30Job 30

1Kodwa khathesi abatsha kulami ngensuku bayangihleka, oyise babo engangingabadelela ukubafaka lezinja zomhlambi wami.Select Job 30:1

2Yebo, amandla ezandla zabo ayengaba yini kimi, ukuvuthwa kwabo sekuphelile?Select Job 30:2

3Ngenswelo langendlala bajujukile, bangqathuze elizweni elomileyo, elalikade liyinkangala legwadule.Select Job 30:3

4Abakha imibhida yetshwayi enkotheni, lempande yesihlahla serotemu* iyikudla kwabo.Select Job 30:4

5Baxotshwa phakathi kwabantu; bamemeza ngabo kungathi lisela;Select Job 30:5

6ukuthi bahlale eliweni lezihotsha, imigodi yenhlabathi, lamadwala.Select Job 30:6

7Bayakhonya phakathi kwenkotha, babuthane phansi kokhula.Select Job 30:7

8Bangabantwana beziphukuphuku, yebo abantwana abangelabizo; betshaywa, bexotshwa emhlabeni.Select Job 30:8

9Khathesi sengiyingoma yabo, sengiyisiga sabo.Select Job 30:9

10Banengwa yimi, bamela khatshana lami; kabayekeli ukungikhafulela ebusweni ngamathe.Select Job 30:10

11Ngoba ukhulule intambo yami, wangicindezela, ngakho balahle itomu phambi kwami.Select Job 30:11

12Ngakwesokunene abatsha bayasukuma, bafuqa inyawo zami, bangivusela indlela zabo zokubhubhisa.Select Job 30:12

13Badiliza indlela yami, bancedisa ukuqhubela phambili incithakalo yami, kabalamncedisi.Select Job 30:13

14Beza kungathi bafohlela esikhaleni esibanzi; phakathi kwencithakalo batheleka.Select Job 30:14

15Izesabiso ziphendukele phezu kwami; baxotshana lodumo lwami njengomoya, lempumelelo yami yedlula njengeyezi.Select Job 30:15

16Khathesi-ke umphefumulo wami uyazithulula phezu kwami; insuku zosizi zingibambile.Select Job 30:16

17Ubusuku bugwaza amathambo ami phakathi kwami, lokungingqathuzayo kakuphumuli.Select Job 30:17

18Ngobunengi bamandla akhe isembatho sami siyaguqulwa; uyangibhinca njengesiphika sebhatshi lami.Select Job 30:18

19Ungiphosele odakeni, senginjengothuli lomlotha.Select Job 30:19

20Ngiyakhala kuwe, kodwa kawungiphenduli; ngiyasukuma, unginanzelele nje.Select Job 30:20

21Usuphenduke waba lesihluku kimi; ngamandla esandla sakho umelana lami.Select Job 30:21

22Ungiphakamisela emoyeni, ungigadise kuwo, ungincibilikisele kusiphepho.Select Job 30:22

23Ngoba ngiyazi ukuthi uzangibuyisela ekufeni, lendlini emiselwe bonke abaphilayo.Select Job 30:23

24Kodwa umuntu kayikwelulela isandla engcwabeni, kumbe encithakalweni yakhe akhalele usizo.Select Job 30:24

25Kangimkhalelanga inyembezi yini owayelensuku ezilukhuni, umphefumulo wami wadabuka ngongumyanga?Select Job 30:25

26Lapho ngilindele okuhle, kweza okubi; lapho ngilindele ukukhanya, kweza umnyama.Select Job 30:26

27Imibilini yami yabila, kayithulanga, lensuku zosizi zingandulele.Select Job 30:27

28Ngahamba ngilila, kungelalanga; ngasukuma ebandleni ngakhalela usizo.Select Job 30:28

29Ngingumfowabo wemigobho, lomngane wezintshe.Select Job 30:29

30Isikhumba sami simnyama phezu kwami, lamathambo ami atshile ngokutshisa.Select Job 30:30

31Ichacho lami selibe yisililo, lomhlanga wami uyilizwi labakhala inyembezi.Select Job 30:31