7John 7

1Njalo emva kwalezizinto uJesu wayehamba eGalili; ngoba wayengathandi ukuhamba eJudiya, ngenxa yokuthi amaJuda ayedinga ukumbulala.Select John 7:1

2Wawusondele umkhosi wamaJuda wokwakha amadumba.Select John 7:2

3Ngakho abafowabo bathi kuye: Suka lapha, uye eJudiya, ukuze labafundi bakho babone imisebenzi yakho oyenzayo.Select John 7:3

4Ngoba kakho owenza ulutho ensitha, kodwa yena ngokwakhe edinga ukuba sobala. Uba uzenza lezizinto, ziveze wena emhlabeni.Select John 7:4

5Ngoba labafowabo babengakholwa kuye.Select John 7:5

6Ngakho uJesu wathi kubo: Isikhathi sami kasikafiki, kodwa esenu isikhathi sihlala silungile.Select John 7:6

7Ungelizonde umhlaba lina; kodwa uyangizonda, ngoba mina ngifakaza ngawo, ukuthi imisebenzi yawo mibi.Select John 7:7

8Yenyukelani lina emkhosini lo; mina angikenyukeli kulumkhosi, ngoba isikhathi sami kasikagcwaliseki.Select John 7:8

9Esetshilo lezizinto kubo, wahlala eGalili.Select John 7:9

10Kodwa sebenyukile abafowabo, laye wasesenyukela emkhosini, kungeyisikho obala, kodwa kungathi kusensitha.Select John 7:10

11AmaJuda asemdinga emkhosini, athi: Ungaphi yena?Select John 7:11

12Kwakukhona ukukhonona okukhulu ngaye phakathi kwamaxuku; abanye bathi: Ulungile. Kodwa abanye bathi: Hatshi, kodwa uyaliduhisa ixuku.Select John 7:12

13Loba kunjalo kwakungekho muntu owakhuluma obala ngaye ngokwesaba amaJuda.Select John 7:13

14Kuthe sekuphakathi komkhosi, uJesu wenyukela ethempelini, wafundisa.Select John 7:14

15AmaJuda asemangala athi: Lo uyazi njani imibhalo, engafundanga?Select John 7:15

16UJesu wawaphendula wathi: Imfundiso yami kayisiyo eyami kodwa ngeyalowo ongithumileyo.Select John 7:16

17Uba umuntu ethanda ukwenza intando yakhe, uzakwazi ngemfundiso, ukuthi ivela kuNkulunkulu, kumbe ngizikhulumela mina ngokwami.Select John 7:17

18Ozikhulumela ngokwakhe, uzidingela udumo lwakhe; kodwa odinga udumo lwalowo omthumileyo, lowo uqinisile, njalo kakukho ukungalungi kuye.Select John 7:18

19Kalinikanga yini uMozisi umlayo, kanti kakho kini ogcina umlayo? Lidingelani ukungibulala?Select John 7:19

20Ixuku laphendula lathi: Uledimoni; ngubani odinga ukukubulala?Select John 7:20

21UJesu waphendula wathi kubo: Ngenze umsebenzi owodwa, njalo lonke liyamangala.Select John 7:21

22Ngakho uMozisi walinika ukusoka (kungeyisikho ukuthi kwavela kuMozisi, kodwa kubobaba), njalo liyamsoka umuntu langesabatha.Select John 7:22

23Uba ngesabatha umuntu esemukela ukusoka, ukuze kungephulwa umlayo kaMozisi, lingithukuthelela ngoba ngaphilisa umuntu ngokupheleleyo ngesabatha yini?Select John 7:23

24Lingahluleli ngokubona, kodwa yahlulelani ukwahlulela okuqondileyo.Select John 7:24

25Abanye kwabeJerusalema basebesithi: Lo kayisuye yini abadinga ukumbulala?Select John 7:25

26Kodwa khangela ukhuluma obala, kodwa kabatsho lutho kuye. Kungaba yikuthi ababusi sebesazi oqotho ukuthi lo unguKristu uqobo yini?Select John 7:26

