6Mark 6

1Wasesuka lapho, waya emzini wakibo; abafundi bakhe basebemlandela.Select Mark 6:1

2Sekufike isabatha, waqala ukufundisa esinagogeni; labanengi abamuzwayo bamangala, bathi: Zivela ngaphi lezizinto kuye? Njalo yinhlakanipho bani ayinikiweyo, ukuthi lalimisebenzi yamandla enje yenziwe ngezandla zakhe?Select Mark 6:2

3Lo kayisuye umbazi yini, indodana kaMariya, lomfowabo kaJakobe loJose loJudasi loSimoni? Labodadewabo kabakho yini lapha kithi? Basebekhubeka ngaye.Select Mark 6:3

4Kodwa uJesu wathi kubo: Umprofethi kasweli ukudunyiswa, ngaphandle kwelizweni lakibo, lezihlotsheni zakhe lendlini yakwabo.Select Mark 6:4

5Futhi wayengelakho ukwenza lowodwa umsebenzi wamandla lapho, ngaphandle kokubeka izandla phezu kwabagulayo abalutshwana, wabasilisa.Select Mark 6:5

6Wasemangala ngokungakholwa kwabo. Wabhodabhoda imizana efundisa.Select Mark 6:6

7Wasebizela kuye abalitshumi lambili, waqala ukubathuma ngababili ngababili, wabanika amandla phezu kwabomoya abangcolileyo.Select Mark 6:7

8Wabalaya ukuthi bangaphathi lutho lwendlela, ngaphandle kodondolo kuphela; lasikhwama, lasinkwa, lamali ezwezweni;Select Mark 6:8

9kodwa bafake amanyathela; futhi bangembathi izembatho ezimbili.Select Mark 6:9

10Wasesithi kubo: Lapho elingena khona endlini, hlalani kiyo lize liphume khona.Select Mark 6:10

11Njalo loba ngobani abangayikulemukela, kumbe balizwe, nxa liphuma lapho, thintithani uthuli olungaphansi kwenyawo zenu kube yibufakazi kubo. Ngiqinisile ngithi kini: Kuzakuba lula eSodoma kumbe laseGomora ngosuku lwesigwebo, kulakulowomuzi.Select Mark 6:11

12Sebephumile batshumayela ukuthi baphenduke;Select Mark 6:12

13bakhupha amadimoni amanengi, bagcoba abanengi abagulayo ngamagcobo babasilisa.Select Mark 6:13

14Inkosi uHerodi wasesizwa ngakho, ngoba ibizo lakhe laba sobala, wasesithi: UJohane owabhabhathizayo uvukile kwabafileyo, futhi kungakho lamandla esebenza kuye.Select Mark 6:14

15Abanye bathi: UnguElija; labanye bathi: Ungumprofethi, kumbe unjengomunye wabaprofethi.Select Mark 6:15

16Kodwa uHerodi esezwile wathi: Lo nguJohane, mina engamquma ikhanda; yena uvukile kwabafileyo.Select Mark 6:16

17Ngoba yena uHerodi wayethumele wambamba uJohane, wambopha entolongweni, ngenxa kaHerodiyasi umkaFiliphu umfowabo, ngoba wayemthethe.Select Mark 6:17

18Ngoba uJohane wayethe kuHerodi: Kawuvunyelwa ukuba lomkamfowenu.Select Mark 6:18

19UHerodiyasi wasembambela inhliziyo, wafuna ukumbulala; kodwa kenelisanga;Select Mark 6:19

20ngoba uHerodi wayemesaba uJohane, esazi ukuthi uyindoda elungileyo lengcwele, wamlondoloza; lalapho emuzwa, wenza izinto ezinengi, wamuzwa ngokuthokoza.Select Mark 6:20

21Kwathi selufikile usuku oluhle, uHerodi ngelanga lakhe lokuzalwa wenzela izikhulu zakhe lenduna zenkulungwane labalisa beGalili ukudla kwantambama,Select Mark 6:21

22kwathi indodakazi kaHerodiyasi lo isingenile yagida, yamkholisa uHerodi lalabo ababehlezi ekudleni laye, inkosi yathi entombini: Cela kimi loba kuyini okuthandayo, njalo ngizakupha;Select Mark 6:22

23wafunga kuyo esithi: Loba kuyini ongakucela kimi, ngizakunika, kuze kube yingxenye yombuso wami.Select Mark 6:23

24Yasiphuma isithi kunina: Ngizacelani? Yena wasesithi: Ikhanda likaJohane uMbhabhathizi.Select Mark 6:24

25Njalo yahle yangena enkosini ngokuphangisa, yacela, yathi: Ngifuna ukuthi unginike khathesinje emganwini ikhanda likaJohane uMbhabhathizi.Select Mark 6:25

26Inkosi yasidabuka kakhulu, kodwa ngenxa yezifungo langalabo ababehlezi layo ekudleni kayithandanga ukuyilandulela.Select Mark 6:26

27Njalo inkosi yahle yathuma ibutho yalaya ukuthi kulethwe ikhanda lakhe. Wasehamba wamquma ikhanda entolongweni,Select Mark 6:27

