23Job 23

1Wasephendula uJobe wathi:Select Job 23:1

2Lalamuhla isikhalazo sami silokubaba; isandla sami sinzima phezu kokububula kwami.Select Job 23:2

3Kungathi ngabe ngiyazi lapho engingamthola khona! Bengingeza enkundleni yakhe!Select Job 23:3

4Ngibeke kuhle udaba lwami phambi kwakhe, ngigcwalise umlomo wami ngokuphikisa.Select Job 23:4

5Bengingawazi amazwi azangiphendula ngawo, ngiqedisise azakutsho kimi.Select Job 23:5

6Uzaphikisana lami ngobukhulu bamandla yini? Hatshi, kodwa uzabeka inhliziyo yakhe kimi.Select Job 23:6

7Lapho oqotho angaphikisana laye; ngakho bengizaphepha phakade kumahluleli wami.Select Job 23:7

8Khangelani ngiya phambili, kodwa kakho, lemuva, kodwa kangimboni.Select Job 23:8

9Ngakwesokhohlo ekusebenzeni kwakhe, kodwa kangimboni; uyacatsha ngakwesokunene, kodwa kangimboni.Select Job 23:9

10Kanti uyayazi indlela elami; kangihlole, ngizaphuma njengegolide.Select Job 23:10

11Unyawo lwami lubambelele enyathelweni lakhe, ngiyigcinile indlela yakhe, kangiphambukanga.Select Job 23:11

12Kangisukanga lemlayweni wezindebe zakhe, ngawalondoloza amazwi omlomo wakhe okwedlula isabelo sami.Select Job 23:12

13Kodwa yena ukokukodwa, ngubani-ke ongambuyisela emuva? Lokho umphefumulo wakhe okufisayo uyakwenza.Select Job 23:13

14Ngoba uzaphelelisa engikumiselweyo; lezinto ezinengi ezinjalo zikuye.Select Job 23:14

15Ngenxa yalokho ngitshaywa luvalo phambi kwakhe; ngicabanga, ngiyamesaba.Select Job 23:15

16Ngoba uNkulunkulu wenze inhliziyo yami yaphela amandla, loSomandla ungethusile.Select Job 23:16

17Ngoba kangiqunywanga phambi komnyama, wagubuzela ubumnyama ebusweni bami.Select Job 23:17