17John 17

1UJesu wakhuluma lezizinto, waphakamisela amehlo akhe ezulwini, wathi: Baba, ihola selifikile; dumisa iNdodana yakho, ukuze layo iNdodana yakho ikudumise;Select John 17:1

2njengoba uyinikile amandla phezu kwayo yonke inyama, ukuze bonke obanike yona, ibanike impilo elaphakade.Select John 17:2

3Lalokhu yimpilo elaphakade, ukuthi bazi wena uNkulunkulu wedwa weqiniso, loJesu Kristu omthumileyo.Select John 17:3

4Mina ngikudumisile emhlabeni; ngiwuqedile umsebenzi obunginike wona ukuthi ngiwenze;Select John 17:4

5khathesi-ke ngidumise wena, Baba, ngilawe uqobo ngenkazimulo engangilayo kanye lawe ungakabi khona umhlaba.Select John 17:5

6Ngilibonakalisile ibizo lakho ebantwini onginike bona bevela emhlabeni; babengabakho, njalo wanginika bona; balilondolozile ilizwi lakho.Select John 17:6

7Khathesi sebesazi ukuthi konke, loba yikuphi onginike khona, kuvela kuwe;Select John 17:7

8ngoba amazwi onginike wona, ngibanikile wona; bawemukela, njalo bayazi ngeqiniso ukuthi ngiphuma kuwe, bakholiwe ukuthi ungithumile wena.Select John 17:8

9Mina ngiyabakhulekela bona; kangikhulekeli umhlaba, kodwa labo onginike bona, ngoba bangabakho;Select John 17:9

10njalo konke okwami kungokwakho, lokwakho kungokwami; njalo ngidunyisiwe kubo.Select John 17:10

11Njalo kangisekho emhlabeni, kodwa basemhlabeni bona, njalo mina ngiyeza kuwe. Baba oNgcwele, balondoloze ebizweni lakho labo onginike bona, ukuze babe munye, njengathi.Select John 17:11

12Lapho ngiselabo emhlabeni, mina ngabalondoloza ebizweni lakho; labo onginike bona ngibalindile, njalo kakho kubo olahlekileyo, ngaphandle kwendodana yokulahlwa, ukuze kugcwaliseke umbhalo.Select John 17:12

13Kodwa khathesi ngiza kuwe, njalo lezizinto ngizikhuluma emhlabeni, ukuze babe lentokozo yami igcwalisekile kubo.Select John 17:13

14Mina ngibanikile ilizwi lakho, lomhlaba ubazondile, ngoba bengeyisibo abomhlaba, njengoba mina ngingesuye owomhlaba.Select John 17:14

15Kangiceli ukuthi ubasuse emhlabeni, kodwa ukuze ubalondoloze kokubi.Select John 17:15

16Kabasibo abomhlaba, njengalokhu mina ngingesuye owomhlaba.Select John 17:16

17Bangcwelise eqinisweni lakho; ilizwi lakho liliqiniso.Select John 17:17

18Njengalokhu wangithuma emhlabeni, lami ngibathumile emhlabeni.Select John 17:18

19Njalo mina ngizehlukanisela bona, ukuze labo behlukaniswe eqinisweni.Select John 17:19

20Njalo kangiceleli laba bodwa, kodwa lalabo abazakholwa kimi ngelizwi labo;Select John 17:20

21ukuze bonke babe munye; njengalokhu wena, Baba, ukimi, lami ngikuwe, ukuze labo babe munye kithi; ukuze umhlaba ukholwe ukuthi wena ungithumile.Select John 17:21

22Lenkazimulo mina onginike yona, ngibanikile bona, ukuze babe munye, njengathi simunye.Select John 17:22

23Mina ngikubo, lawe ukimi, ukuze bapheleliswe babe munye, lokuze umhlaba wazi ukuthi wena ungithumile, lokuthi ubathandile, njengalokhu ungithandile.Select John 17:23

24Baba, labo onginike bona, ngithanda ukuthi lapho mina engikhona, labo babe lami; ukuze babone inkazimulo yami, onginike yona, ngoba wangithanda kungakasekelwa umhlaba.Select John 17:24

25Baba olungileyo, ngitsho umhlaba kawukwazanga, kodwa mina ngikwazile, lalaba bayazi ukuthi wena ungithumile;Select John 17:25

26njalo ngibazisile ibizo lakho, njalo ngizabazisa lona; ukuze uthando ongithande ngalo lube kubo, lami kubo.Select John 17:26