1Luke 1

1Njengoba abanengi sebebeke izandla ukubeka ngendlela efaneleyo ukulandiswa kwezinto eziqiniseke ngokupheleleyo phakathi kwethu,Select Luke 1:1

2njengalokhu basinika labo ababonayo ngamehlo ekuqaleni njalo bezinceku zelizwi,Select Luke 1:2

3kukhanye kukuhle lakimi, sengizihlolisisile zonke izinto kusukela ekuqaleni, ukuthi ngikubhalele ngokulandelana, mhlekazi Teyofilu,Select Luke 1:3

4ukuze wazi iqiniso ngalezozinto ozifundisiweyo.Select Luke 1:4

5Ensukwini zikaHerodi inkosi yeJudiya kwakukhona umpristi othile othiwa nguZakariya, oweqembu likaAbhiya; lomkakhe wayevela kumadodakazi kaAroni, lebizo lakhe linguElizabethi.Select Luke 1:5

6Njalo babelungile bobabili phambi kukaNkulunkulu, behamba ngayo yonke imilayo lezimiso zeNkosi, bengasoleki.Select Luke 1:6

7Njalo babengelamntwana, ngoba uElizabethi wayeyinyumba, basebeleminyaka eminengi bobabili.Select Luke 1:7

8Kwasekusithi esenza inkonzo yobupristi phambi kukaNkulunkulu esesimisweni seqembu lakibo,Select Luke 1:8

9ngomkhuba wenkonzo yobupristi, nguye owadliwa yinkatho yokutshisa impepha esengene ethempelini leNkosi.Select Luke 1:9

10Njalo ixuku lonke labantu lalikhuleka ngaphandle ngesikhathi sokutshisa impepha.Select Luke 1:10

11Ingilosi yeNkosi yasibonakala kuye, imi ngakwesokunene selathi lempepha.Select Luke 1:11

12Kwathi uZakariya eyibona waqhuqha, lokwesaba kwawela phezu kwakhe.Select Luke 1:12

13Kodwa ingilosi yathi kuye: Ungesabi Zakariya; ngoba umkhuleko wakho uzwakele, lomkakho uElizabethi uzakuzalela indodana, njalo uzakuthi ibizo layo nguJohane.Select Luke 1:13

14Futhi uzakuba lenjabulo lentokozo, labanengi bazakujabulela ukuzalwa kwakhe.Select Luke 1:14

15Ngoba uzakuba mkhulu phambi kweNkosi, iwayini kanye lokunathwayo okulamandla kasoze akunathe, futhi uzagcwaliswa ngoMoya oNgcwele kusukela esesesiswini sikanina.Select Luke 1:15

16Labanengi kubantwana bakoIsrayeli uzabaphendulela eNkosini uNkulunkulu wabo;Select Luke 1:16

17njalo yena uzahamba phambi kwayo emoyeni lemandleni kaElija, ukuphendulela inhliziyo zaboyise kubantwana, labangalaleliyo ekuhlakanipheni kwabalungileyo, ukulungiselela iNkosi isizwe esilungisiweyo.Select Luke 1:17

18UZakariya wasesithi kuyo ingilosi: Ngizakwazi ngani lokhu? Ngoba mina ngilixhegu, lomkami useleminyaka eminengi.Select Luke 1:18

19Ingilosi yasiphendula yathi kuye: NginguGabriyeli mina, omayo phambi kukaNkulunkulu; njalo ngithunyiwe ukukhuluma lawe, lokukubikela lezizindaba ezinhle.Select Luke 1:19

20Njalo khangela, uzakuba yisimungulu njalo wehluleke ukukhuluma, kuze kube lusuku okuzakwenzeka ngalo lezizinto, ngenxa yokuthi ungakholwanga amazwi ami, azagcwaliseka ngesikhathi sawo.Select Luke 1:20

21Labantu babemlindele uZakariya; bamangala ngokuphuza kwakhe ethempelini.Select Luke 1:21

22Kuthe esephuma wehluleka ukukhuluma labo; njalo bazi ukuthi ubone umbono ethempelini; njalo yena wayesebaqhweba, wahlala eyisimungulu.Select Luke 1:22

23Kwasekusithi seziphelile insuku zokukhonza kwakhe, waya endlini yakhe.Select Luke 1:23

