8Hosea 8

1Uphondo emlonyeni wakho. Uzakuza njengokhozi lumelene lendlu yeNkosi; ngoba sebeqe isivumelwano sami, baphambuke bemelene lomlayo wami.Select Hosea 8:1

2Bazamemeza kimi: Nkulunkulu wami, thina, uIsrayeli, siyakwazi.Select Hosea 8:2

3UIsrayeli walile okuhle; isitha sizaxotshana laye.Select Hosea 8:3

4Bona babeke amakhosi, kodwa kungengami; bamisa iziphathamandla, kodwa ngangingakwazi; ngesiliva sabo legolide labo bazenzela izithombe, ukuze baqunywe.Select Hosea 8:4

5Ithole lakho, Samariya, likwalile; intukuthelo yami iyavutha imelene labo; koze kube nini ukuthi banganelisi ukuba msulwa?Select Hosea 8:5

6Ngoba laleli livela koIsrayeli; umbazi walenza, njalo kalisuye Nkulunkulu; kodwa ithole leSamariya lizakuba yizihlephu.Select Hosea 8:6

7Ngoba behlanyele umoya, bazavuna isivunguzane; kakuyikuba lamabele emiyo; ihlumela kaliyikwenza impuphu; uba mhlawumbe lingayiveza, abezizwe bazayiginya.Select Hosea 8:7

8UIsrayeli useginyiwe; khathesi baphakathi kwezizwe, njengesitsha okungelantokozo kiso.Select Hosea 8:8

9Ngoba bona benyukele eAsiriya, ubabhemi weganga oyedwa ngokwakhe. UEfrayimi uqhatshe izithandwa.Select Hosea 8:9

10Yebo, lanxa beqhatsha phakathi kwezizwe, sengizabaqoqa; yebo, bazaqala ukuba balutshwana ngenxa yomthwalo wenkosi yeziphathamandla.Select Hosea 8:10

11Ngoba uEfrayimi wandise amalathi ngawokona, amalathi azakuba ngawokona kuye.Select Hosea 8:11

12Ngimbhalele izinto ezinkulu zomlayo wami kodwa zabalwa njengento yemzini.Select Hosea 8:12

13Mayelana lemihlatshelo yeminikelo yami, bahlaba inyama, bayidle, kodwa iNkosi kayithokozi ngabo. Khathesi izakhumbula ububi babo, iphindisele izono zabo; bona bazabuyela eGibhithe.Select Hosea 8:13

14Ngoba uIsrayeli umkhohliwe uMenzi wakhe, wakha amathempeli; njalo uJuda wandisile imizi ebiyelweyo; kodwa ngizathumela umlilo emizini yakhe, ozaqothula izigodlo zakhe.Select Hosea 8:14