13Matthew 13

1Kwathi ngalolosuku uJesu waphuma endlini wahlala phansi elwandle.Select Matthew 13:1

2Kwasekubuthana kuye amaxuku amakhulu, waze wangena emkhunjini wahlala phansi; lexuku lonke lema ekhunjini.Select Matthew 13:2

3Wasekhuluma labo izinto ezinengi ngemifanekiso, esithi: Khangelani, kwaphuma umhlanyeli ukuyahlanyela.Select Matthew 13:3

4Kwathi ekuhlanyeleni kwakhe, enye inhlanyelo yawela eceleni kwendlela; kwasekufika inyoni, zayidla zayiqeda.Select Matthew 13:4

5Kodwa enye yawela emhlabathini olamatshe, lapho eyayingelamhlabathi omnengi khona; futhi yahle yamila, ngoba kwakungelakutshona komhlabathi;Select Matthew 13:5

6kwathi ekuphumeni kwelanga yahangulwa; njalo ngoba yayingelampande yabuna.Select Matthew 13:6

7Kodwa enye yawela emeveni; ameva asekhula ayiminyanisa.Select Matthew 13:7

8Kodwa enye yawela emhlabathini omuhle, yathela isithelo, enye ikhulu, lenye amatshumi ayisithupha, lenye amatshumi amathathu.Select Matthew 13:8

9Olendlebe zokuzwa, akezwe.Select Matthew 13:9

10Kwasekufika abafundi bathi kuye: Ukhulumelani kubo ngemifanekiso?Select Matthew 13:10

11Wasephendula wathi kubo: Ngoba kuphiwe kini ukwazi imfihlo zombuso wamazulu, kodwa bona kabakunikwanga.Select Matthew 13:11

12Ngoba loba ngubani olakho uzaphiwa, abe lokwengezelelweyo; kodwa lowo ongelakho, uzakwemukwa lalokho alakho.Select Matthew 13:12

13Ngakho ngikhuluma labo ngemifanekiso, ngoba bebona kababoni, njalo besizwa kabezwa, futhi kabaqedisisi.Select Matthew 13:13

14Kubo besekugcwaliseka isiprofetho sikaIsaya, esithi: Ukuzwa lizakuzwa, kodwa kalisoze liqedisise; lokubona lizabona, kodwa kalisoze libonisise;Select Matthew 13:14

15ngoba inhliziyo yalababantu seyaba lukhuni, njalo bezwa kanzima ngendlebe, lamehlo abo bawacimezile; hlezi loba nini babone ngamehlo, njalo bezwe ngendlebe, futhi baqedisise ngenhliziyo, njalo baphenduke, besengibasilisa.Select Matthew 13:15

16Kodwa abusisiwe amehlo enu, ngoba ayabona; lendlebe zenu, ngoba ziyezwa.Select Matthew 13:16

17Ngoba ngiqinisile ngithi kini: Abaprofethi labalungileyo abanengi babethanda ukubona izinto elizibonayo, kodwa kabazibonanga; lokuzwa izinto elizizwayo kodwa kabazizwanga.Select Matthew 13:17

18Ngakho lina zwanini umfanekiso womhlanyeli.Select Matthew 13:18

19Kuthi wonke ozwayo ilizwi lombuso kodwa engaqedisisi, omubi afike, ahluthune okuhlanyelwe enhliziyweni yakhe. Lo nguye ohlanyelwe eceleni kwendlela.Select Matthew 13:19

20Kodwa ohlanyelwe emhlabathini olamatshe, nguye olizwayo ilizwi, ahle alemukele ngentokozo;Select Matthew 13:20

21kodwa kalampande phakathi kwakhe, kodwa uhlala isikhathi; kuthi sekufika inkathazo kumbe ukuzingelwa ngenxa yelizwi, ahle akhubeke.Select Matthew 13:21

22Lohlanyelwe emeveni, nguye olizwayo ilizwi, kodwa impisekelo yalumhlaba lenkohliso yenotho kuyaliminyanisa ilizwi, futhi lingabi lesithelo.Select Matthew 13:22

23Kodwa ohlanyelwe emhlabathini omuhle, nguye olizwayo ilizwi aliqedisise; isibili athele izithelo, aveze, omunye ikhulu, lomunye amatshumi ayisithupha, lomunye amatshumi amathathu.Select Matthew 13:23

24Wabeka phambi kwabo omunye umfanekiso, esithi: Umbuso wamazulu ufananiswa lomuntu owahlanyela inhlanyelo enhle ensimini yakhe.Select Matthew 13:24

25Kodwa abantu besalele, kwafika isitha sakhe sahlanyela umfaba phakathi kwamabele, sahamba.Select Matthew 13:25

26Kodwa kwathi selumilile usungulo lwathela isithelo, lomfaba wasubonakala.Select Matthew 13:26

27Zasezisondela inceku zomninimuzi zathi kuye: Nkosi, kawuhlanyelanga yini inhlanyelo enhle ensimini yakho? Pho iwuthethe ngaphi umfaba?Select Matthew 13:27

28Wasesithi kuzo: Umuntu oyisitha ukwenzile lokhu. Inceku zasezisithi kuye: Uthanda ukuthi siyewubutha yini?Select Matthew 13:28

29Kodwa wathi: Hatshi, hlezi, ekubutheni kwenu umfaba, lisiphune amabele kanye lawo.Select Matthew 13:29