24Kwathi emva kwalezonsuku uElizabethi umkakhe wathatha isisu, wazifihla okwezinyanga ezinhlanu, esithi:Select Luke 1:24

25Yenze kanje kimi iNkosi ensukwini eyangikhangela ngazo ukususa ihlazo lami phakathi kwabantu.Select Luke 1:25

26Kwathi ngenyanga yesithupha ingilosi uGabriyeli yathunywa nguNkulunkulu emzini weGalili othiwa yiNazaretha,Select Luke 1:26

27entombini eyayigane indoda, ebizo layo lalinguJosefa, eyendlu kaDavida; lebizo lentombi linguMariya.Select Luke 1:27

28Ingilosi yasingena kuye yathi: Ekuhle, wena othandiweyo! INkosi ilawe, ubusisiwe wena phakathi kwabesifazana.Select Luke 1:28

29Kwathi eseyibonile wethuswa kakhulu yilizwi layo, wanakana ukuthi yikubingelela okunjani lokhu.Select Luke 1:29

30Ingilosi yasisithi kuye: Ungesabi, Mariya; ngoba uthole uthando kuNkulunkulu.Select Luke 1:30

31Njalo khangela, uzathatha isisu, uzale indodana, uzakuthi ibizo layo nguJesu.Select Luke 1:31

32Yena uzakuba mkhulu, uzabizwa ngokuthi yiNdodana yoPhezukonke; futhi iNkosi uNkulunkulu izamnika isihlalo sobukhosi sikayise uDavida,Select Luke 1:32

33njalo uzabusa phezu kwendlu kaJakobe kuze kube nininini, langombuso wakhe kawuzukuba lokuphela.Select Luke 1:33

34UMariya wasesithi kuyo ingilosi: Lokhu kungenzeka njani, njengoba ngingazi indoda?Select Luke 1:34

35Ingilosi yasiphendula yathi kuye: UMoya oNgcwele uzakuza phezu kwakho, lamandla oPhezukonke azakwembesa; ngakho lalokhu okungcwele okuzazalwa nguwe kuzakuthiwa yiNdodana kaNkulunkulu.Select Luke 1:35

36Njalo khangela, isinini sakho uElizabethi, laye ukhulelwe yindodana ebudaleni bakhe; lale yinyanga yesithupha kuye obekuthiwa uyinyumba.Select Luke 1:36

37Ngoba kuNkulunkulu kakulalutho oluzakwehlula.Select Luke 1:37

38UMariya wasesithi: Khangela, incekukazi yeNkosi; kakube kimi njengelizwi lakho. Ingilosi yasisuka kuye.Select Luke 1:38

39Ngalezonsuku uMariya wasesukuma waya ezintabeni ngokuphangisa, emzini weJuda,Select Luke 1:39

40wangena endlini kaZakariya, wabingelela uElizabethi.Select Luke 1:40

41Kwasekusithi uElizabethi ezwe ukubingelela kukaMariya, inkonyane yeqa esiswini sakhe; loElizabethi wagcwaliswa ngoMoya oNgcwele,Select Luke 1:41

42wamemeza ngelizwi elikhulu, wathi: Ubusisiwe wena phakathi kwabesifazana, njalo sibusisiwe isithelo sesizalo sakho!Select Luke 1:42

43Kanti kuvela ngaphi lokhu kimi, ukuthi unina weNkosi yami eze kimi?Select Luke 1:43

44Ngoba khangela, kuthe ilizwi lokubingelela kwakho lifika endlebeni zami, umntwana weqa esiswini sami ngokuthokoza.Select Luke 1:44

45Futhi ubusisiwe okholiweyo, ngoba kuzagcwaliseka lezozinto ezakhulunywa kuye yiNkosi.Select Luke 1:45

46UMariya wasesithi: Umphefumulo wami uyayikhulisa iNkosi,Select Luke 1:46

47lomoya wami uyathokoza kuNkulunkulu uMsindisi wami,Select Luke 1:47

48ngoba ukhangele ubuphansi bencekukazi yakhe. Ngoba khangela, kusukela khathesi zonke izizukulwana zizakuthi ngibusisiwe.Select Luke 1:48

49Ngoba yena olamandla ungenzele izinto ezinkulu, lingcwele lebizo lakhe,Select Luke 1:49

50lesihawu sakhe sikusizukulwana ngesizukulwana kulabo abamesabayo.Select Luke 1:50

