34Job 34

1Wasephendula uElihu wathi:Select Job 34:1

2Zwanini amazwi ami, zihlakaniphi, lani zazi, libeke indlebe kimi.Select Job 34:2

3Ngoba indlebe ihlola amazwi, njengolwanga lunambitha ukudla.Select Job 34:3

4Asizikhetheleni isahlulelo; sazi phakathi kwethu okuhle.Select Job 34:4

5Ngoba uJobe uthe: Ngilungile, kodwa uNkulunkulu ususe isahlulelo sami;Select Job 34:5

6ngiqamba amanga ngimelene lelungelo lami; umtshoko wami kawelapheki, ngaphandle kwesiphambeko.Select Job 34:6

7Nguwuphi umuntu onjengoJobe? Unatha ukuklolodelwa njengamanzi,Select Job 34:7

8ahambahambe exukwini labenzi bobubi, ahambe labantu benkohlakalo.Select Job 34:8

9Ngoba uthe: Kakumsizi umuntu nxa ethokoza ngoNkulunkulu.Select Job 34:9

10Ngakho, bantu bengqondo, ngilalelani: Kakube khatshana loNkulunkulu ukwenza inkohlakalo, loSomandla ukwenza isiphambeko.Select Job 34:10

11Ngoba umsebenzi womuntu uzawubuyisela kuye, amenze athole njengendlela yalowo lalowo.Select Job 34:11

12Yebo, isibili uNkulunkulu kenzi okubi, njalo uSomandla kagobisi isehlulelo.Select Job 34:12

13Ngubani owambeka phezu komhlaba? Kumbe ngubani owamisa umhlaba wonke?Select Job 34:13

14Uba ebeka inhliziyo yakhe phezu kwakhe, uzabuthela umoya wakhe lomphefumulo wakhe kuye.Select Job 34:14

15Inyama yonke ibizaphela kanyekanye, lomuntu abuyele ethulini.Select Job 34:15

16Uba kulokuqedisisa-ke, zwana lokhu, ubeke indlebe elizwini lamazwi ami.Select Job 34:16

17Kambe, ozonda isehlulelo ubengabusa yini? Kambe uzamlahla yini olungileyo kakhulu?Select Job 34:17

18Angatsho yini enkosini: Mkhohlisi; kuziphathamandla: Lina abangelaNkulunkulu?Select Job 34:18

19Kuye ongemukeli ubuso beziphathamandla, engananzi isinothi phambi komyanga? Ngoba bonke bangumsebenzi wezandla zakhe.Select Job 34:19

20Bayafa ngesikhatshana; laphakathi kobusuku abantu bayaqhuqhiswa, bedlule; kuzasuswa olamandla kungelasandla.Select Job 34:20

21Ngoba amehlo akhe aphezu kwendlela zomuntu, uyabona zonke izinyathelo zakhe.Select Job 34:21

22Kakulamnyama njalo kakulathunzi lokufa lapho abenzi bobubi abangacatsha khona.Select Job 34:22

23Ngoba kabi lokhu enaka umuntu, ukuthi aye kuNkulunkulu esahlulelweni.Select Job 34:23

24Uyaphahlaza abalamandla kungahlolwanga, amise abanye endaweni zabo.Select Job 34:24

25Ngakho uyayazi imisebenzi yabo, uyabagenqula ebusuku, bachotshozwe.Select Job 34:25

26Uyabatshaya njengababi endaweni yababukelayo.Select Job 34:26

27Ngenxa yokuthi bephambukile ekumlandeleni, bengananzanga leyodwa yezindlela zakhe,Select Job 34:27

28baze benza ukukhala komyanga kufike kuye, njalo wakuzwa ukukhala kwabahluphekayo.Select Job 34:28

29Lapho yena ethulisa, ngubani-ke ongaziphatha ngenkohliso? Lapho efihla ubuso, ngubani-ke ongambona? Loba esizweni loba emuntwini eyedwa.Select Job 34:29

30Ukuze abantu abangabazenzisi bangabusi, ukuze bangabi yimijibila ebantwini.Select Job 34:30

31Isibili uthe kuNkulunkulu: Ngithwele isijeziso, kangiyikona.Select Job 34:31

32Lokhu engingakuboniyo ngifundise wena; uba ngenze okubi kangisayikukwenza futhi.Select Job 34:32

33Uzaphindisela yini njengokuthanda kwakho, loba uyala, loba wena ukhetha, njalo kungesimi? Wazini-ke? Khuluma.Select Job 34:33

34Abantu abalokuqedisisa bazakhuluma kimi, lomuntu ohlakaniphileyo uzangizwa.Select Job 34:34

35UJobe ukhulume engelalwazi, lamazwi akhe kawalanhlakanipho.Select Job 34:35

36Kungathi ngabe uJobe uyahlolwa kuze kube sekupheleni, ngenxa yempendulo zakhe njengabantu ababi.Select Job 34:36

37Ngoba esonweni sakhe wengezelela ububi, etshaya izandla phakathi kwethu, esandisa amazwi akhe emelene loNkulunkulu.Select Job 34:37