27Kodwa lo siyazi lapho avela khona; kodwa uKristu nxa efika, kakho ozakwazi lapho avela khona.Select John 7:27

28Ngakho uJesu efundisa ethempelini wamemeza wathi: Lami liyangazi, liyakwazi lalapho engivela khona; njalo kangizizelanga ngokwami, kodwa ongithumileyo uqinisile, elingamaziyo lina.Select John 7:28

29Kodwa ngiyamazi mina, ngoba ngivela kuye, njalo yena ungithumile.Select John 7:29

30Ngakho badinga ukumbamba, kodwa kakubanga khona owabeka isandla phezu kwakhe, ngoba ihola lakhe lalingakafiki.Select John 7:30

31Kodwa abanengi bexuku bakholwa kuye, bathi: Nxa uKristu esefikile, uzakwenza yini izibonakaliso ezinengi kulalezi azenzileyo lo?Select John 7:31

32AbaFarisi bezwa ixuku likhonona lezizinto ngaye; abapristi abakhulu labaFarisi basebethuma abancedisi ukuze bambambe.Select John 7:32

33UJesu wasesithi kubo: Ngiselani okwesikhatshana, besengihamba ngiye kongithumileyo.Select John 7:33

34Lizangidinga, lingangitholi, lalapho mina engikhona, lina lingeze leza.Select John 7:34

35Ngakho amaJuda akhulumisana athi: Uzakuya ngaphi lo ukuthi thina singayikumthola? Kayikuya yini kwabahlakazekileyo bamaGriki, afundise amaGriki?Select John 7:35

36Yilizwi bani leli alitshoyo elokuthi: Lizangidinga, aliyikungithola; lelokuthi: Lapho engikhona mina, lina lingeze leza?Select John 7:36

37Kwathi ngosuku lokucina olukhulu lomkhosi uJesu wema wamemeza, esithi: Uba ekhona owomileyo, keze kimi anathe.Select John 7:37

38Okholwa kimi, njengokutsho kombhalo, kuzageleza kuphuma esiswini sakhe imifula yamanzi aphilayo.Select John 7:38

39Lalokhu wakutsho ngoMoya ababezamemukela abakholwa kuye; ngoba uMoya oNgcwele wayengakafiki, lokhu uJesu wayengakadunyiswa.Select John 7:39

40Ngakho abanengi bexuku besizwa lelilizwi bathi: Oqotho lo ungulowomProfethi.Select John 7:40

41Abanye bathi: Lo unguKristu. Kodwa abanye bathi: Kambe uKristu uzavela eGalili?Select John 7:41

42Kawutsho yini umbhalo ukuthi uKristu uzavela enzalweni kaDavida, leBhethelehema, emzaneni lapho uDavida ayekhona?Select John 7:42

43Ngakho kwaba khona ukwehlukana ngaye phakathi kwexuku.Select John 7:43

44Abanye babo bafuna ukumbamba, kodwa kakubanga khona owambeka izandla.Select John 7:44

45Khona abancedisi baya kubapristi abakhulu lakubaFarisi; bona basebesithi kubo: Kungani lingamlethanga?Select John 7:45

46Abancedisi baphendula bathi: Kakuzange kukhulume umuntu kanje, njengalumuntu.Select John 7:46

47AbaFarisi basebebaphendula bathi: Lani seliduhisiwe yini?Select John 7:47

48Ukhona yini kubabusi kumbe kubaFarisi okholwe kuye?Select John 7:48

49Kodwa lelixuku elingawaziyo umlayo liqalekisiwe.Select John 7:49

50UNikodima, lowo oweza kuye ebusuku, owayengomunye wabo, wathi kubo:Select John 7:50

51Kanti umlayo wakithi uyamgweba umuntu, ngaphandle kokuthi umuzwe kuqala ukwazi akwenzayo?Select John 7:51

52Baphendula bathi kuye: Kanti lawe ungoweGalili? Hlolisisa ubone ukuthi kakuvukanga umprofethi eGalili.Select John 7:52

53Ngulowo lalowo wasesuka waya ekhaya.Select John 7:53