14Mark 14

1Kwathi emva kwensuku ezimbili kwaba khona iphasika lomkhosi wesinkwa esingelamvubelo; abapristi abakhulu lababhali basebedinga ukuthi bangambamba njani ngobuqili bambulale;Select Mark 14:1

2kodwa bathi: Kungabi ngomkhosi, hlezi kube lesiphithiphithi sabantu.Select Mark 14:2

3Kwathi eseBethani, endlini kaSimoni umlephero, ehlezi ekudleni, kwafika owesifazana ephethe umfuma we-alibasta* wamagcobo awenadi* uqobo aligugu elikhulu; wasephahlaza umfuma we-alibasta, wawathela ekhanda lakhe.Select Mark 14:3

4Kwakukhona abanye abathukuthelayo ngaphakathi kwabo, besithi: Kwenzelwani ukumotshwa kwalamagcobo?Select Mark 14:4

5Ngoba la abengathengiswa ngemali edlula odenariyo* abangamakhulu amathathu, besekunikwa abayanga. Basebemsola.Select Mark 14:5

6Kodwa uJesu wathi: Myekeleni; limhluphelani? Wenze umsebenzi omuhle kimi.Select Mark 14:6

7Ngoba abayanga lihlala lilabo, futhi uba lithanda lingabenzela okuhle; kodwa mina kalihlali lilami.Select Mark 14:7

8Yena wenzile abengakwenza; uqalile ngaphambili ukuwugcobela ukungcwatshwa umzimba wami.Select Mark 14:8

9Ngiqinisile ngithi kini: Loba ngaphi emhlabeni wonke lapho okuzatshunyayelwa khona lelivangeli, lalokhu akwenzileyo kuzakhulunywa ngakho kube yisikhumbuzo ngaye.Select Mark 14:9

10UJudasi Iskariyothi, omunye wabalitshumi lambili, wasesiya kubapristi abakhulu, ukuze amnikele kubo.Select Mark 14:10

11Futhi sebezwile bathokoza, bathembisa ukumnika imali; wasedinga ukuthi angamnikela njani kuhle.Select Mark 14:11

12Kwathi ngosuku lokuqala lwesinkwa esingelamvubelo, ababehlaba ngalo iphasika, abafundi bakhe bathi kuye: Uthanda ukuthi siyelungisa ngaphi ukuze udle iphasika?Select Mark 14:12

13Wasethuma ababili kubafundi bakhe, wathi kubo: Hambani liye emzini, njalo umuntu uzahlangana lani ethwele imbiza yamanzi; limlandele,Select Mark 14:13

14njalo loba kungaphi azangena khona, kalibokuthi kumninindlu: UMfundisi uthi: Ingaphi indlu yezihambi, lapho engingadlela khona iphasika labafundi bami?Select Mark 14:14

15Futhi yena uzalitshengisa indlu enkulu ephezulu eyendlelweyo elungisiweyo; silungiseleni khona.Select Mark 14:15

16Abafundi bakhe basebephuma, bangena emzini, bathola kunjengokutsho kwakhe kubo; basebelungisa iphasika.Select Mark 14:16

17Kwathi sekukusihlwa wafika labalitshumi lambili.Select Mark 14:17

18Sebehlezi besidla, uJesu wathi: Ngiqinisile ngithi kini: Omunye wenu, odla lami, uzanginikela.Select Mark 14:18

19Basebeqala ukudabuka, bathi kuye ngamunye ngamunye: Ayisimi, akunjalo yini? Lomunye: Ayisimi, akunjalo yini?Select Mark 14:19

20Kodwa waphendula wathi kubo: Ngomunye wabalitshumi lambili, otsheba kanye lami emganwini.Select Mark 14:20

21Sibili iNdodana yomuntu ihamba, njengokulotshiweyo ngayo; kodwa maye kulowomuntu enikelwa nguye iNdodana yomuntu! Bekungakuhle kuye aluba lowomuntu wayengazalwanga.Select Mark 14:21

22Kwathi besidla, uJesu wathatha isinkwa, wasibusisa wasihlephula, wabanika, wathi: Thathani, lidle; lokhu kungumzimba wami.Select Mark 14:22

