17Luke 17

1Wasesithi kubafundi: Kakungeke kwenzeke ukuthi kungaveli izikhubekiso; kodwa maye kulowo ezivela ngaye!Select Luke 17:1

2Kungaba ngcono kuye ukuthi ilitshe lokuchola elikhulu ligaxwe entanyeni yakhe, abesephoselwa olwandle, kulokuthi akhubekise abe munye kulaba abancinyane.Select Luke 17:2

3Zinanzeleleni lina. Njalo nxa umfowenu ekona, mkhuze; futhi nxa ephenduka, mthethelele.Select Luke 17:3

4Njalo loba ekona kuze kube kasikhombisa ngosuku, abesebuya kuwe kasikhombisa ngosuku, esithi: Ngiyaphenduka; uzamthethelela.Select Luke 17:4

5Abaphostoli basebesithi eNkosini: Yandisa kithi ukholo.Select Luke 17:5

6INkosi yasisithi: Uba lilokholo olungangohlamvu lwemasitedi, belingatsho kulesisihlahla somabhulosi ukuthi: Quphuka, ugxumekeke olwandle; futhi besizalilalela.Select Luke 17:6

7Kodwa nguwuphi kini olenceku elimayo kumbe eyelusayo, ohle athi kiyo ingena ivela ensimini: Sondela, uhlale ekudleni?Select Luke 17:7

8Kodwa kazukutsho yini kuyo ukuthi: Lungisa engingakudla, uzibhince ungincedise, ngize ngidle nginathe; njalo emva kwalokhu udle unathe wena?Select Luke 17:8

9Uyayibonga yini leyonceku, ngoba yenze izinto ezilayiweyo? Angicabangi.Select Luke 17:9

10Kunjalo-ke lani, nxa selikwenzile konke elikulayiweyo, kalibokuthi: Sizinceku ezingasizi lutho, ngoba senze lokhu ebesifanele ukukwenza.Select Luke 17:10

11Kwasekusithi esahamba esiya eJerusalema, yena wadabula phakathi laphakathi kweSamariya leGalili.Select Luke 17:11

12Esangena emzaneni othile, amadoda alitshumi alobulephero amhlangabeza, ema khatshana;Select Luke 17:12

13wona asephakamisa ilizwi, esithi: Jesu, Nkosi, sihawukele!Select Luke 17:13

14Futhi kuthe ewabona wathi kuwo: Hambani liyeziveza kubapristi. Kwasekusithi ekusukeni kwawo, ahlanjululwa.Select Luke 17:14

15Futhi omunye wawo, esebonile ukuthi usilisiwe, wabuyela, edumisa uNkulunkulu ngelizwi elikhulu;Select Luke 17:15

16wasesiwa ngobuso enyaweni zakhe, embonga; njalo yena wayengumSamariya.Select Luke 17:16

17Kodwa uJesu waphendula wathi: Kakuhlanjululwanga yini abalitshumi? Bangaphi pho abayisificamunwemunye?Select Luke 17:17

18Akuficakalanga ababuya ukunika uNkulunkulu udumo, ngaphandle kwalo owezizweni.Select Luke 17:18

19Wasesithi kuye: Sukuma uhambe; ukholo lwakho lukusindisile.Select Luke 17:19

20Kwathi ebuzwa ngabaFarisi, ukuthi umbuso kaNkulunkulu uzakuza nini, wasebaphendula wathi: Umbuso kaNkulunkulu kawuzi ngokukhanyayo;Select Luke 17:20

21njalo kabayikutsho ukuthi: Khangelani nanku, kumbe: Khangelani nankuya. Ngoba khangelani, umbuso kaNkulunkulu uphakathi kwenu.Select Luke 17:21

22Wasesithi kubafundi: Kuzafika insuku lapho elizafisa ukubona lube lunye lwezinsuku zeNdodana yomuntu, kodwa kaliyikulubona.Select Luke 17:22

23Njalo bazakuthi kini: Khangelani nangu, kumbe: Khangelani nanguya; lingayi, njalo lingalandeli.Select Luke 17:23

24Ngoba njengombane ophazimayo ukhanyisa kusukela kokunye ukucina ngaphansi kwezulu kusiya kokunye ukucina ngaphansi kwezulu, izakuba njalo leNdodana yomuntu osukwini lwayo.Select Luke 17:24

25Kodwa kuqala imele ihlupheke izinto ezinengi njalo ilahlwe yilesisizukulwana.Select Luke 17:25

26Futhi njengoba kwenzeka ensukwini zikaNowa, kuzakuba njalo lensukwini zeNdodana yomuntu.Select Luke 17:26

27Babesidla, benatha, bethatha, besendiswa, kwaze kwaba lusuku uNowa angena ngalo emkhunjini, kwasekufika uzamcolo, wababhubhisa bonke.Select Luke 17:27

28Ngokufananayo futhi njengoba kwenzeka ensukwini zikaLothi; babesidla, benatha, bethenga, bethengisa, behlanyela, besakha;Select Luke 17:28

29kodwa ngosuku uLothi aphuma ngalo eSodoma, kwana umlilo lesibabule kuvela ezulwini, kwababhubhisa bonke;Select Luke 17:29

30kuzakuba njalo ngosuku ezakwembulwa ngalo iNdodana yomuntu.Select Luke 17:30

31Ngalolosuku, lowo ophezu kophahla lwendlu, lempahla zakhe zisendlini, angehli ukuyazithatha; losensimini ngokunjalo angabuyeli ezintweni ezisemuva.Select Luke 17:31

32Khumbulani umkaLothi.Select Luke 17:32

33Loba ngubani odinga ukusindisa impilo yakhe izamlahlekela; kodwa loba ngubani olahlekelwa yiyo uzayilondoloza.Select Luke 17:33

34Ngithi kini: Ngalobobusuku kuzakuba khona ababili embhedeni munye; omunye uzasuswa, lomunye atshiywe.Select Luke 17:34

35Kuzakuba khona abesifazana ababili bechola ndawonye; omunye uzasuswa, lomunye atshiywe.Select Luke 17:35

36Kuzakuba khona ababili ensimini; omunye uzasuswa, lomunye atshiywe.Select Luke 17:36

37Basebephendula bathi kuye: Ngaphi, Nkosi? Wasesithi kubo: Lapho okukhona isidumbu, kulapho amanqe azabuthana khona.Select Luke 17:37