10Hebrews 10

1Ngoba umlayo ulesithunzi sezinto ezinhle ezizayo, ungeyisiwo umfanekiso oqotho wezinto, ungeze waba lamandla ngaleyomihlatshelo enikelwa njalonjalo iminyaka ngeminyaka ukubenza baphelele labo abasondelayo.Select Hebrews 10:1

2Uba kwakunjalo nga kayimanga yini ukunikelwa, ngoba abakhonzayo babengasayikuba lasazela sezono, sebehlanjululwe kanye?Select Hebrews 10:2

3Kodwa kuleyomihlatshelo kukhona ukukhunjulwa kwezono umnyaka ngomnyaka;Select Hebrews 10:3

4ngoba kakulakwenzeka ukuthi igazi lezinkunzi lelezimbuzi lisuse izono;Select Hebrews 10:4

5ngakho esefika emhlabeni uthi: Umhlatshelo lomnikelo kawuwuthandanga, kodwa ungilungisele umzimba;Select Hebrews 10:5

6iminikelo yokutshiswa lemihlatshelo yesono kawuyithokozelanga;Select Hebrews 10:6

7ngasengisithi: Khangela, ngiza (kumqulu wogwalo kulotshwe ngami) ukwenza intando yakho, Nkulunkulu.Select Hebrews 10:7

8Kuqala esithi: Umhlatshelo lomnikelo leminikelo yokutshiswa leminikelo yezono kawuyithandanga njalo kawuyithokozelanga, yona enikelwa ngokomlayo,Select Hebrews 10:8

9wasesithi: Khangela, ngiza ukwenza intando yakho, Nkulunkulu. Ususa okokuqala, ukuze amise okwesibili.Select Hebrews 10:9

10Kuleyontando singcwelisiwe, ngokunikelwa komzimba kaJesu Kristu kanye.Select Hebrews 10:10

11Laye wonke umpristi kambe uyema insuku ngensuku ekhonza, njalo enikela kanengi leyomihlatshelo, engasoze yaba lamandla okususa izono;Select Hebrews 10:11

12kodwa yena, esenikele umhlatshelo waba munye ngenxa yezono ephakadeni wahlala phansi ngakwesokunene sikaNkulunkulu,Select Hebrews 10:12

13kusukela khathesi ulindele zize zenziwe izitha zakhe isenabelo senyawo zakhe.Select Hebrews 10:13

14Ngoba ngomnikelo munye uphelelisile ephakadeni labo abangcwelisiweyo.Select Hebrews 10:14

15LoMoya oyiNgcwele laye uyafakaza kithi; ngoba emva kokuthi esetshilo kuqala uthi:Select Hebrews 10:15

16Lesi yisivumelwano engizavumelana labo ngaso emva kwalezonsuku, kutsho iNkosi: Ngizafaka imilayo yami enhliziyweni zabo, njalo ngizayibhala engqondweni zabo;Select Hebrews 10:16

17lezono zabo lobubi babo kangisoze ngikukhumbule futhi.Select Hebrews 10:17

18Lapho-ke okukhona uthethelelo lwalokhu, kakuselamnikelo ngesono.Select Hebrews 10:18

19Ngakho, bazalwane, silesibindi sokungena kwezingcwele ngegazi likaJesu,Select Hebrews 10:19

20ngendlela entsha lephilayo, asivulele yona ngeveyili, eliyinyama yakhe,Select Hebrews 10:20

21futhi silaye umpristi omkhulu phezu kwendlu kaNkulunkulu,Select Hebrews 10:21

22kasisondele ngenhliziyo eqinisileyo ekuqinisekeni okupheleleyo kokholo, inhliziyo zifafazwe esazeleni sokubi, lomzimba ugeziswe ngamanzi acwebileyo;Select Hebrews 10:22

23kasibambisise isivumo sethemba lethu singanyikinyeki, ngoba uthembekile owathembisayo;Select Hebrews 10:23

24njalo kasiqaphelisisane ekuvuseleni uthando lemisebenzi emihle,Select Hebrews 10:24

25singayekeli ukuhlangana kwethu, njengomkhuba wabanye, kodwa kasikhuthale, futhi ikakhulu, njengoba libona usuku lusondela.Select Hebrews 10:25

26Ngoba uba sisona ngabomo emva kokuthi semukele ulwazi lweqiniso, kakusekho umhlatshelo ngezono,Select Hebrews 10:26

27kodwa ukulindela okuthile okwesabekayo kokulahlwa, lolaka lomlilo ozaqeda izitha.Select Hebrews 10:27

28Umuntu odelela umlayo kaMozisi ufa ngaphandle kwesihawu ngabafakazi ababili loba abathathu;Select Hebrews 10:28

29pho, licabanga ukuthi uzathiwa ufanele ukujeziswa kabuhlungu kanganani onyathelela phansi iNdodana kaNkulunkulu, njalo othi igazi lesivumelwano, angcweliswa ngalo, liyiluthonje, njalo odelela uMoya womusa?Select Hebrews 10:29

30Ngoba siyamazi owathi: Impindiselo ngeyami, mina ngizabuyisela, itsho iNkosi; futhi uphinde athi: INkosi izakwahlulela abantu bayo.Select Hebrews 10:30

31Kuyesabeka ukuwela ezandleni zikaNkulunkulu ophilayo.Select Hebrews 10:31

32Kodwa khumbulani insuku zamandulo, okwathi ngazo selikhanyisiwe lakhuthazela empini enkulu yezinhlupho;Select Hebrews 10:32

33kokunye, lapho lenziwa umbukiso ngenhlamba langezinhlupheko; kokunye, lapho laba ngabahlanganyeli balabo ababephathwa ngokunjalo.Select Hebrews 10:33

34Ngoba lani lazwelana lezibopho zami, lavuma ngentokozo ukuphangwa kwempahla zenu, lisazi ukuthi ngaphakathi kwenu lilempahla engcono lemiyo emazulwini.Select Hebrews 10:34

35Ngakho lingalahli isibindi senu, esilomvuzo omkhulu.Select Hebrews 10:35

36Ngoba kumele libe lokubekezela, ukuze kuthi, seliyenzile intando kaNkulunkulu, lemukele isithembiso.Select Hebrews 10:36

37Ngoba kuseyisikhatshana nje, ozayo uzafika, njalo kazukulibala;Select Hebrews 10:37

38kodwa olungileyo uzaphila ngokholo; njalo uba ehlehlela emuva, umphefumulo wami kawuthokozi ngaye.Select Hebrews 10:38

39Kodwa thina kasisibo balabo abahlehlela emuva ekubhujisweni, kodwa balabo abakholwa ekusindisweni komphefumulo.Select Hebrews 10:39