9Mark 9

1Wasesithi kubo: Ngiqinisile ngithi kini: Bakhona abanye kwabemiyo lapha, abangasoze bezwe ukufa, baze babone umbuso kaNkulunkulu usufikile ngamandla.Select Mark 9:1

2Emva kwensuku eziyisithupha uJesu wasethatha uPetro loJakobe loJohane, wasebakhuphulela entabeni ende ebehlukanisa bodwa; waseguqulwa isimo phambi kwabo;Select Mark 9:2

3lezembatho zakhe zacwazimula, zaba mhlophe nke njengeliqhwa elikhithikileyo, kakulamcoli welembu emhlabeni ongazenza zibe mhlophe kangako.Select Mark 9:3

4Kwasekubonakala kubo uElija eloMozisi, njalo bekhuluma loJesu.Select Mark 9:4

5UPetro wasephendula wathi kuJesu: Rabi*, kuhle ukuthi sibe lapha; futhi asakhe amadumba amathathu, elinye ngelakho, lelinye ngelikaMozisi, lelinye ngelikaElija.Select Mark 9:5

6Ngoba wayengakwazi angakutsho; ngoba babesesaba kakhulu.Select Mark 9:6

7Kwasekufika iyezi labasibekela; kwaba lelizwi elivela eyezini, lisithi: Lo uyiNdodana yami ethandekayo; zwanini yona.Select Mark 9:7

8Njalo bahle bathalaza, kababe besabona muntu, kodwa uJesu yedwa elabo.Select Mark 9:8

9Kwathi besehla entabeni, wabalaya ukuthi bangatsheli muntu izinto abazibonileyo, ize ivuke kwabafileyo iNdodana yomuntu.Select Mark 9:9

10Njalo bazigcinela lelilizwi, bebuzana ukuthi kutshoni ukuvuka kwabafileyo.Select Mark 9:10

11Basebembuza, besithi: Batsholoni ababhali ukuthi uElija ufanele ukufika kuqala?Select Mark 9:11

12Wasephendula, wathi kubo: UElija ufika kuqala isibili, abuyisele zonke izinto; njalo kubhalwe njani ngeNdodana yomuntu, ukuthi izahlupheka izinto ezinengi njalo idelelwe.Select Mark 9:12

13Kodwa ngitsho kini ukuthi uElija laye sewafika, basebesenza kuye konke abakuthandayo, njengokulotshiweyo ngaye.Select Mark 9:13

14Kwathi efika kubafundi, wabona ixuku elikhulu libahanqile, lababhali bephikisana labo.Select Mark 9:14

15Lahle lathi ukumbona ixuku lonke laselimangala, lagijimela kuye lambingelela.Select Mark 9:15

16Wasebabuza ababhali wathi: Liphikisana ngani labo?Select Mark 9:16

17Omunye wexuku wasephendula wathi: Mfundisi, ngilethe kuwe indodana yami, elomoya oyisimungulu;Select Mark 9:17

18kuthi loba ngaphi oyibamba khona, uyidabule; ikhihlize amagwebu, igedle amazinyo ayo, yome qha; njalo ngikhulume labafundi bakho ukuthi bawukhuphe, kodwa behluleka.Select Mark 9:18

19Wasemphendula wathi: O sizukulwana esingelakholo, koze kube nini ngilani? Koze kube nini ngilibekezelela? Iletheni kimi.Select Mark 9:19

20Basebeyiletha kuye; kwathi umbona, umoya wahle wayihlukuza; yawela emhlabathini, yazigiqagiqa ikhihliza amagwebu.Select Mark 9:20

21Wasebuza uyise wathi: Kulesikhathi esingakanani, lokhu kwenzeka kiyo? Wasesithi: Kusukela ebuntwaneni.Select Mark 9:21

22Futhi uyiphosele kanengi emlilweni lemanzini, ukuze uyibhubhise; kodwa nxa kukhona ongakwenza, sihawukele, usisize.Select Mark 9:22

23UJesu wasesithi kuye: Nxa usenelisa ukukholwa, zonke izinto ziyenzeka kokholwayo.Select Mark 9:23

24Njalo uyise womntwana wahle wamemeza ngezinyembezi wathi: Ngiyakholwa, Nkosi, siza ukungakholwa kwami.Select Mark 9:24

25Kwathi uJesu esebona ukuthi ixuku ligijima kanyekanye ndawonye, wakhuza umoya ongcolileyo, esithi kuwo: Wena moya oyisimungulu loyisacuthe, mina ngiyakulaya: Phuma kuye, ungabe usangena kuye.Select Mark 9:25

