40Exodus 40

1INkosi yasikhuluma kuMozisi isithi:Select Exodus 40:1

2Ngosuku lwenyanga yokuqala, ngolokuqala lwenyanga, uzamisa ithabhanekele, ithente lenhlangano,Select Exodus 40:2

3ubusufaka lapho umtshokotsho wobufakazi, umbomboze umtshokotsho ngeveyili.Select Exodus 40:3

4Ungenise itafula, uhlele okuhlelwayo phezu kwalo; ungenise uluthi lwesibane, ulumathise izibane zalo.Select Exodus 40:4

5Ubeke ilathi legolide lempepha phambi komtshokotsho wobufakazi, ulengise isilenge somnyango wethabhanekele.Select Exodus 40:5

6Ubeke ilathi lomnikelo wokutshiswa phambi komnyango wethabhanekele wethente lenhlangano,Select Exodus 40:6

7ubeke inditshi yokugezela phakathi kwethente lenhlangano lelathi, uthele amanzi lapho.Select Exodus 40:7

8Umise iguma inhlangothi zonke, ulengise isilenge sesango leguma.Select Exodus 40:8

9Uthathe amafutha okugcoba, ugcobe ithabhanekele lakho konke okukulo, ulingcwelise lempahla yalo yonke, njalo lizakuba ngcwele.Select Exodus 40:9

10Njalo ugcobe ilathi lomnikelo wokutshiswa lezitsha zalo zonke, ulingcwelise ilathi, njalo ilathi lizakuba yingcwelengcwele.Select Exodus 40:10

11Njalo ugcobe inditshi yokugezela lonyawo lwayo, uyingcwelise.Select Exodus 40:11

12Usondeze uAroni lamadodana akhe emnyango wethente lenhlangano, ubagezise ngamanzi.Select Exodus 40:12

13Ugqokise uAroni izembatho ezingcwele, umgcobe, umngcwelise, ukuze angisebenzele njengompristi.Select Exodus 40:13

14Usondeze amadodana akhe, uwagqokise izigqoko,Select Exodus 40:14

15uwagcobe njengalokhu ugcobe uyise, ukuze angisebenzele njengabapristi; kuzakuthi-ke ukugcotshwa kwabo kuzakuba kubo yibupristi obuphakade kuzizukulwana zabo.Select Exodus 40:15

16UMozisi wenza njengakho konke iNkosi eyayimlaye khona; wenza njalo.Select Exodus 40:16

17Kwasekusithi ngenyanga yokuqala ngomnyaka wesibili ngolokuqala lwenyanga ithabhanekele lamiswa.Select Exodus 40:17

18UMozisi wasemisa ithabhanekele; wabeka phansi izisekelo zalo, wamisa amapulanka alo, wafaka imithando yalo, wamisa insika zalo.Select Exodus 40:18

19Wendlala ithente phezu kwethabhanekele, wabeka isifulelo sethente phezu kwalo phezulu, njengokulaya kweNkosi kuMozisi.Select Exodus 40:19

20Wathatha wafaka ubufakazi emtshokotshweni, wafaka imijabo emtshokotshweni, wafaka isihlalo somusa ngaphezu komtshokotsho phezulu.Select Exodus 40:20

21Wangenisa umtshokotsho ethabhanekeleni, wamisa iveyili lesembeso wambomboza umtshokotsho wobufakazi, njengokulaya kweNkosi kuMozisi.Select Exodus 40:21

22Wasefaka itafula ethenteni lenhlangano, eceleni kwethabhanekele ngenyakatho ngaphandle kweveyili,Select Exodus 40:22

23wahlela isinkwa ngohlelo phezu kwalo phambi kweNkosi, njengokulaya kweNkosi kuMozisi.Select Exodus 40:23

24Wafaka uluthi lwesibane ethenteni lenhlangano, maqondana letafula, eceleni kwethabhanekele ngeningizimu.Select Exodus 40:24

25Walumathisa izibane phambi kweNkosi, njengokulaya kweNkosi kuMozisi.Select Exodus 40:25

26Wafaka ilathi legolide ethenteni lenhlangano phambi kweveyili,Select Exodus 40:26

27watshisa kulo impepha elephunga elimnandi, njengokulaya kweNkosi kuMozisi.Select Exodus 40:27

28Walengisa isilenge somnyango wethabhanekele.Select Exodus 40:28

29Wabeka ilathi lomnikelo wokutshiswa emnyango wethabhanekele lethente lenhlangano, wanikela kulo umnikelo wokutshiswa lomnikelo wokudla, njengokulaya kweNkosi kuMozisi.Select Exodus 40:29

30Wabeka inditshi yokugezela phakathi kwethente lenhlangano lelathi, wathela lapho amanzi okugeza.Select Exodus 40:30

31UMozisi loAroni lamadodana akhe bagezela kuyo izandla zabo lenyawo zabo;Select Exodus 40:31

32ekungeneni kwabo ethenteni lenhlangano lekusondeleni kwabo elathini bageza, njengokulaya kweNkosi kuMozisi.Select Exodus 40:32

33Wasemisa iguma lazingelezela ithabhanekele lelathi, walengisa isilenge sesango leguma. UMozisi wasewuqeda umsebenzi.Select Exodus 40:33

34Iyezi laselisibekela ithente lenhlangano, lenkazimulo yeNkosi yagcwalisa ithabhanekele.Select Exodus 40:34

35Ngakho uMozisi wayengelakungena ethenteni lenhlangano, ngoba iyezi lahlala phezu kwalo lenkazimulo yeNkosi yagcwalisa ithabhanekele.Select Exodus 40:35

36Lalapho iyezi lisenyuswa lisuka ethabhanekeleni, abantwana bakoIsrayeli baqhubekela phambili enhambeni zabo zonke,Select Exodus 40:36

37kodwa lapho iyezi lingenyuswanga kabahambanga kuze kufike usuku lokwenyuswa kwalo.Select Exodus 40:37

38Ngoba iyezi leNkosi laliphezu kwethabhanekele emini, lomlilo wawuphezu kwalo ebusuku, phambi kwamehlo endlu yonke yakoIsrayeli, enhambeni zabo zonke.Select Exodus 40:38