6John 6

1Emva kwalezizinto uJesu wasuka waya ngaphetsheya kolwandle lweGalili, lweTiberiyasi.Select John 6:1

2Laselimlandela ixuku elikhulu, ngoba babebone izibonakaliso zakhe azenza kulabo abagulayo.Select John 6:2

3UJesu wasesenyukela entabeni, wahlala phansi khona labafundi bakhe.Select John 6:3

4Iphasika, umkhosi wamaJuda, laselisondele.Select John 6:4

5Kwathi uJesu ephakamisa amehlo, wasebona ixuku elikhulu lisiza kuye, wathi kuFiliphu: Sizathenga ngaphi izinkwa, ukuze laba badle?Select John 6:5

6Njalo watsho lokhu emhlola, ngoba yena wayekwazi azakwenza.Select John 6:6

7UFiliphu wamphendula wathi: Izinkwa zabodenariyo* abangamakhulu amabili zingebanele, ukuthi wonke ngamunye wabo azuze ingcosana.Select John 6:7

8Omunye wabafundi bakhe, uAndreya umfowabo kaSimoni Petro, wathi kuye:Select John 6:8

9Kukhona umfanyana lapha, olezinkwa ezinhlanu zebhali* lenhlanzana ezimbili; kodwa ziyini kwabanengi kangaka?Select John 6:9

10Kodwa uJesu wathi: Hlalisani abantu phansi. Kwakukhona utshani obunengi kuleyondawo. Ngakho amadoda ahlala phansi inani lawo lalingaba zinkulungwane ezinhlanu.Select John 6:10

11UJesu wasezithatha izinkwa, esebongile wazinika abafundi, labafundi kulabo ababehlezi phansi; ngokunjalo lenhlanzana ngangokufuna kwabo.Select John 6:11

12Bathi sebesuthi, wathi kubafundi bakhe: Buthani imvuthu eziseleyo, ukuze kungachitheki lutho.Select John 6:12

13Basebebutha, bagcwalisa izitsha ezilitshumi lambili ngemvuthu zezinkwa ezinhlanu zebhali, ezasalayo kulabo abadlayo.Select John 6:13

14Kwathi lababantu bebona isimangaliso asenzileyo uJesu, bathi: Ngeqiniso lo nguye umProfethi omele ukuza emhlabeni.Select John 6:14

15Kwathi uJesu esazi ukuthi bazakuza bambambe ngamandla, ukumbeka abe yinkosi, wabuyela futhi entabeni yena eyedwa.Select John 6:15

16Sekuhlwile, abafundi bakhe behlela elwandle,Select John 6:16

17sebengenile emkhunjini, beza ngaphetsheya kolwandle ukuya eKapenawume. Kwasekumnyama, uJesu wayengafikanga kubo.Select John 6:17

18Lwaseluvuka ulwandle ngoba umoya olamandla wawuvunguza.Select John 6:18

19Sebegwedlile amastadiyu* angaba ngamatshumi amabili lanhlanu kumbe amatshumi amathathu, babona uJesu ehamba phezu kolwandle, esondela emkhunjini; basebesethuka.Select John 6:19

20Kodwa wathi kubo: Yimi, lingesabi.Select John 6:20

21Basebevuma ukumemukela emkhunjini; njalo wahle wafika umkhumbi elizweni ababesiya kilo.Select John 6:21

22Kusisa ixuku elalimi ngaphetsheya kolwandle, libona ukuthi kwakungela lamunye umkolo lapho ngaphandle kwalowo ababengene kuwo abafundi bakhe, lokuthi uJesu wayengangenanga emkolweni labafundi bakhe, kodwa abafundi bakhe babehambe bodwa,Select John 6:22

23kodwa eminye imikolo evela eTiberiyasi yafika eduze lendawo lapho ababedle khona isinkwa, emva kokuthi iNkosi isibongile;Select John 6:23

