26Job 26

1Wasephendula uJobe wathi:Select Job 26:1

2Umsize njani ongelamandla, wasindisa ingalo engelamandla?Select Job 26:2

3Umeluleke njani ongelakuhlakanipha, watshumayela ngobunengi ulwazi oluqotho?Select Job 26:3

4Utshele bani amazwi? Njalo ngumoya kabani ophume kuwe?Select Job 26:4

5Abafileyo bayathuthumela ngaphansi kwamanzi, labahlali bawo.Select Job 26:5

6Isihogo sinqunu phambi kwakhe, lencithakalo kayilasisibekelo.Select Job 26:6

7Welulela inyakatho phezu kwendawo engelalutho, aphanyeke umhlaba phezu kweze.Select Job 26:7

8Uyabophela amanzi emayezini akhe, kodwa amayezi kawadabuki ngaphansi kwawo.Select Job 26:8

9Uyasibekela ubuso besihlalo sakhe sobukhosi, endlale iyezi phezu kwaso.Select Job 26:9

10Udwebe umngcele oyisigombolozi phezu kobuso bamanzi, kuze kube sekucineni kokukhanya lomnyama.Select Job 26:10

11Insika zamazulu ziyathuthumela, zethuswa yikukhuza kwakhe.Select Job 26:11

12Ngamandla akhe uthulisa ulwandle, langenhlakanipho yakhe uphahlaza ukuziqhenya.Select Job 26:12

13Ngomoya wakhe ucecise amazulu; isandla sakhe sagwaza inyoka ebalekayo.Select Job 26:13

14Khangela, lokhu kungamaphethelo ezindlela zakhe; kodwa kuzwakala into encinyane kangakanani ngaye! Kanti umdumo wamandla akhe ngubani ongawuqedisisa?Select Job 26:14