26Usumemezile, wayihlukuza kakhulu, waphuma; yasisiba njengofileyo, kwaze kwathi abanengi bathi isifile.Select Mark 9:26

27Kodwa uJesu wayibamba ngesandla, wayiphakamisa; yasisukuma.Select Mark 9:27

28Wathi esengenile endlini, abafundi bakhe bambuza bebodwa bathi: Kungani thina sehlulekile ukuwukhupha?Select Mark 9:28

29Wasesithi kubo: Loluhlobo lungeke luphume ngalutho, ngaphandle komkhuleko lokuzila ukudla.Select Mark 9:29

30Basebesuka lapho badabula eGalili; wayengathandi ukuthi loba ngubani akwazi,Select Mark 9:30

31ngoba wayefundisa abafundi bakhe, esithi kubo: INdodana yomuntu inikelwa ezandleni zabantu, njalo bazayibulala; kuthi isibulewe, izavuka ngosuku lwesithathu.Select Mark 9:31

32Kodwa kabaqedisisanga lumutsho, basebesesaba ukumbuza.Select Mark 9:32

33Wasefika eKapenawume. Kwathi esendlini wababuza wathi: Beliphikisana ngani endleleni?Select Mark 9:33

34Kodwa bathula; ngoba endleleni babephikisene ngokuthi ngubani omkhulu.Select Mark 9:34

35Wasehlala phansi wabiza abalitshumi lambili, wathi kubo: Uba umuntu ethanda ukuba ngowokuqala, uzakuba ngowokucina kubo bonke, lesisebenzi sabo bonke.Select Mark 9:35

36Wasethatha umntwana omncane, wammisa phakathi kwabo; wamgona, wathi kubo:Select Mark 9:36

37Loba ngubani owemukela omunye wabantwana abancane abanje ebizweni lami, wemukela mina; njalo loba ngubani owemukela mina, kemukeli mina, kodwa yena ongithumileyo.Select Mark 9:37

38UJohane wasemphendula, wathi: Mfundisi, sabona omunye ongasilandeliyo ekhupha amadimoni ngebizo lakho; sasesimenqabela, ngoba engasilandeli.Select Mark 9:38

39Kodwa uJesu wathi: Lingamenqabeli; ngoba kakho owenza umsebenzi wamandla ebizweni lami, njalo olamandla okukhuluma kubi ngami masinyane;Select Mark 9:39

40ngoba ongamelani lathi, ungowethu.Select Mark 9:40

41Ngoba loba ngubani ozalinathisa inkezo yamanzi ngebizo lami, ngoba lingabakaKristu, ngiqinisile ngithi kini: Kasoze alahlekelwa ngumvuzo wakhe.Select Mark 9:41

42Futhi loba ngubani okhubekisa omunye walaba abancinyane abakholwa kimi, kungcono kuye ukuthi ilitshe lokuchola ligaxwe entanyeni yakhe, abesephoselwa olwandle.Select Mark 9:42

43Njalo uba isandla sakho sikukhubekisa, siqume; kungcono kuwe ukungena ekuphileni uyingini, kulokuthi ulezandla ezimbili usuke uye esihogweni, emlilweni ongacitshekiyo,Select Mark 9:43

44lapho impethu yabo engafi khona, lomlilo ongacitshi khona.Select Mark 9:44

45Njalo uba unyawo lwakho lukukhubekisa, luqume; kungcono kuwe ukungena ekuphileni uyisiqhwala, kulokuthi ulenyawo ezimbili uphoselwe esihogweni, emlilweni ongacitshekiyo,Select Mark 9:45

46lapho impethu yabo engafi khona, lomlilo ongacitshi khona.Select Mark 9:46

47Njalo uba ilihlo lakho likukhubekisa, likhuphe; kungcono kuwe ukungena embusweni kaNkulunkulu ulelihlo elilodwa, kulokuthi ulamehlo amabili uphoselwe esihogweni somlilo,Select Mark 9:47

48lapho impethu yabo engafi khona, lomlilo ongacitshi khona.Select Mark 9:48

49Ngoba wonke uzatshwaywa ngomlilo; njalo wonke umhlatshelo uzatshwaywa ngetshwayi.Select Mark 9:49

50Itshwayi lihle; kodwa uba itshwayi lingelabutshwayi, lizalivuselela ngani? Banini letshwayi phakathi kwenu, njalo lihlalisane ngokuthula.Select Mark 9:50