5Lamentations 5

1Khumbula, Nkosi, ukuthi kwenzakaleni kithi; khangela, ubone ihlazo lethu.Select Lamentations 5:1

2Ilifa lethu seliphendulelwe kwabezizwe, izindlu zethu kwabemzini.Select Lamentations 5:2

3Siyizintandane, kungelababa; omama banjengabafelokazi.Select Lamentations 5:3

4Amanzi ethu siwanathile ngemali; inkuni zethu ziza ngentengo.Select Lamentations 5:4

5Sizingelwa ezintanyeni zethu, sidiniwe, kasilakuphumula.Select Lamentations 5:5

6Sinike isandla sethu kwabeGibhithe, labeAsiriya, ukuze sisuthiswe ngesinkwa.Select Lamentations 5:6

7Obaba bona, kabasekho, njalo thina sithwele iziphambeko zabo.Select Lamentations 5:7

8Izigqili ziyasibusa, kakho ongasihluthuna esandleni sazo.Select Lamentations 5:8

9Sizuza isinkwa sethu ngengozi yempilo yethu, ngenxa yenkemba yenkangala.Select Lamentations 5:9

10Ijwabu lethu limnyama njengeziko ngenxa yokutshisa okukhulu kwendlala.Select Lamentations 5:10

11Badlova abesifazana eZiyoni, izintombi ezimsulwa emizini yakoJuda.Select Lamentations 5:11

12Iziphathamandla zaphanyekwa ngesandla sazo; ubuso babadala kabuhlonitshwanga.Select Lamentations 5:12

13Amajaha athwala amatshe okuchola, labafana bakhubeka ngaphansi kwenkuni.Select Lamentations 5:13

14Abadala baphelile esangweni, amajaha ekuhlabeleleni.Select Lamentations 5:14

15Intokozo yenhliziyo yethu iphelile, ukugida kwethu kwaphenduka ukulila.Select Lamentations 5:15

16Umqhele wekhanda lethu uwile; hawu, maye kithi, ngoba sonile!Select Lamentations 5:16

17Ngenxa yalokhu inhliziyo yethu iphela amandla; ngenxa yalezizinto amehlo ethu afiphele.Select Lamentations 5:17

18Ngenxa yentaba yeZiyoni elunxiwa, amakhanka ahamba phezu kwayo.Select Lamentations 5:18

19Wena, Nkosi, uhlezi kuze kube nininini, isihlalo sakho sobukhosi sisuka esizukulwaneni sisiya esizukulwaneni.Select Lamentations 5:19

20Usikhohlweleni njalonjalo, usidela okobude bezinsuku?Select Lamentations 5:20

21Siphendulele kuwe, Nkosi, sizaphenduka; yenza insuku zethu zibe zintsha njengasendulo.Select Lamentations 5:21

22Kodwa ususilahlile isibili; usithukuthelele kakhulukazi.Select Lamentations 5:22