23Wasethatha inkezo, esebongile wabanika; basebenatha kuyo bonke.Select Mark 14:23

24Wasesithi kubo: Leli ligazi lami, elesivumelwano esitsha, elichithelwa abanengi.Select Mark 14:24

25Ngiqinisile ngithi kini: Angisayikunatha okwesithelo sevini, kuze kufike lolosuku engizasinatha ngalo sisitsha embusweni kaNkulunkulu.Select Mark 14:25

26Kwathi sebehlabele ingoma yokudumisa baphuma baya entabeni yeMihlwathi.Select Mark 14:26

27UJesu wasesithi kubo: Lonke lizakhubeka ngami ngalobubusuku; ngoba kulotshiwe ukuthi: Ngizatshaya umelusi, izimvu besezihlakazeka.Select Mark 14:27

28Kodwa emva kokuvuswa kwami, ngizalandulela ukuya eGalili.Select Mark 14:28

29Kodwa uPetro wathi kuye: Lanxa bonke bezakhubeka, kodwa hatshi mina.Select Mark 14:29

30UJesu wasesithi kuye: Ngiqinisile ngithi kuwe: Lamuhla ngalobubusuku, lingakakhali kabili iqhude, uzangiphika kathathu.Select Mark 14:30

31Kodwa waqinisa ngamandla esithi: Loba kudingeka ngife lawe, angisoze ngikuphike. Basebesitsho njalo labo bonke.Select Mark 14:31

32Basebefika endaweni ebizo layo yiGetsemane; wasesithi kubafundi bakhe: Hlalani phansi lapha, ngisayakhuleka.Select Mark 14:32

33Wasethatha kanye laye uPetro loJakobe loJohane, waseqala ukudatshulwa sibili lokukhathazeka kakhulu.Select Mark 14:33

34Wasesithi kubo: Umphefumulo wami udabukile kakhulu kuze kube sekufeni; hlalani lapha lilinde.Select Mark 14:34

35Waseqhubeka ibangana, wawela emhlabathini, wakhuleka ukuthi, uba kungenzeka, kudlule kuye lelihola.Select Mark 14:35

36Wasesithi: Abha*, Baba, zonke izinto ziyenzeka kuwe. Susa linkezo kimi; kodwa kungabi yikuthi ngithandani mina, kodwa kube yikuthi uthandani wena.Select Mark 14:36

37Wasesiza, wabafica belele, wathi kuPetro: Simoni, ulele yini? Ubungelinde yini ihola libe linye?Select Mark 14:37

38Lindani likhuleke, ukuze lingangeni ekulingweni. Umoya uyavuma-ke, kodwa inyama ibuthakathaka.Select Mark 14:38

39Wasebuya wahamba wayakhuleka, esitsho wona lawomazwi.Select Mark 14:39

40Wasebuya wabafica futhi belele; ngoba amehlo abo ayenzima, kodwa babengazi ukuthi bazamphendula bathini.Select Mark 14:40

41Wasesiza ngokwesithathu, wathi kubo: Qhubekani-ke lilele, liphumule. Kwanele; ihola selifikile; khangelani, iNdodana yomuntu iyanikelwa ezandleni zezoni.Select Mark 14:41

42Sukumani, sihambe; khangelani, onginikelayo useduze.Select Mark 14:42

43Kwathi esakhuluma, wahle wafika uJudasi, omunye wabalitshumi lambili, njalo elexuku elikhulu elilezinkemba lezinduku, livela kubapristi abakhulu lababhali labadala.Select Mark 14:43

44Lomnikelayo wayebanike isiboniso, esithi: Lowo engizamanga, nguye; limbambe, limqhube limqinise.Select Mark 14:44

45Esefikile, wahle wasondela kuye wathi: Rabi*, Rabi! Wasemanga.Select Mark 14:45

46Basebemdumela, bambamba.Select Mark 14:46

47Lomunye kwababemi khona wakhokha inkemba wagadla inceku yompristi omkhulu, waquma indlebe yayo.Select Mark 14:47

