Genesis 13
Ndebele Bible
Translation: NDEBELE
Modern translations such as the NIV or ESV are not available yet. They need a license, and we will add them when one is in place. All translations and their sources
1UAbrama wasesenyuka eGibhithe, yena lomkakhe lakho konke ayelakho loLothi kanye laye, waya eningizimu.Select Genesis 13:1
2Njalo uAbrama wayenothile kakhulu, ngezifuyo, ngesiliva, langegolide.Select Genesis 13:2
3Wasehamba kuzinhambo zakhe esuka eningizimu, waze wafika eBhetheli, endaweni lapho ithente lakhe elalikhona kuqala, phakathi kweBhetheli leAyi;Select Genesis 13:3
4endaweni yelathi ayelenzile khona kuqala; uAbrama wasebiza ibizo leNkosi lapho.Select Genesis 13:4
5LoLothi laye, owayehamba loAbrama, wayelezimvu lezinkomo lamathente.Select Genesis 13:5
6Njalo ilizwe lalingebathwale ukuthi bahlale ndawonye, ngoba impahla yabo yayinengi, ukuthi babengeke bahlala ndawonye.Select Genesis 13:6
7Kwasekusiba khona ukuxabana phakathi kwabelusi bezifuyo zikaAbrama labelusi bezifuyo zikaLothi. Ngalesosikhathi amaKhanani lamaPerizi ayehlala elizweni.Select Genesis 13:7
8UAbrama wasesithi kuLothi: Ake kungabi khona ukuxabana phakathi kwami lawe, laphakathi kwabelusi bami labelusi bakho, ngoba singamadoda osendo.Select Genesis 13:8
9Ilizwe lonke kaliphambi kwakho yini? Yehlukana-ke lami; uba usiya kwesokhohlo, ngizakuya kwesokunene; kodwa uba kwesokunene, ngizakuya kwesokhohlo.Select Genesis 13:9
10ULothi wasephakamisa amehlo akhe, wabona lonke igceke leJordani ukuthi lalithelelwe kuhle lonke. INkosi ingakachithi iSodoma leGomora, lalinjengensimu yeNkosi, njengelizwe leGibhithe, nxa usiya eZowari.Select Genesis 13:10
11ULothi wasezikhethela lonke igceke leJordani; uLothi wasesiya empumalanga; basebezehlukanisa omunye komunye.Select Genesis 13:11
12UAbrama wahlala elizweni leKhanani, uLothi wasehlala emizini yemagcekeni, wamisa ithente lakhe eduze leSodoma.Select Genesis 13:12
13Kodwa abantu beSodoma babebabi babeyizoni phambi kweNkosi kakhulu.Select Genesis 13:13
14INkosi yasisithi kuAbrama emva kokuthi uLothi esehlukaniswe laye: Phakamisa-ke amehlo akho, ukhangele endaweni lapho okhona, ngasenyakatho langaseningizimu langasempumalanga langasentshonalanga,Select Genesis 13:14
15ngoba ilizwe lonke olibonayo ngizalinika wena, lakunzalo yakho kuze kube nininini.Select Genesis 13:15
16Njalo ngizakwenza inzalo yakho ibe njengothuli lomhlaba, kuze kuthi uba umuntu engabala uthuli lomhlaba, izabalwa lenzalo yakho.Select Genesis 13:16
17Sukuma uhambe udabule ilizwe, ebudeni balo lebubanzini balo, ngoba ngizalinika wena.Select Genesis 13:17
18UAbrama wasesusa amathente wafika wahlala ezihlahleni zama-okhi* zeMamre, eziseHebroni, wakhela lapho iNkosi ilathi.Select Genesis 13:18
Ndebele Bible (NDEBELE). Text from the CrossWire Bible Society module. About this translation