2John 2

1Kwathi ngosuku lwesithathu kwaba khona umtshado eKana yeGalili; lonina kaJesu wayekhona lapho;Select John 2:1

2njalo uJesu laye wayenxusiwe labafundi bakhe emtshadweni.Select John 2:2

3Kwathi iwayini selisweleka, unina kaJesu wathi kuye: Kabalalo iwayini.Select John 2:3

4UJesu wathi kuye: Mama, ngilani lawe? Ihola lami kalikafiki.Select John 2:4

5Unina wathi kuzinceku: Yenzani loba yikuphi azalitshela khona.Select John 2:5

6Kwakukhona lapho imbiza zamanzi ezamatshe zimiswe njengokokuhlambulula kwamaJuda, inye ingena amaphoco amabili kumbe amathathu.Select John 2:6

7UJesu wathi kuzo: Gcwalisani imbiza zamanzi ngamanzi. Zasezizigcwalisa zathi kliki.Select John 2:7

8Wasesithi kuzo: Khanini khathesi, lise kumphathi wokudla. Zasezikusa.Select John 2:8

9Umphathi wokudla esizwa amanzi asebe liwayini, engazi ukuthi livela ngaphi (kodwa inceku ezaziwakhile amanzi zazisazi), umphathi wokudla wabiza umyeni,Select John 2:9

10wasesithi kuye: Wonke umuntu uletha iwayini elimnandi kuqala, kuthi lapho sebenathile kakhulu, abeseletha elibi; wena ugcinile iwayini elimnandi kwaze kwaba khathesi.Select John 2:10

11Lokho kuyikuqala kwezibonakaliso uJesu akwenza eKana yeGalili wabonakalisa inkazimulo yakhe; labafundi bakhe bakholwa kuye.Select John 2:11

12Emva kwalokho wehlela eKapenawume, yena, lonina, labafowabo, labafundi bakhe; njalo bahlala khona kungeyisikho okwensuku ezinengi.Select John 2:12

13Iphasika lamaJuda laselisondele, uJesu wasesenyukela eJerusalema.Select John 2:13

14Wafica ethempelini labo abathengisa inkabi lezimvu lamajuba, labantshintshi bemali behlezi.Select John 2:14

15Esenze isiswepu sezintambo wabaxotsha bonke ethempelini, izimvu kanye lenkabi; wachitha imali yabantshintshisayo, wagenqula amatafula;Select John 2:15

16wasesithi kwabathengisa amajuba: Susani lezizinto lapha; lingenzi indlu kaBaba indlu yokuthengisela.Select John 2:16

17Abafundi bakhe basebekhumbula ukuthi kulotshiwe ukuthi: Ukutshisekela indlu yakho kungidlile.Select John 2:17

18Ngakho amaJuda aphendula athi kuye: Usitshengisa isibonakaliso bani, sokuthi wenze lezizinto?Select John 2:18

19UJesu waphendula wathi kuwo: Dilizani lelithempeli, njalo ngensuku ezintathu ngizalivusa.Select John 2:19

20AmaJuda asesithi: Okweminyaka engamatshumi amane lesithupha lelithempeli lakhiwa, wena-ke uzalivusa ngensuku ezintathu yini?Select John 2:20

21Kodwa yena wayekhuluma ngethempeli lomzimba wakhe.Select John 2:21

22Ngakho, kwathi esevukile kwabafileyo, abafundi bakhe bakhumbula ukuthi wayekutshilo lokhu kubo; bakholwa umbhalo, lelizwi ayelitshilo uJesu.Select John 2:22

23Njalo kwathi eseJerusalema ngephasika, emkhosini, abanengi bakholwa ebizweni lakhe, bebona izibonakaliso zakhe azenzayo;Select John 2:23

24kodwa uJesu ngokwakhe kazinikelanga yena kubo, ngoba yena wayebazi bonke,Select John 2:24

25langenxa yokuthi wayengasweli ukuthi loba ngubani afakaze ngomuntu; ngoba yena wayekwazi okusemuntwini.Select John 2:25