48UJesu wasephendula wathi kubo: Liphume njengokuyamelana lomphangi yini lilezinkemba lezinduku ukuzangibamba?Select Mark 14:48

49Bengilani insuku ngensuku ethempelini ngifundisa, kodwa kalingibambanga - kodwa ukuze kugcwaliseke imibhalo.Select Mark 14:49

50Bonke basebemtshiya babaleka.Select Mark 14:50

51Lejaha elithile lamlandela, lembethe ilembu elicolekileyo emzimbeni onqunu. Aselibamba amajaha;Select Mark 14:51

52laselitshiya ilembu elicolekileyo lababalekela linqunu.Select Mark 14:52

53Basebemqhuba uJesu bamusa kumpristi omkhulu; basebebuthana kuye abapristi abakhulu bonke labadala lababhali.Select Mark 14:53

54UPetro wasemlandela ekhatshana waze waba phakathi kweguma lompristi omkhulu; wayehlezi kanye lezinceku, esotha umlilo.Select Mark 14:54

55Labapristi abakhulu lomphakathi wonke badinga ubufakazi ngoJesu, ukuze bambulale; kodwa kababutholanga.Select Mark 14:55

56Ngoba abanengi bafakaza amanga ngaye, kodwa lobubufakazi kabuvumelananga.Select Mark 14:56

57Kwasekusukuma abanye bafakaza amanga amelana laye besithi:Select Mark 14:57

58Thina samuzwa esithi: Mina ngizadiliza lelithempeli elenziwe ngezandla, njalo ngakhe elinye elingenziwanga ngezandla ngensuku ezintathu.Select Mark 14:58

59Loba kunjalo ubufakazi babo kabuvumelananga.Select Mark 14:59

60Kwasekusukuma umpristi omkhulu phakathi kwabo wambuza uJesu, esithi: Kawuphenduli lutho yini? Bafakazani laba okumelana lawe?Select Mark 14:60

61Kodwa wathula, kaphendulanga lutho. Umpristi omkhulu wabuya wambuza, wathi kuye: Wena unguKristu, iNdodana yoBusisiweyo yini?Select Mark 14:61

62UJesu wasesithi: Mina nginguye. Njalo lizabona iNdodana yomuntu ihlezi ngakwesokunene samandla, isiza ngamayezi ezulu.Select Mark 14:62

63Umpristi omkhulu wasedabula izembatho zakhe wathi: Sisaswelelani abafakazi?Select Mark 14:63

64Liyizwile inhlamba; licabangani? Bonke basebemlahla ukuthi ulecala lokufa.Select Mark 14:64

65Abanye basebeqala ukumkhafulela amathe, lokumgubuzela ubuso, lokumdutshuza, lokuthi kuye: Profetha! Izinceku zasezimwakala.Select Mark 14:65

66UPetro esegumeni ngaphansi, kwafika enye yezincekukazi zompristi omkhulu;Select Mark 14:66

67isibona uPetro esotha, yamkhangela yathi: Lawe ubulomNazaretha, uJesu.Select Mark 14:67

68Kodwa waphika, wathi: Kangikwazi, futhi kangikuqedisisi okutshoyo. Wasephuma phandle, waya entubeni; laselikhala iqhude.Select Mark 14:68

69Njalo incekukazi encane yabuya yambona, yaqala ukutsho kwababemi khona ukuthi: Lo ungomunye wabo.Select Mark 14:69

70Kodwa wabuya waphika. Kwathi emva kwesikhatshana futhi labo ababemi khona bathi kuPetro: Ngeqiniso ungomunye wabo; ngoba lawe ungumGalili, lolimi lwakho luyavumelana.Select Mark 14:70

71Waseqala ukuqalekisa lokufunga esithi: Kangimazi lumuntu elimtshoyo.Select Mark 14:71

72Iqhude laselikhala ngokwesibili. UPetro wasekhumbula ilizwi uJesu ayelitshilo kuye lokuthi: Lingakakhali kabili iqhude, uzangiphika kathathu. Esenakane ngalokhu wakhala.Select Mark 14:72