35Exodus 35

1UMozisi wasebuthanisa inhlangano yonke yabantwana bakoIsrayeli, wathi kubo: La ngamazwi iNkosi ewalayileyo ukuthi liwenze.Select Exodus 35:1

2Insuku eziyisithupha kuzakwenziwa umsebenzi, kodwa ngosuku lwesikhombisa kuzakuba yibungcwele kini, isabatha lokuphumula eNkosini; loba ngubani owenza umsebenzi ngalo uzabulawa.Select Exodus 35:2

3Lingabasi umlilo ngosuku lwesabatha kuyo yonke imizi yenu.Select Exodus 35:3

4UMozisi wasekhuluma kunhlangano yonke yabantwana bakoIsrayeli esithi: Yile into iNkosi eyilayileyo isithi:Select Exodus 35:4

5Thathani phakathi kwenu umnikelo ube ngoweNkosi; loba ngubani olenhliziyo evumayo kawulethe, umnikelo weNkosi, igolide lesiliva lethusi,Select Exodus 35:5

6lokuluhlaza okwesibhakabhaka lokuyibubende lokubomvu, lelembu elicolekileyo kakhulu, loboya bembuzi,Select Exodus 35:6

7lezikhumba eziphendulwe zababomvu zezinqama, lezikhumba zikamantswane, lezihlahla zesinga,Select Exodus 35:7

8lamafutha ezibane, lamakha amafutha okugcoba lempepha elephunga elimnandi,Select Exodus 35:8

9lamatshe ama-onikse*, lamatshe okubekwa awe-efodi lawesembatho sesifuba.Select Exodus 35:9

10Labo bonke abalenhliziyo ehlakaniphileyo phakathi kwenu kabeze benze konke iNkosi ekulayileyo;Select Exodus 35:10

11ithabhanekele, ithente lalo, lesifulelo salo, ingwegwe zalo, lamapulanka alo, imithando yalo, insika zalo, lezisekelo zalo;Select Exodus 35:11

12umtshokotsho, lemijabo yawo, isihlalo somusa, leveyili lesembeso;Select Exodus 35:12

13itafula, lemijabo yalo, lezitsha zalo zonke, lezinkwa zokubukiswa;Select Exodus 35:13

14loluthi lwesibane sesikhanyiso, lezitsha zalo, lezibane zalo, lamafutha esikhanyiso;Select Exodus 35:14

15lelathi lempepha, lemijabo yalo, lamafutha okugcoba, lempepha elephunga elimnandi, lesilenge somnyango emnyango wethabhanekele;Select Exodus 35:15

16ilathi lomnikelo wokutshiswa, lesihlengo sethusi elilaso, imijabo yalo, lazo zonke izitsha zalo, inditshi yokugezela lonyawo lwayo;Select Exodus 35:16

17amakhetheni eguma, insika zalo, lezisekelo zazo, lesilenge sesango leguma;Select Exodus 35:17

18izikhonkwane zethabhanekele, lezikhonkwane zeguma, lentambo zazo;Select Exodus 35:18

19izembatho ezifekethisiweyo zokukhonza endaweni engcwele, izembatho ezingcwele zikaAroni umpristi, lezembatho zamadodana akhe, ukusebenza njengabapristi.Select Exodus 35:19

20Lenhlangano yonke yabantwana bakoIsrayeli yaphuma phambi kukaMozisi.Select Exodus 35:20

21Beza-ke, wonke onhliziyo yakhe eyamvusayo, laye wonke omoya wakhe owamenza wavuma, baletha umnikelo eNkosini emsebenzini wethente lenhlangano lowenkonzo yonke yalo lowezembatho ezingcwele.Select Exodus 35:21

22Beza-ke abesilisa kanye labesifazana, bonke abavumayo ngenhliziyo, baletha iziceco lamacici lendandatho lamasongo, zonke izinto zegolide; laye wonke owazunguza umnikelo wokuzunguzwa wegolide eNkosini.Select Exodus 35:22

23Laye wonke okwatholakala kuye okuluhlaza okwesibhakabhaka lokuyibubende lokubomvu lelembu elicolekileyo kakhulu loboya bembuzi lezikhumba eziphendulwe zababomvu zenqama lezikhumba zikamantswane bakuletha.Select Exodus 35:23

24Wonke owanikela umnikelo wokuzunguzwa wesiliva lowethusi bakuletha kungumnikelo wokuzunguzwa weNkosi; laye wonke okwatholakala kuye izihlahla zesinga ezawo wonke umsebenzi wenkonzo baziletha.Select Exodus 35:24

25Labo bonke abesifazana ababehlakaniphile ngenhliziyo baphotha ngezandla zabo, baletha okuphothiweyo, okuluhlaza okwesibhakabhaka, lokuyibubende, okubomvu, lelembu elicolekileyo kakhulu.Select Exodus 35:25

26Labo bonke abesifazana abanhliziyo zabo zabavusa enhlakanipheni baphotha uboya bembuzi.Select Exodus 35:26

27Lezinduna zaletha amatshe ama-onikse* lamatshe okubekwa, awe-efodi lawesembatho sesifuba,Select Exodus 35:27

28lamakha lamafutha awesibane, lawamafutha okugcoba, lawempepha elephunga elimnandi.Select Exodus 35:28

29Abantwana bakoIsrayeli bawuletha umnikelo wesihle eNkosini. Bonke abesilisa labesifazana abanhliziyo zabo zabenza bavuma ukulethela wonke umsebenzi iNkosi eyayiwulayile ukuthi wenziwe ngesandla sikaMozisi.Select Exodus 35:29

30UMozisi wasesithi ebantwaneni bakoIsrayeli: Bonani, iNkosi imbizile ngebizo uBhezaleli indodana kaUri, indodana kaHuri owesizwe sakoJuda;Select Exodus 35:30

31imgcwalisile ngoMoya kaNkulunkulu enhlakanipheni, ekuqedisiseni, lelwazini, lemisebenzini yobungcitshi yonke,Select Exodus 35:31

32lokuthi acebe ubungcitshi ukusebenza ngegolide langesiliva langethusi,Select Exodus 35:32

33lekubazeni amatshe okufakwa, lekubazeni izigodo, ukusebenza emisebenzini yonke yeminwe ngobungcitshi.Select Exodus 35:33

34Ifakile laye enhliziyweni yakhe ukufundisa, yena loOholiyaba indodana kaAhisamaki owesizwe sakoDani.Select Exodus 35:34

35Ibagcwalisile ngokuhlakanipha kwenhliziyo, ukwenza wonke umsebenzi wombazi, lowengcitshi, lowomfekethisi ngenalithi, ngokuluhlaza okwesibhakabhaka langokuyibubende, ngokubomvu langelembu elicolekileyo kakhulu, lowomeluki; besenza wonke umsebenzi beceba ubungcitshi.Select Exodus 35:35