20Matthew 20

1Ngoba umbuso wamazulu ufanana lomuntu ongumninindlu, owaphuma ekuseni kakhulu ukuqhatsha izisebenzi ziye esivinini sakhe;Select Matthew 20:1

2esevumelene lezisebenzi ngodenariyo* ngosuku, wazithuma esivinini sakhe.Select Matthew 20:2

3Wasephuma sekungaba lihola lesithathu*, wabona abanye bemi emdangeni bengenzi lutho;Select Matthew 20:3

4lakulabo wathi: Yanini lani esivinini; njalo loba yini efaneleyo ngizalinika yona. Bahamba-ke.Select Matthew 20:4

5Wabuya waphuma sekungaba lihola lesithupha* langelesificamunwemunye, wenza njalo.Select Matthew 20:5

6Kwathi sekungaba lihola letshumi* lanye waphuma, wathola abanye bemi bengenzi lutho, wathi kubo: Limeleni lapha usuku lonke lingenzi lutho?Select Matthew 20:6

7Bathi kuye: Ngoba akulamuntu osiqhatshileyo. Wathi kubo: Yanini lani esivinini, njalo lizakwemukela loba kuyini okufaneleyo.Select Matthew 20:7

8Kwathi sekuntambama umninisivini wathi enduneni yakhe: Biza izisebenzi, uzibhadale iholo, uqale ngezokucina kuze kube ngezokuqala.Select Matthew 20:8

9Kuthe befika abaqhatshwa ngehola letshumi lanye ngulowo lalowo wemukela udenariyo.Select Matthew 20:9

10Njalo sebezile abokuqala bacabanga ukuthi bazakwemukela okungaphezulu; kodwa labo bemukela udenariyo ngamunye.Select Matthew 20:10

11Kwathi beyemukela bamsola umninindlu,Select Matthew 20:11

12besithi: Labo abokucina basebenze ihola elilodwa, kodwa ubalinganise lathi esithwele ubunzima bosuku lokutshisa.Select Matthew 20:12

13Kodwa ephendula wathi komunye wabo: Mngane, angikoni; kanti kawuvumelananga lami ngodenariyo?Select Matthew 20:13

14Thatha okwakho uhambe; ngiyathanda ukumnika lowokucina njengawe.Select Matthew 20:14

15Kumbe angivunyelwa yini ukwenza engikuthandayo ngezinto zami? Loba ilihlo lakho libi yini, ngoba mina ngilungile?Select Matthew 20:15

16Kunjalo-ke abokucina bazakuba ngabokuqala, labokuqala ngabokucina; ngoba banengi ababiziweyo, kodwa balutshwana abakhethiweyo.Select Matthew 20:16

17Kwathi uJesu esesenyukela eJerusalema wathatha abalitshumi lambili bebodwa endleleni, wathi kubo:Select Matthew 20:17

18Khangelani, senyukela eJerusalema, njalo iNdodana yomuntu izanikelwa kubapristi abakhulu lakubabhali; besebeyilahlela ukufa,Select Matthew 20:18

19bayinikele kwabezizwe ukuze bayiyangise bayitshaye ngesiswepu bayibethele; njalo ngosuku lwesithathu izabuya ivuke.Select Matthew 20:19

20Kwasekusiza kuye unina wamadodana kaZebediya kanye lamadodana akhe, waguqa wacela ulutho kuye.Select Matthew 20:20

21Wasesithi kuye: Ufunani? Wathi kuye: Tshono ukuthi la amadodana ami amabili ahlale, enye ngakwesokunene sakho, lenye ngakwesokhohlo, embusweni wakho.Select Matthew 20:21

22Kodwa uJesu waphendula wathi: Kalikwazi elikucelayo. Linganatha yini inkezo engizayinatha mina, njalo libhabhathizwe ngobhabhathizo engibhabhathizwa ngalo mina? Bathi kuye: Singakwenza.Select Matthew 20:22

23Wasesithi kubo: Ngeqiniso lizayinatha inkezo yami, libhabhathizwe ngobhabhathizo mina engizabhabhathizwa ngalo; kodwa ukuhlala ngakwesokunene sami langakwesokhohlo sami, kayisikho okwami ukuphana ngakho, kodwa kungokwalabo abakulungiselweyo nguBaba.Select Matthew 20:23

24Kwathi sebezwile abalitshumi, bathukuthela ngezelamani ezimbili.Select Matthew 20:24

25Kodwa uJesu wababizela kuye wathi: Liyazi ukuthi ababusi bezizwe bayazibusa ngobulukhuni, lezikhulu zisebenzisa amandla phezu kwazo.Select Matthew 20:25

26Kodwa akuyikuba njalo phakathi kwenu; kodwa loba ngubani othanda ukuba ngomkhulu phakathi kwenu kabe yisisebenzi senu;Select Matthew 20:26

27njalo loba ngubani othanda ukuba ngowokuqala phakathi kwenu kabe yisisebenzi senu;Select Matthew 20:27

28njengalokhu iNdodana yomuntu kayizanga ukukhonzwa, kodwa ukukhonza, lokunika impilo yayo ibe lihlawulo labanengi.Select Matthew 20:28

29Kwathi bephuma eJeriko, ixuku elikhulu lamlandela.Select Matthew 20:29

30Njalo khangela, iziphofu ezimbili zihlezi endleleni, sezizwile ukuthi uJesu uyadlula, zamemeza, zathi: Sihawukele, Nkosi, Ndodana kaDavida!Select Matthew 20:30

31Ixuku laselizikhuza ukuthi zithule, kodwa zamemeza kakhulu, zisithi: Sihawukele, Nkosi, Ndodana kaDavida!Select Matthew 20:31

32UJesu wasesima wazibiza, wathi: Lifuna ukuthi ngilenzeleni?Select Matthew 20:32

33Zathi kuye: Nkosi, ukuthi amehlo ethu avuleke.Select Matthew 20:33

34UJesu esesiba lesihelo wathinta amehlo azo; njalo amehlo azo ahle abuya abona, zasezimlandela.Select Matthew 20:34