6Job 6

1UJobe wasephendula wathi:Select Job 6:1

2Kungathi ukudabuka kwami bekungalinganiswa lokulinganiswa, lenhlupheko yami ibekwe ndawonye esikalini!Select Job 6:2

3Ngoba khathesi kungaba nzima kuletshebetshebe lolwandle. Ngenxa yalokho amazwi ami angawamawala.Select Job 6:3

4Ngoba imitshoko kaSomandla iphakathi kwami, obuhlungu bayo umoya wami uyabunatha; izesabiso zikaNkulunkulu ziyazihlela zimelene lami.Select Job 6:4

5Ubabhemi weganga uyakhala yini esohlazeni, kumbe inkabi iyakhonya yini ekudleni kwayo?Select Job 6:5

6Kambe okuduma kungadliwa kungelatshwayi? Kulokuhlabusa kokumhlophe kweqanda yini?Select Job 6:6

7Umphefumulo wami uyala ukukuthinta, kunjengokudla kwami okunengekayo.Select Job 6:7

8Kungathi isicelo sami singafika, njalo uNkulunkulu anginike ithemba lami,Select Job 6:8

9ukuthi kumthokozise uNkulunkulu ukungichoboza, ayekele isandla sakhe, angiqume.Select Job 6:9

10Khona kungahlala kube yinduduzo yami, bengingajabula ebuhlungwini obungayekeliyo; ngoba kangiwafihlanga amazwi oNgcwele.Select Job 6:10

11Ayini amandla ami ukuze ngithembe? Lokuphela kwami kuyini ukuze ngelule impilo yami?Select Job 6:11

12Amandla ami angamandla amatshe yini? Inyama yami ilithusi yini?Select Job 6:12

13Usizo lwami kalukimi yini? Lenhlakanipho iyaxotshwa kimi yini?Select Job 6:13

14Ohluphekayo nga ehawukelwa ngumngane wakhe, kodwa udela ukwesabeka kukaSomandla.Select Job 6:14

15Abafowethu kabenzanga ngokuthembeka njengesifula, njengempophoma yezifula bayedlula,Select Job 6:15

16ezimnyama ngenxa yongqwaqwane, okucatsha kizo iliqhwa elikhithikileyo.Select Job 6:16

17Ngesikhathi sokufudumala kwazo ziyanyamalala, sekutshisa zicitshe endaweni yazo.Select Job 6:17

18Imikhondo yendlela yazo iyajika, yenyukele enkangala ibhubhe.Select Job 6:18

19Izihambi zeTema zakhangela, indwendwe zezihambi zeShebha zalindela kuyo.Select Job 6:19

20Zaba lenhloni ngoba zazithembile, zafika kuyo zayangeka.Select Job 6:20

21Ngoba khathesi kalisilutho; liyabona isesabiso, liyesaba.Select Job 6:21

22Ngitshilo yini ukuthi: Lethani kimi? Kumbe: Phanini isipho ngenxa yami empahleni yenu?Select Job 6:22

23Kumbe: Ngikhululani esandleni sesitha? Kumbe: Lingihlenge esandleni sabalesihluku?Select Job 6:23

24Ngifundisani, khona mina ngizathula; lingenze ngiqedisise engiduhe khona.Select Job 6:24

25Alamandla angakanani amazwi aqotho; kodwa ukusola okuvela kini kusolani?Select Job 6:25

26Likhumbula amazwi okusola yini, lezinkulumo zophelelwe lithemba zingumoya?Select Job 6:26

27Yebo, liziwisela phezu kwentandane, ligebhele umngane wenu umgodi.Select Job 6:27

28Ngakho-ke, vumani lingikhangele, ngoba kuphambi kobuso benu nxa ngiqamba amanga.Select Job 6:28

29Ake liphenduke, kungabi lobubi, yebo, libuye liphenduke, ukulunga kwami kukukho.Select Job 6:29

30Kambe kukhona ububi olimini lwami? Ukunambitha kwami bekungehlukanise yini izinto ezimbi?Select Job 6:30