39Job 39

1Uyasazi yini isikhathi sokuzala kwamagogo edwala? Uyananzelela yini ukuhelelwa kwezimpala?Select Job 39:1

2Ungazibala yini inyanga ezizigcwalisayo? Njalo uyasazi yini isikhathi sokuzala kwazo?Select Job 39:2

3Zigoba, zizale abantwana bazo, zikhuphe imihelo yazo.Select Job 39:3

4Amazinyane azo aqine akhule egangeni; asuke ahambe, angabuyi kuzo.Select Job 39:4

5Ngubani owakhupha ubabhemi weganga ekhululekile? Njalo ngubani othukulule izibopho zikababhemi weganga,Select Job 39:5

6engimmisele inkangala ibe ngumuzi wakhe, lesimunyu sibe zindawo zakhe zokuhlala?Select Job 39:6

7Uhleka umsindo womuzi, angezwa imisindo yomtshayeli.Select Job 39:7

8Udinga izintaba ezilidlelo lakhe, edinga elandela konke okuluhlaza.Select Job 39:8

9Inyathi iyavuma yini ukukusebenzela? Izalala yini esibayeni sakho ebusuku?Select Job 39:9

10Ungayibophela inyathi yini ngentambo yayo emfolweni? Ingabhuqa yini izihotsha emva kwakho?Select Job 39:10

11Ungathembela kuyo yini ngoba amandla ayo makhulu? Ungayiyekelela yini umtshikatshika wakho?Select Job 39:11

12Ungayikholwa yini ukuthi izabuyisa inhlanyelo yakho, njalo iyibuthele ebaleni lokubhulela lakho?Select Job 39:12

13Impiko zezintshe ziyaphaphazela ngentokozo; kodwa zizimpiko lezinsiba zengabuzane yini?Select Job 39:13

14Ngoba itshiya amaqanda ayo emhlabathini, iwakhudumeze othulini,Select Job 39:14

15iyakhohlwa ukuthi unyawo lungawachoboza, lokuthi isilo seganga singawanyathela.Select Job 39:15

16Iwaphatha kalukhuni amaphuphu ayo, kungathi kawayisiwo awayo; umtshikatshika wayo uyize, ingelakwesaba.Select Job 39:16

17Ngoba uNkulunkulu wayithathela inhlakanipho, kayabelanga ukuqedisisa.Select Job 39:17

18Lapho sekuyisikhathi iyaziphakamisela phezulu, ihleke ibhiza lomgadi walo.Select Job 39:18

19Uzanika yini ibhiza amandla? Uyayigqokisa yini intamo yalo ngomhlonga oyephuzelayo?Select Job 39:19

20Uyalenza leqe yini njengentethe? Ubukhosi bokukhala kwalo buyesabeka.Select Job 39:20

21Liyaphanda esihotsheni, lithokoze ngamandla alo, liphume ukuhlangabeza izikhali.Select Job 39:21

22Liyakuhleka ukwesaba, kalesabi, kaliphenduki phambi kwenkemba.Select Job 39:22

23Phezu kwalo isamba semitshoko siyakhehlezela, umkhonto ophazimayo lomdikadika.Select Job 39:23

24Ngokuqhuqha lokufutheka liginye umhlaba; kalikholwa ukuthi ngumsindo wophondo.Select Job 39:24

25Ekukhaleni kophondo lithi: Aha! Linuke impi ikhatshana, umdumo wezinduna, lokumemeza.Select Job 39:25

26Ukhozi luyaphapha yini ngokuqedisisa kwakho, luselulela impiko zalo eningizimu?Select Job 39:26

27Ilinqe liyaqonga ngokulaya kwakho, lakhe isidleke salo engqongeni yini?Select Job 39:27

28Lihlala lilale ebusuku edwaleni, engqongeni yedwala leyenqaba.Select Job 39:28

29Lisuka lapho lidinga ukudla; amehlo alo abonela khatshana.Select Job 39:29

30Lamaphuphu alo azitika ngegazi; lalapho okukhona ababuleweyo likhona.Select Job 39:30