51Wenzile amandla ngengalo yakhe; uhlakazile abazigqajayo ekunakaneni kwenhliziyo zabo.Select Luke 1:51

52Wehlisile iziphathamandla ezihlalweni zobukhosi, kodwa uphakamisile abantukazana.Select Luke 1:52

53Abalambileyo ubasuthise ngezinto ezinhle, kodwa abanothileyo wabamukisa beze.Select Luke 1:53

54Umsizile uIsrayeli inceku yakhe, ngokukhumbula isihawu,Select Luke 1:54

55njengoba watsho kubobaba bethu, kuAbrahama, lenzalweni yakhe kuze kube nininini.Select Luke 1:55

56UMariya wasehlala laye okungaba zinyanga ezintathu, wasebuyela endlini yakhe.Select Luke 1:56

57Isikhathi sikaElizabethi sokuthi abelethe sesiphelele, wasebeletha indodana.Select Luke 1:57

58Abakhelene laye lezinini zakhe basebesizwa ukuthi iNkosi yenze isihawu sayo saba sikhulu kuye, basebethokoza laye.Select Luke 1:58

59Kwasekusithi ngosuku lwesificaminwembili, beza ukuzasoka usane; balubiza ngebizo likayise ngokuthi nguZakariya.Select Luke 1:59

60Kodwa unina waphendula wathi: Hatshi bo, kodwa luzathiwa nguJohane.Select Luke 1:60

61Basebesithi kuye: Kakho ezihlotsheni zakho obizwa ngalelibizo.Select Luke 1:61

62Basebeqhweba uyise, ukuthi angathanda ukuthi lubizwe ngokuthini.Select Luke 1:62

63Wasecela into yokubhalela, wabhala, esithi: NguJohane ibizo lalo; basebemangala bonke.Select Luke 1:63

64Njalo wahle wavulwa umlomo wakhe lolimi lwakhe lwatshwaphululwa, wasekhuluma edumisa uNkulunkulu.Select Luke 1:64

65Lokwesaba kwehlela phezu kwabo bonke abakhelene labo; njalo kwakhulunywa ngazo zonke lezizinto kulo lonke elezintabeni zeJudiya,Select Luke 1:65

66labo bonke abazizwayo bazilondoloza ezinhliziyweni zabo, besithi: Kambe lolusane luzakuba njani? Njalo isandla seNkosi sasilalo.Select Luke 1:66

67LoZakariya uyise wagcwaliswa ngoMoya oNgcwele, waprofetha, esithi:Select Luke 1:67

68Ibusisiwe iNkosi uNkulunkulu kaIsrayeli, ngoba ihambele yasenzela inkululeko isizwe sayo,Select Luke 1:68

69yasivusela uphondo losindiso endlini kaDavida inceku yayo,Select Luke 1:69

70njengalokho yakhuluma ngomlomo wabaprofethi bayo abangcwele kusukela ekuqaleni komhlaba,Select Luke 1:70

71isikhulula ezitheni zethu, lesandleni sabo bonke abasizondayo;Select Luke 1:71

72ukwenzela obaba bethu isihawu, lokukhumbula isivumelwano sayo esingcwele,Select Luke 1:72

73isifungo eyasifunga kubaba wethu uAbrahama,Select Luke 1:73

74ukusinika, ukuthi sesikhululiwe esandleni sezitha zethu, siyikhonze singelakwesaba,Select Luke 1:74

75ngobungcwele langokulunga phambi kwayo zonke izinsuku zempilo yethu.Select Luke 1:75

76Lawe-ke, sane, uzabizwa ngokuthi ungumprofethi woPhezukonke; ngoba uzahamba phambi kobuso beNkosi ukulungisa izindlela zayo;Select Luke 1:76

77lokunika isizwe sayo ulwazi losindiso ngothethelelo lwezono zabo,Select Luke 1:77

78ngesihelo sikaNkulunkulu wethu, okuthi ngaso ukusa kwaphezulu kusethekelele,Select Luke 1:78

79ukubakhanyisela abahlezi emnyameni lethunzini lokufa, ukuqondisa inyawo zethu endleleni yokuthula.Select Luke 1:79

80Wakhula-ke umntwana omncane, waqina emoyeni, waba sezinkangala kwaze kwaba lusuku lokubonakala kwakhe kuIsrayeli.Select Luke 1:80