43Isaiah 43

1Kodwa khathesi itsho njalo iNkosi eyakudalayo, wena Jakobe, leyakubumbayo, wena Israyeli: Ungesabi, ngoba ngikuhlengile, ngakubiza ngebizo lakho; ungowami.Select Isaiah 43:1

2Lapho udabula emanzini ngizakuba lawe, lemifuleni, kayiyikukukhukhula; lapho uhamba udabula emlilweni, kawuyikutsha, lelangabi kaliyikukulumathisa.Select Isaiah 43:2

3Ngoba ngiyiNkosi uNkulunkulu wakho, oNgcwele kaIsrayeli, uMsindisi wakho. Nginikele iGibhithe libe lihlawulo lokuthula lakho, iEthiyophiya leSeba esikhundleni sakho.Select Isaiah 43:3

4Njengoba wawuligugu emehlweni ami, wawudumile, njalo mina ngikuthandile. Ngakho ngizanika abantu esikhundleni sakho, lezizwe endaweni yempilo yakho.Select Isaiah 43:4

5Ungesabi, ngoba ngilawe; ngizaletha inzalo yakho ivela empumalanga, ngikubuthe uvela entshonalanga;Select Isaiah 43:5

6ngizakutsho kuyo inyakatho: Phana; lakuningizimu: Ungagodli; lethani amadodana ami akhatshana, lamadodakazi ami asemkhawulweni womhlaba,Select Isaiah 43:6

7wonke obizwa ngebizo lami; ngoba ngimdalele udumo lwami, ngimbumbile, yebo ngimenzile.Select Isaiah 43:7

8Khuphani abantu abayiziphofu abalamehlo, lezacuthe ezilendlebe.Select Isaiah 43:8

9Izizwe zonke kazibuthane ndawonye, labantu bahlangane. Ngubani phakathi kwabo ongamemezela lokhu, asenze sizwe izinto zamandulo? Kabalethe abafakazi babo, ukuze balungisiswe, kumbe bezwe bathi: Kuliqiniso.Select Isaiah 43:9

10Lingabafakazi bami, kutsho iNkosi, lenceku yami engiyikhethileyo; ukuze lazi, lingikholwe, liqedisise ukuthi nginguye; ngaphambi kwami kakubunjwanga unkulunkulu, langemva kwami kayikuba khona.Select Isaiah 43:10

11Mina, mina ngiyiNkosi; langaphandle kwami kakulamsindisi.Select Isaiah 43:11

12Ngimemezele, ngasindisa, ngazwakalisa, kungakabikho unkulunkulu wezizwe phakathi kwenu; ngakho lingabafakazi bami, kutsho iNkosi, ukuthi nginguNkulunkulu.Select Isaiah 43:12

13Yebo, kungakabi khona usuku, mina nginguye; njalo kakho ongakhulula esandleni sami; ngizasebenza, njalo ngubani ongakubuyisela emuva?Select Isaiah 43:13

14Itsho njalo iNkosi, uMhlengi wenu, oNgcwele kaIsrayeli: Ngenxa yenu ngithumele eBhabhiloni, ngehlisele phansi bonke ababalekayo babo, lamaKhaladiya okukhala kwawo kusemikhunjini.Select Isaiah 43:14

15NgiyiNkosi, oNgcwele wenu, uMdali kaIsrayeli, inkosi yenu.Select Isaiah 43:15

16Itsho njalo iNkosi, eyenza indlela olwandle, lomkhondo emanzini alamandla,Select Isaiah 43:16

17ekhupha inqola lebhiza, ibutho lamandla; kuzalala ndawonye, kakuyikuvuka; kuzaphela du, kucitshe njengentambo yesibane.Select Isaiah 43:17

18Lingakhumbuli izinto zakuqala, linganakani ngezinto zendulo.Select Isaiah 43:18

19Khangelani, ngizakwenza into entsha; khathesi izahluma, kaliyikuyazi yini? Yebo, ngizakwenza indlela enkangala, imifula ogwaduleni.Select Isaiah 43:19

20Inyamazana zeganga zizangidumisa, imigobho lamadodakazi ezintshe; ngoba nginika amanzi enkangala, imifula ogwaduleni, ukunathisa abantu bami, abakhethiweyo bami.Select Isaiah 43:20

21Lababantu ngizibumbele bona; bazalandisa udumo lwami.Select Isaiah 43:21

22Kanti kawungibizanga, Jakobe, kodwa udiniwe ngami, Israyeli.Select Isaiah 43:22

23Kawulethanga kimi izimvu zomnikelo wakho wokutshiswa, kawungihloniphanga ngemihlatshelo yakho. Kangikwenzanga wakhonza ngomnikelo, kangikudinisanga ngempepha.Select Isaiah 43:23

24Kawungithengelanga umhlanga olephunga elimnandi ngemali, njalo kawungisuthisanga ngamahwahwa emihlatshelo yakho; kodwa ungenze ngasebenza ngezono zakho, wangidinisa ngeziphambeko zakho.Select Isaiah 43:24

25Mina, mina nginguye owesula iziphambeko zakho ngenxa yami, kangiyikuzikhumbula izono zakho.Select Isaiah 43:25

26Ngikhumbuza; kasehlulelane; landisa wena, ukuze ulungisiswe.Select Isaiah 43:26

27Uyihlo wokuqala wona, labachasisi bakho baphambukile bemelene lami.Select Isaiah 43:27

28Ngakho ngingcolise iziphathamandla zendlu engcwele, nganikela uJakobe ekutshabalalisweni, loIsrayeli ekuthukweni.Select Isaiah 43:28