4Galatians 4

1Kodwa ngithi, ngaso sonke isikhathi indlalifa iseyingane, kayehlukananga ngalutho esigqilini lanxa ingumnikazi wakho konke;Select Galatians 4:1

2kodwa ingaphansi kwabaphathi lababonisi, kuze kufike isikhathi esamiswa nguyise.Select Galatians 4:2

3Ngokunjalo lathi, lapho siseyizingane, sasiyizigqili ngaphansi kwemfundiso zakuqala zomhlaba;Select Galatians 4:3

4kodwa kwathi ukuphelela kwesikhathi sekufikile, uNkulunkulu wathuma iNdodana yakhe, yazalwa ngowesifazana, yenziwa ngaphansi komthetho,Select Galatians 4:4

5ukuze ihlenge abangaphansi komlayo, ukuze semukele ukuma kwabantwana.Select Galatians 4:5

6Njengoba lingamadodana, uNkulunkulu wathuma uMoya weNdodana yakhe enhliziyweni zenu, ememeza esithi: Abha*, Baba!Select Galatians 4:6

7Ngakho kawuseyiso isigqili, kodwa indodana; njalo uba uyindodana, futhi uyindlalifa kaNkulunkulu ngoKristu.Select Galatians 4:7

8Kodwa ngalesosikhathi, lingamazi uNkulunkulu, laliyizigqili kulabo abangeyisibo onkulunkulu ngemvelo;Select Galatians 4:8

9kodwa khathesi lokhu selimazi uNkulunkulu, yebo kangithi lisaziwa nguNkulunkulu, libuyela njani futhi kumfundiso zakuqala ezibuthakathaka leziyibuyanga, elifuna ukuba yizigqili zazo futhi kakutsha?Select Galatians 4:9

10Ligcina izinsuku, lezinyanga lezikhathi, leminyaka.Select Galatians 4:10

11Ngilovalo ngani, hlezi ngitshikatshikele ize kini.Select Galatians 4:11

12Banini njengami, ngoba lami nginjengani, bazalwane, ngiyalincenga; kalingonanga ngalutho;Select Galatians 4:12

13liyazi-ke ukuthi ngobuthakathaka benyama ngatshumayela ivangeli kini ngokokuqala,Select Galatians 4:13

14lokulingwa kwami okwakusenyameni yami kalikudelelanga njalo kalikwenyanyanga, kodwa langemukela njengengilosi kaNkulunkulu, njengoKristu Jesu.Select Galatians 4:14

15Ngakho sasiyini isibusiso senu? Ngoba ngiyalifakazela ukuthi, uba kungenzeka, lalingakhupha amehlo enu linginike.Select Galatians 4:15

16Ngakho sengibeyisitha senu ngokulitshela iqiniso yini?Select Galatians 4:16

17Bayalitshisekela ngokungekuhle; kodwa bafuna ukulivalela ngaphandle, ukuze litshisekele bona.Select Galatians 4:17

18Kodwa kuhle ukuthi litshisekelelwe kokuhle isikhathi sonke, njalo kungabi sebukhoneni bami lani kuphela.Select Galatians 4:18

19Bantwana bami abancane, engilomhelo futhi wokulizala aze uKristu abunjwe kini,Select Galatians 4:19

20kodwa bengingathanda ukuba khona lani khathesi, ngiphendule ilizwi lami, ngoba ngididekile ngani.Select Galatians 4:20

21Ngitshelani, lina elithanda ukuba ngaphansi komlayo, kaliwuzwa yini umlayo?Select Galatians 4:21

22Ngoba kulotshiwe ukuthi uAbrahama wayelamadodana amabili; enye ingeyesigqilikazi, lenye ingeyokhululekileyo.Select Galatians 4:22

23Kodwa eyesigqilikazi yazalwa ngokwenyama, kodwa eyokhululekileyo ngesithembiso.Select Galatians 4:23

24Okuyizinto ezingumzekeliso; ngoba laba bayizivumelwano ezimbili; esinye esentabeni iSinayi, esizalela ebugqilini, esinguAgari.Select Galatians 4:24

25Ngoba lokhu, uAgari, kuyintaba iSinayi eseArabhiya, njalo imele iJerusalema yalamuhla, futhi iyisigqili kanye labantwana bayo.Select Galatians 4:25

26Kodwa iJerusalema ephezulu ikhululekile, engumama wethu sonke;Select Galatians 4:26

27ngoba kulotshiwe ukuthi: Thokoza, wena nyumba engazaliyo; kekela umemeze, wena ongawuzwanga umhelo; ngoba abantwana botshiyiweyo banengi okwedlula kakhulu kulaye olendoda.Select Galatians 4:27

28Kodwa thina, bazalwane, njengoIsaka singabantwana besithembiso.Select Galatians 4:28

29Kodwa njengakulesosikhathi owazalwa ngokwenyama wamzingela yena ongowakoMoya, kunjalo lakhathesi.Select Galatians 4:29

30Kodwa umbhalo uthini? Uthi: Xotsha isigqilikazi lendodana yaso; ngoba indodana yesigqilikazi kayisoze idle ilifa kanye lendodana yokhululekileyo.Select Galatians 4:30

31Ngakho, bazalwane, kasisibo abantwana besigqilikazi, kodwa bokhululekileyo.Select Galatians 4:31