28waletha ikhanda lakhe ngomganu, walinika intombi; intombi yasilinika unina.Select Mark 6:28

29Kwathi abafundi bakhe sebezwile beza, bathatha isidumbu sakhe, basibeka engcwabeni.Select Mark 6:29

30Abaphostoli basebebuthana kuJesu, bambikela konke, lababekwenzile kanye lababekufundisile.Select Mark 6:30

31Wasesithi kubo: Wozani lina lodwa endaweni eyinkangala, liphumule kancinyane. Ngoba babebanengi abafikayo labahambayo, futhi bengelathuba lokudla.Select Mark 6:31

32Bakhuphuka ngomkhumbi baya endaweni eyinkangala bebodwa.Select Mark 6:32

33Amaxuku asebabona besuka, labanengi bamazi, bagijimela khona kanyekanye ngenyawo bevela emizini yonke, basebebandulela, bahlangana kuye.Select Mark 6:33

34Kwathi uJesu esephuma wabona ixuku elikhulu, waba lesihelo ngabo, ngoba babenjengezimvu ezingelamelusi; waseqala ukubafundisa izinto ezinengi.Select Mark 6:34

35Kwathi isikhathi sesihambile, abafundi bakhe beza kuye bathi: Lindawo iyinkangala, lesikhathi sesihambile;Select Mark 6:35

36bayekele, ukuze baye ezigabeni ezizingelezeleyo lemizaneni bazithengele izinkwa; ngoba bengelalutho abangaludla.Select Mark 6:36

37Wasephendula wathi kubo: Banikeni lina ukuthi badle. Basebesithi kuye: Sihambe yini siyethenga izinkwa ngabodenariyo* abangamakhulu amabili, sibaphe badle?Select Mark 6:37

38Wasesithi kubo: Lilezinkwa ezingaki? Hambani liyebona. Sebesazi bathi: Zinhlanu, lenhlanzi ezimbili.Select Mark 6:38

39Wasebalaya ukuthi babahlalise bonke phansi ngezigaba ngezigaba etshanini obuluhlaza.Select Mark 6:39

40Basebehlala phansi ngamaviyo ngamaviyo, ngamakhulu langamatshumi amahlanu.Select Mark 6:40

41Wasethatha izinkwa ezinhlanu lenhlanzi ezimbili, ekhangela phezulu ezulwini, wabonga, wazihlephula izinkwa, wazinika abafundi bakhe ukuthi bazibeke phambi kwabo; lenhlanzi ezimbili wazabela bonke.Select Mark 6:41

42Basebesidla bonke, basutha.Select Mark 6:42

43Basebedobha izitsha ezilitshumi lambili ezagcwala imvuthu ezazisele, lokuseleyo kwenhlanzi.Select Mark 6:43

44Lalabo abadlayo izinkwa, babengaba ngamadoda azinkulungwane ezinhlanu.Select Mark 6:44

45Njalo wahle wacindezela abafundi bakhe ukuthi bangene emkhunjini, njalo bamqalele ukuya ngaphetsheya eBhethisayida, yena esayekela ixuku lihamba.Select Mark 6:45

46Esebavalelisile, wasuka waya entabeni ukuyakhuleka.Select Mark 6:46

47Sekuhlwile, umkhumbi wawuphakathi kolwandle, futhi yena wayeyedwa emhlabathini.Select Mark 6:47

48Wababona behlupheka kakhulu ekugwedleni, ngoba umoya wawuphambene labo, wasesiza kubo sokungaba yisikhathi somlindo wesine wobusuku, ehamba phezu kolwandle; wasefuna ukubadlula.Select Mark 6:48

49Sebembonile ehamba phezu kolwandle, basebecabanga ukuthi lithonga, bakhala kakhulu;Select Mark 6:49

50ngoba bambona bonke, bethuka. Kodwa wahle wakhuluma labo, wathi kubo: Manini isibindi; yimi, lingesabi.Select Mark 6:50

51Wasesenyukela kubo emkhunjini, umoya wasuthula; basebesanganiseka kakhulu okwedlula amalawulo ngaphakathi, bamangala.Select Mark 6:51

52Ngoba babengaqedisisanga ngezinkwa; ngoba inhliziyo yabo yayilukhuni.Select Mark 6:52

53Kwathi sebechaphile bafika elizweni leGenesaretha, babophela umkhumbi ekhunjini.Select Mark 6:53

54Bathi sebephumile emkhunjini, bahle bamazi,Select Mark 6:54

55njalo bagijimela kuso sonke lesosigaba esizingelezeleyo, baqala ukubhoda bethwala abagulayo ngamathala bebasa lapho abebesizwa ukuthi ukhona.Select Mark 6:55

56Njalo loba ngaphi angena khona emizaneni loba emizini, loba emaphandleni, babeka abagulayo emidangeni, bamncenga ukuthi bathinte umphetho wesembatho sakhe nje; njalo bonke abamthintayo basindiswa.Select Mark 6:56