17Job 17

1Umoya wami wonakele, insuku zami zicitshiwe, amangcwaba ngawami.Select Job 17:1

2Kabakho lami yini abaklolodayo, lelihlo lami lichitha ubusuku ekuvukeleni kwabo?Select Job 17:2

3Akubeke isibambiso sami kuwe; ngubani yena ozatshaya esandleni sami?Select Job 17:3

4Ngoba inhliziyo yabo uyifihlele ukuqedisisa; ngenxa yalokhu kawuyikubaphakamisa.Select Job 17:4

5Okhuluma ngokuyenga kubangane, lamehlo abantwana bakhe azafiphala.Select Job 17:5

6Njalo ungimise ngaba yisaga sezizwe, ngaze ngaba ngokhafulelwayo phambi kwazo.Select Job 17:6

7Njalo ilihlo lami lifiphele ngosizi, lamalunga ami anjengesithunzi wonke.Select Job 17:7

8Abaqotho bazakwethuswa yikho, longelacala uvukela ongamesabiyo uNkulunkulu.Select Job 17:8

9Lolungileyo uzabambelela endleleni yakhe, lolezandla ezihlambulukileyo uzakwengeza amandla.Select Job 17:9

10Kodwa-ke lina lonke, phendukani ake libuye, ngoba kangitholi ohlakaniphileyo phakathi kwenu.Select Job 17:10

11Insuku zami zedlule, amacebo ami adabuke phakathi, lezifiso zenhliziyo yami.Select Job 17:11

12Bamisa ubusuku bube yimini; ukukhanya kuseduze phambi kobumnyama.Select Job 17:12

13Uba ngilinda, ingcwaba lizakuba yindlu yami; ngendlala umbheda wami emnyameni.Select Job 17:13

14Ngibiza ingcwaba ngisithi: Wena ungubaba; impethu ngisithi: Umama lodadewethu.Select Job 17:14

15Pho-ke ithemba lami lingaphi? Yebo, ithemba lami ngubani ozalibona?Select Job 17:15

16Kuzakwehlela kumijabo yengcwaba, lapho sizaphumula khona ndawonye enhlabathini.Select Job 17:16