3Galatians 3

1Hawu maGalathiya ayizithutha, ngubani oliloyileyo ukuze lingalaleli iqiniso, lina abekwa obala phambi kwamehlo enu uJesu Kristu, ebethelwe phakathi kwenu?Select Galatians 3:1

2Yilokhu kuphela engithanda ukukufunda kini ukuthi: Lemukela uMoya ngemisebenzi yomlayo yini, loba ngokuzwa kokholo?Select Galatians 3:2

3Kanti liyizithutha kangaka? Liqale ngoMoya selipheleliswa ngenyama yini?Select Galatians 3:3

4Lahlupheka izinto ezinengi kangaka ngeze yini? Uba-ke ngitsho ngeze.Select Galatians 3:4

5Ngakho yena olinika uMoya losebenza imisebenzi yamandla phakathi kwenu, kungaba ngemisebenzi yomlayo yini, kumbe ngokuzwa kokholo?Select Galatians 3:5

6NjengoAbrahama wakholwa kuNkulunkulu, kwabalelwa-ke kuye ukuthi yikulunga.Select Galatians 3:6

7Ngakho liyazi ukuthi labo abangabokholo, bona bangabantwana bakaAbrahama.Select Galatians 3:7

8Lombhalo, ubona ngaphambili ukuthi uNkulunkulu ulungisisa abezizwe ngokholo, watshumayela ivangeli ngaphambili kuAbrahama wathi: Izizwe zonke zizabusiswa kuwe.Select Galatians 3:8

9Ngakho abangabokholo babusiswa kanye loAbrahama okholwayo.Select Galatians 3:9

10Ngoba bonke abemisebenzi yomlayo bangaphansi kwesiqalekiso; ngoba kulotshiwe ukuthi: Uqalekisiwe wonke ongaqhubeki kukho konke okulotshiweyo encwadini yomlayo ukukwenza.Select Galatians 3:10

11Kodwa kusobala ukuthi ngomlayo kakulamuntu olungisiswayo phambi kukaNkulunkulu; ngoba: Olungileyo uzaphila ngokholo;Select Galatians 3:11

12kodwa umlayo kawusiwo wokholo, kodwa kuthiwa: Umuntu owenza lezizinto uzaphila kuzo.Select Galatians 3:12

13UKristu wasihlenga kusiqalekiso somlayo, esenziwe waba yisiqalekiso esikhundleni sethu; ngoba kulotshiwe ukuthi: Uqalekisiwe wonke olenga esihlahleni;Select Galatians 3:13

14ukuze kuthi isibusiso sikaAbrahama sifike kwabezizwe ngoKristu Jesu, ukuze semukele isithembiso sikaMoya ngokholo.Select Galatians 3:14

15Bazalwane, ngikhuluma njengokomuntu; ngitsho isivumelwano somuntu esiqinisiweyo, kakho osichithayo loba osengezelelayo.Select Galatians 3:15

16Njalo izithembiso zakhulunywa kuAbrahama lenzalweni yakhe. Katsho ukuthi: Lezinzalweni, njengokungathi zinengi, kodwa njengokungathi ngeyodwa ukuthi: Lenzalweni yakho, enguKristu.Select Galatians 3:16

17Lalokho ngiyakutsho: Umlayo oweza emva kweminyaka engamakhulu amane lamatshumi amathathu kawusesuli isivumelwano esaqiniswa nguNkulunkulu kuKristu ngaphambili, ukuze usenze isithembiso sibe yize.Select Galatians 3:17

18Ngoba uba ilifa livela emlayweni, alisaveli esithembisweni; kodwa uNkulunkulu walinika uAbrahama ngesithembiso.Select Galatians 3:18

19Pho, umlayo uyini? Wengezwa ngenxa yeziphambeko, kuze kufike inzalo eyanikwa isithembiso; wamiswa ngezingilosi esandleni somlamuli.Select Galatians 3:19

20Kodwa umlamuli kayisuye woyedwa, kodwa uNkulunkulu munye.Select Galatians 3:20

21Pho umlayo uphambene lezithembiso zikaNkulunkulu yini? Phinde! Ngoba uba wawunikiwe umlayo olamandla okuphilisa, isibili ukulunga ngabe kuvela ngomlayo.Select Galatians 3:21

22Kodwa umbhalo uvalele konke ngaphansi kwesono, ukuze isithembiso ngokholo lukaJesu Kristu siphiwe abakholwayo.Select Galatians 3:22

23Kodwa kungakafiki ukholo, sasilondolozwe ngaphansi komlayo, sivalelwe kuze kube sekholweni obeluzakwembulwa.Select Galatians 3:23

24Ngakho umlayo wawungumeluleki wethu kuKristu, ukuze silungisiswe ngokholo;Select Galatians 3:24

25kodwa selufikile ukholo, kasisekho ngaphansi kukameluleki.Select Galatians 3:25

26Ngoba lonke lingabantwana bakaNkulunkulu ngokholo kuKristu Jesu.Select Galatians 3:26

27Ngoba lonke elabhabhathizelwa kuKristu, lembethe uKristu;Select Galatians 3:27

28kakukho umJuda lomGriki, kakukho obotshiweyo lokhululekileyo, kakukho owesilisa lowesifazana; ngoba lina lonke limunye kuKristu Jesu.Select Galatians 3:28

29Uba-ke lingabakaKristu, ngakho liyinzalo kaAbrahama, njalo liyizindlalifa njengokwesithembiso.Select Galatians 3:29