8Job 8

1Wasephendula uBilidadi umShuhi wathi:Select Job 8:1

2Koze kube nini ukhuluma lezizinto, lamazwi omlomo wakho abe ngumoya olamandla?Select Job 8:2

3UNkulunkulu uyahlanekela isahlulelo yini? Kumbe uSomandla uyahlanekela ukulunga yini?Select Job 8:3

4Uba abantwana bakho bonile kuye, yena usebalahlile emandleni esiphambeko sabo;Select Job 8:4

5uba wena umdinga uNkulunkulu ngovivi, uncenge kuSomandla;Select Job 8:5

6uba uhlambulukile, uqotho; isibili khathesi ubezavuka ngenxa yakho, aphumelelise indawo yokuhlala yokulunga kwakho.Select Job 8:6

7Lanxa ukuqala kwakho bekukuncinyane, kube kanti isiphetho sakho sizakwanda kakhulu.Select Job 8:7

8Ngoba ake ubuze esizukulwaneni sakuqala, uzilungisele isidingo saboyise.Select Job 8:8

9Ngoba singabezolo, njalo kasazi, ngoba insuku zethu emhlabeni ziyisithunzi.Select Job 8:9

10Kabayikukufundisa yini, bakutshele, bakhuphe amazwi enhliziyweni yabo?Select Job 8:10

11Imihlanga ingakhula lapho okungelaxhaphozi khona yini? Ibhuma likhule lapho okungelamanzi khona?Select Job 8:11

12Nxa lisebuluhlazeni balo lingakakhiwa, kube kanti libuna kuqala kwazo zonke izihlahlakazana.Select Job 8:12

13Zinjalo indlela zabo bonke abamkhohlwayo uNkulunkulu, lethemba lomzenzisi lizabhubha.Select Job 8:13

14Othemba lakhe lizaqunywa, lokuthemba kwakhe kuyibulembu besayobe.Select Job 8:14

15Uyeyama endlini yakhe, kodwa kayimi; ubambelela kiyo, kodwa kayihlali.Select Job 8:15

16Uluhlaza phambi kwelanga, lamahlumela akhe aphuma esivandeni sakhe.Select Job 8:16

17Impande zakhe zithandele enqunjini; ubona indawo yamatshe.Select Job 8:17

18Uba emchitha endaweni yakhe, izamphika ithi: Kangizange ngikubone.Select Job 8:18

19Khangela, le yintokozo yendlela yakhe; njalo kuzakhula abanye emhlabathini.Select Job 8:19

20Khangela, uNkulunkulu kayikumlahla opheleleyo, kabambi isandla sabenzi bobubi.Select Job 8:20

21Aze agcwalise umlomo wakho ngohleko, lezindebe zakho ngokumemeza kwentokozo.Select Job 8:21

22Abakuzondayo bazakwembeswa ngenhloni, lethente lababi lingabi khona.Select Job 8:22