30Yekelani kukhule kokubili ndawonye kuze kube yisivuno; langesikhathi sokuvuna ngizakuthi kwabavunayo: Buthani kuqala umfaba, liwubophe izinyanda ukuze liwutshise; kodwa amabele liwabuthele esiphaleni sami.Select Matthew 13:30

31Wasebabekela omunye umfanekiso, esithi: Umbuso wamazulu unjengohlamvu lwemasitedi, aluthatha umuntu waluhlanyela ensimini yakhe;Select Matthew 13:31

32lona kambe luncinyane kulazo zonke inhlamvu; kodwa nxa selukhulile, lukhulu kulezilimo zonke, njalo luba yisihlahla, kuze kufike inyoni zezulu, zakhele engatsheni zaso.Select Matthew 13:32

33Wabatshela omunye umfanekiso, wathi: Umbuso wamazulu unjengemvubelo, ayithathayo owesifazana wayifaka emagokokweni amathathu empuphu, kwaze kwabila konke.Select Matthew 13:33

34Lezizinto zonke uJesu wazikhuluma emaxukwini ngemifanekiso, futhi ngaphandle komfanekiso kakhulumanga kubo;Select Matthew 13:34

35ukuze kugcwaliseke okwakhulunywa ngumprofethi, esithi: Ngizavula umlomo wami ngemifanekiso, ngizaveza izinto ebezifihlakele kusukela ekusekelweni komhlaba.Select Matthew 13:35

36Kwathi uJesu esewayekele amaxuku ahamba wangena endlini; basebesondela kuye abafundi bakhe, besithi: Sichasisele umfanekiso womfaba ensimini.Select Matthew 13:36

37Wasephendula wathi kubo: Ohlanyela inhlanyelo enhle yiNdodana yomuntu;Select Matthew 13:37

38lensimu ngumhlaba; lenhlanyelo enhle, yona ingabantwana bombuso; kodwa umfaba ungabantwana bomubi;Select Matthew 13:38

39lesitha esawuhlanyelayo ngudiyabhola; lesivuno siyikuphela kwesikhathi; labavunayo bazingilosi.Select Matthew 13:39

40Ngakho-ke njengalokhu umfaba uyabuthwa utshiswe emlilweni, kuzakuba njalo ekupheleni kwalesisikhathi.Select Matthew 13:40

41INdodana yomuntu izathuma ingilosi zayo, besezibutha zikhuphe embusweni wayo konke okukhubekisayo lalabo abenza okubi,Select Matthew 13:41

42besezibaphosela esithandweni somlilo; lapho kuzakuba khona ukukhala lokugedla amazinyo.Select Matthew 13:42

43Khona abalungileyo bezakhanya njengelanga embusweni kaYise. Olendlebe zokuzwa akezwe.Select Matthew 13:43

44Futhi umbuso wamazulu unjengempahla eligugu efihliweyo ensimini, okuthi umuntu eseyificile wayifihla; entokozweni yakhe uyahamba, athengise konke alakho, athenge leyonsimu.Select Matthew 13:44

45Futhi umbuso wamazulu unjengomuntu ongumthengi odinga amapharele* amahle;Select Matthew 13:45

46esethole elinye ipharele eliligugu kakhulu, wasuka wathengisa konke alakho, walithenga.Select Matthew 13:46

47Futhi umbuso wamazulu unjengembule elaphoswa olwandle, laselibutha zonke inhlobo;Select Matthew 13:47

48lona, lithe seligcwele, balidonsela ekhunjini, bahlala phansi, babuthela ezilungileyo ezitsheni, kodwa ezimbi bazilahlela ngaphandle.Select Matthew 13:48

49Kuzakuba njalo ekupheleni kwesikhathi; ingilosi zizaphuma, zehlukanise ababi zibasuse phakathi kwabalungileyo,Select Matthew 13:49

50besezibaphosela esithandweni somlilo; lapho kuzakuba khona ukukhala lokugedla amazinyo.Select Matthew 13:50

51UJesu wathi kubo: Seliziqedisisile zonke lezizinto yini? Bathi kuye: Yebo, Nkosi.Select Matthew 13:51

52Wasesithi kubo: Ngakho wonke umbhali ofundiselwe umbuso wamazulu unjengomuntu ongumninimuzi, okhupha empahleni yakhe eligugu okutsha lokudala.Select Matthew 13:52

53Kwasekusithi uJesu eseqedile limifanekiso, wasuka lapho.Select Matthew 13:53

54Wathi esefikile emzini wakibo wabafundisa esinagogeni labo, baze bamangala bathi: Ivela ngaphi kuyenalo linhlakanipho lalimisebenzi yamandla?Select Matthew 13:54

55Lo kayisiyo yini indodana yombazi? Unina kathiwa nguMariya yini, labafowabo oJakobe loJose loSimoni loJudasi?Select Matthew 13:55

56Labodadewabo kabakho yini bonke kithi? Pho, zivela ngaphi zonke lezizinto kuye?Select Matthew 13:56

57Basebekhubeka ngaye. Kodwa uJesu wathi kubo: Umprofethi kasweli ukudunyiswa ngaphandle kwelizweni lakibo lendlini yakwabo.Select Matthew 13:57

58Njalo kenzanga lapho imisebenzi yamandla eminengi, ngenxa yokungakholwa kwabo.Select Matthew 13:58