24ngakho ixuku selibonile ukuthi uJesu wayengekho lapho loba abafundi bakhe, bangena labo emikhunjini, bafika eKapenawume, bedinga uJesu.Select John 6:24

25Bathi sebemtholile ngaphetsheya kolwandle, bathi kuye: Rabi*, ufike nini lapha?Select John 6:25

26UJesu wabaphendula wathi: Ngiqinisile, ngiqinisile, ngithi kini: Liyangidinga, kungeyisikho ukuthi labona izibonakaliso, kodwa ngoba ladla izinkwa lasutha.Select John 6:26

27Lingasebenzeli ukudla okuphelayo, kodwa ukudla okuhlala kuze kube yimpilo elaphakade, ezalinika khona iNdodana yomuntu; ngoba yena uNkulunkulu uYise umphawulile.Select John 6:27

28Basebesithi kuye: Sizakwenzani, ukuze senze imisebenzi kaNkulunkulu?Select John 6:28

29UJesu waphendula wathi kubo: Lo ngumsebenzi kaNkulunkulu, ukuze likholwe kulowo yena amthumileyo.Select John 6:29

30Ngakho bathi kuye: Pho wena wenza isibonakaliso bani, ukuze sibone sikholwe kuwe? Usebenzani?Select John 6:30

31Obaba bethu badla imana enkangala, njengokulotshiweyo ukuthi: Wabanika isinkwa esivela ezulwini ukuthi badle.Select John 6:31

32UJesu wasesithi kubo: Ngiqinisile, ngiqinisile, ngithi kini: UMozisi kalinikanga isinkwa esivela ezulwini; kodwa uBaba ulinika isinkwa soqobo esivela ezulwini.Select John 6:32

33Ngoba isinkwa sikaNkulunkulu singuye owehla evela ezulwini esinika impilo emhlabeni.Select John 6:33

34Basebesithi kuye: Nkosi, sinike lesosinkwa njalonjalo.Select John 6:34

35UJesu wasesithi kubo: Mina ngiyisinkwa sempilo; lowo oza kimi, kasoze alambe; lalowo okholwa kimi, kasoze ome lakanye.Select John 6:35

36Kodwa ngithe kini: Lani lingibonile, kodwa kalikholwa.Select John 6:36

37Bonke uBaba anginika bona bazakuza kimi; lozayo kimi angisoze ngimxotshele phandle.Select John 6:37

38Ngoba ngehlile ezulwini, hatshi ukuthi ngenze intando yami, kodwa intando yalowo ongithumileyo.Select John 6:38

39Lalokhu kuyintando kaBaba ongithumileyo, ukuze konke anginike khona, ngingalahlekelwa lutho kikho, kodwa ngikuvuse ngosuku lokucina.Select John 6:39

40Lalokhu kuyintando yongithumileyo, ukuthi wonke obona iNdodana njalo akholwe kuyo, abe lempilo elaphakade, njalo mina ngizamvusa ngosuku lokucina.Select John 6:40

41Ngalokho amaJuda akhonona ngaye, ngoba wathi: Mina ngiyisinkwa esehla sivela ezulwini.Select John 6:41

42Athi-ke: Lo kayisuye yini uJesu indodana kaJosefa, uyise lonina thina esibaziyo? Pho yena utsho njani, ukuthi: Ngehle ngivela ezulwini?Select John 6:42

43UJesu wasephendula wathi kuwo: Lingakhononi phakathi kwenu.Select John 6:43

44Kakho ongeza kimi, ngaphandle kokuthi uBaba ongithumileyo amdonse, njalo mina ngizamvusa ngosuku lokucina.Select John 6:44

45Kulotshiwe kubaprofethiukuthi: Njalo bonke bazafundiswa nguNkulunkulu. Ngakho wonke ozwileyo ngoBaba wafunda, uyeza kimi.Select John 6:45

