10John 10

1Ngiqinisile, ngiqinisile, ngithi kini: Ongangeni ngesango esibayeni sezimvu, kodwa akhwele kwenye indawo, lowo ulisela lomphangi;Select John 10:1

2kodwa ongena ngesango ungumelusi wezimvu.Select John 10:2

3Umlindi wesango uyamvulela, lezimvu ziyalizwa ilizwi lakhe, njalo uyazibiza ezakhe izimvu ngamabizo, azikhokhelele phandle.Select John 10:3

4Nxa esezikhuphile ezakhe izimvu, uhamba phambi kwazo; lezimvu zimlandele, ngoba ziyalazi ilizwi lakhe.Select John 10:4

5Kodwa owemzini kazisoze zimlandele, kodwa zizambalekela; ngoba kazilazi ilizwi labemzini.Select John 10:5

6UJesu wakhuluma lumfanekiso kubo; kodwa bona kabaqedisisanga ukuthi ziyini izinto azitshoyo kubo.Select John 10:6

7Ngakho uJesu waphinda wathi kubo: Ngiqinisile, ngiqinisile, ngithi kini: Mina ngilisango lezimvu;Select John 10:7

8bonke abake bafika phambi kwami bangamasela labaphangi; kodwa izimvu kazibezwanga.Select John 10:8

9Mina ngilisango; uba umuntu engena ngami, uzasindiswa, angene aphume, athole idlelo.Select John 10:9

10Isela kalizi ngaphandle kokuzakweba lokubulala lokubhubhisa; mina ngizile ukuze babe lempilo, babe layo iphuphume.Select John 10:10

11Mina ngingumelusi olungileyo. Umelusi olungileyo uzibekela phansi izimvu impilo yakhe.Select John 10:11

12Kodwa oqhatshiweyo, engesuye umelusi, izimvu zingesizo ezakhe, ubona impisi isiza, atshiye izimvu, abaleke; kuthi impisi izibambe, izichithachithe izimvu.Select John 10:12

13Oqhatshiweyo uyabaleka-ke, ngoba engoqhatshiweyo, njalo engazikhathaleli izimvu.Select John 10:13

14Mina ngingumelusi olungileyo, ngiyazazi ezami, ngiyaziwa ngezami,Select John 10:14

15njengalokhu uBaba engazi, lami ngiyamazi uBaba; ngizibekela phansi izimvu impilo yami.Select John 10:15

16Njalo ngilezinye izimvu, ezingesizo zalesisibaya; lazo kumele ngizilethe, njalo zizakuzwa ilizwi lami; njalo kube mhlambi munye, melusi munye.Select John 10:16

17Ngenxa yalokhu uBaba uyangithanda, ngoba mina ngibeka phansi impilo yami, ukuze ngibuye ngiyithathe.Select John 10:17

18Kakho ongemuka yona, kodwa mina ngiyibeka phansi ngokwami. Ngilamandla okuyibeka phansi, njalo ngilamandla okubuya ngiyithathe. Lumlayo ngiwemukele kuBaba.Select John 10:18

19Ngakho kwaba khona futhi ukwehlukana phakathi kwamaJuda ngenxa yalamazwi.Select John 10:19

20Labanengi bawo bathi: Uledimoni futhi uyahlanya; limlalelelani?Select John 10:20

21Amanye athi: Lamazwi kawasiwo wongenwe lidimoni; kambe idimoni lingavula amehlo eziphofu yini?Select John 10:21

22Kwakukhona umkhosi wokuvuselela eJerusalema, kwakusebusika;Select John 10:22

23uJesu wasehambahamba ethempelini ekhulusini likaSolomoni.Select John 10:23

24AmaJuda asemhanqa, athi kuye: Koze kube nini usilibazisa? Uba wena unguKristu, sitshele ngokucacileyo.Select John 10:24

25UJesu wawaphendula wathi: Ngalitshela, kodwa kalikholwanga; imisebenzi mina engiyenza ebizweni likaBaba, yiyo engifakazelayo;Select John 10:25

26kodwa lina kalikholwa; ngoba kalisibo abezimvu zami, njengokutsho kwami kini.Select John 10:26

27Izimvu zami ziyalizwa ilizwi lami, lami ngiyazazi, futhi ziyangilandela;Select John 10:27

28njalo mina ngizinika impilo elaphakade; futhi kazisoze zabhubha laphakade, njalo kungekho ozazihluthuna esandleni sami.Select John 10:28

29UBaba ozinike mina, mkhulu kulabo bonke; kungekho njalo ongazihluthuna esandleni sikaBaba.Select John 10:29

30Mina loBaba simunye.Select John 10:30

31Ngakho amaJuda aphinda athatha amatshe ukuze amkhande ngawo.Select John 10:31

32UJesu wawaphendula wathi: Ngilitshengise imisebenzi eminengi emihle evela kuBaba; yiwuphi umsebenzi kuyo elingikhandela wona ngamatshe?Select John 10:32

33AmaJuda amphendula athi: Kasikukhandi ngamatshe ngenxa yomsebenzi omuhle, kodwa ngenxa yenhlamba, langokuthi wena ungumuntu uzenza uNkulunkulu.Select John 10:33

34UJesu wawaphendula wathi: Kakulotshiwe yini emlayweni wenu ukuthi: Mina ngathi: Lingonkulunkulu?Select John 10:34

35Uba wababiza bona ngokuthi ngonkulunkulu, eleza kubo ilizwi likaNkulunkulu, njalo umbhalo ungephulwe,Select John 10:35

36lowo uBaba amehlukanisileyo wamthuma emhlabeni, kanti lina lithi: Uyahlambaza, ngoba ngithe: NgiyiNdodana kaNkulunkulu?Select John 10:36

37Uba ngingenzi imisebenzi kaBaba, kalingakholwa kimi.Select John 10:37

38Kodwa uba ngiyenza, lanxa lingakholwa kimi, kholwani imisebenzi; ukuze lazi likholwe ukuthi uBaba ukimi, lami ngikuye.Select John 10:38

39Ngakho adinga futhi ukumbamba; kodwa waphunyuka esandleni sabo.Select John 10:39

40Wasebuya wasuka waya ngaphetsheya kweJordani kundawo lapho uJohane ayebhabhathiza khona kuqala; wasehlala khona.Select John 10:40

41Labanengi beza kuye, bathi: UJohane kenzanga sibonakaliso; kodwa konke uJohane akutsho ngalo, kwakuliqiniso.Select John 10:41

42Abanengi basebekholwa kuye lapho.Select John 10:42