wenze futhi imiganu yalo lenkezo zalo lezitsha zalo lenditshi zalo abathela ngazo, uzenze ngegolide elicwengekileyo.Select Exodus 25:29

30Uzabeka-ke etafuleni izinkwa zokubukiswa phambi kwami njalonjalo.Select Exodus 25:30

31Uzakwenza njalo uluthi lwesibane ngegolide elicwengekileyo; uluthi lwesibane luzakwenziwa ngomsebenzi okhandiweyo, isidindi salo, lezinti zalo, imbizana zalo, induku zalo, lamaluba alo, kuvele kulo.Select Exodus 25:31

32Njalo izinti eziyisithupha zizaphuma enhlangothini zalo; izinti ezintathu zoluthi lwesibane kolunye uhlangothi, lezinti ezintathu zoluthi lwesibane kolunye uhlangothi.Select Exodus 25:32

33Imbizana ezintathu ezenziwe zafanana lamaluba esihlahla se-alimondi* kolunye uluthi, isiduku leluba; lembizana ezintathu ezenziwe zafanana lamaluba esihlahla se-alimondi kolunye uluthi, isiduku leluba; kube njalo ezintini eziyisithupha eziphuma oluthini lwesibane.Select Exodus 25:33

34Oluthini lwesibane kube khona imbizana ezine ezenziwe zafanana lamaluba esihlahla se-alimondi*, iziduku zalo lamaluba alo;Select Exodus 25:34

35kube lesiduku ngaphansi kwezinti ezimbili ezivela kulo, lesiduku ngaphansi kwezinti ezimbili ezivela kulo, futhi isiduku ngaphansi kwezinti ezimbili ezivela kulo, njengezinti eziyisithupha eziphuma oluthini lwesibane.Select Exodus 25:35

36Iziduku zazo lezinti zazo zizavela kulo, lonke lube ngumsebenzi munye okhandiweyo wegolide elicwengekileyo.Select Exodus 25:36

37Uzakwenza futhi izibane zalo eziyisikhombisa, njalo bazalumathisa izibane zalo, bazazenza zikhanyise ehlangothini oluphambi kwalo.Select Exodus 25:37

38Njalo indlawu zalo lemiganu yalo yomlotha kuzakuba ligolide elicwengekileyo.Select Exodus 25:38

39Kalwenziwe ngethalenta* legolide elicwengekileyo, kanye lazo zonke lezizinto.Select Exodus 25:39

40Nanzelela-ke ukuthi uzenze njengomfanekiso wazo, owatshengiswa wona entabeni.Select Exodus 25:40