46Kayisikho ukuthi ukhona obone uBaba, ngaphandle kwakhe ovela kuNkulunkulu, yena umbonile uBaba.Select John 6:46

47Ngiqinisile, ngiqinisile, ngithi kini: Okholwayo kimi, ulempilo elaphakade.Select John 6:47

48Mina ngiyisinkwa sempilo.Select John 6:48

49Oyihlo badla imana enkangala, futhi bafa;Select John 6:49

50lesi yisinkwa esehla sivela ezulwini, ukuze umuntu adle okwaso angafi.Select John 6:50

51Mina ngiyisinkwa esiphilayo, esehla sivela ezulwini; uba umuntu esidla lesisinkwa, uzaphila ephakadeni. Njalo lesinkwa mina engizasinika, siyinyama yami, mina engizayinikela impilo yomhlaba.Select John 6:51

52AmaJuda asephikisana esithi: Lo angasinika njani inyama yakhe siyidle?Select John 6:52

53Ngakho uJesu wathi kuwo: Ngiqinisile, ngiqinisile, ngithi kini: Ngaphandle kokuthi lidle inyama yeNdodana yomuntu linathe igazi layo, kalilampilo phakathi kwenu.Select John 6:53

54Odla inyama yami anathe igazi lami, ulempilo elaphakade, njalo mina ngizamvusa ngosuku lokucina.Select John 6:54

55Ngoba inyama yami iyikudla oqotho, legazi lami lingokunathwayo oqotho.Select John 6:55

56Odla inyama yami anathe igazi lami, uhlala kimi, lami kuye.Select John 6:56

57Njengalokhu uBaba ophilayo engithumile, lami ngiphila ngoBaba; ngakho ongidlayo, laye uzaphila ngami.Select John 6:57

58Lesi yisinkwa esehla sivela ezulwini; akunjengaboyihlo abadla imana, sebafa; odla lesisinkwa, uzaphila okulaphakade.Select John 6:58

59Watsho lezizinto esinagogeni efundisa eKapenawume.Select John 6:59

60Kwathi abanengi kubafundi bakhe besizwa bathi: Lilukhuni lelilizwi; ngubani ongalizwa?Select John 6:60

61Kodwa uJesu esazi phakathi kwakhe ukuthi abafundi bakhe bayasola ngalokhu, wathi kubo: Lokhu kuyalikhuba yini?Select John 6:61

62Pho, lizathini uba libona iNdodana yomuntu isenyukela lapho eyayikhona kuqala?Select John 6:62

63KunguMoya ophilisayo, inyama kayisizi lutho; amazwi mina engiwakhuluma kini, angumoya njalo ayimpilo.Select John 6:63

64Kodwa bakhona abanye kini abangakholwayo. Ngoba uJesu wayekwazi kusukela ekuqaleni, ukuthi ngobani abangakholwayo, lokuthi ngubani ozamnikela.Select John 6:64

65Wasesithi: Kungenxa yalokhu ngithe kini: Kakho ongeza kimi, ngaphandle kokuthi ekunikwe nguBaba.Select John 6:65

66Kusukela lapho abanengi babafundi bakhe babuyela emuva, kababe besahamba laye.Select John 6:66

67UJesu wasesithi kwabalitshumi lambili: Lani lithanda ukuzihambela yini?Select John 6:67

68USimoni Petro wasemphendula wathi: Nkosi, sizakuya kubani? Amazwi empilo elaphakade akuwe,Select John 6:68

69njalo thina siyakholwa, sesisazi ukuthi wena unguKristu iNdodana kaNkulunkulu ophilayo.Select John 6:69

70UJesu wabaphendula wathi: Mina kangilikhethanga yini lina abalitshumi lambili, kodwa omunye wenu ungudiyabhola?Select John 6:70

71Wayekhuluma ngoJudasi Iskariyothi kaSimoni; ngoba nguye owayezamnikela, engomunye wabalitshumi lambili.Select John 6:71