22Matthew 22

1UJesu wasephendula wabuya wakhuluma labo ngemifanekiso, wathi:Select Matthew 22:1

2Umbuso wamazulu ufananiswa lomuntu oyinkosi, owenzela indodana yakhe idili lomtshado;Select Matthew 22:2

3wasethuma inceku zakhe ukuthi zibize abanxusiweyo emtshadweni, kodwa kabavumanga ukubuya.Select Matthew 22:3

4Wabuya wathuma ezinye inceku, esithi: Batsheleni abanxusiweyo ukuthi: Khangelani, sengilungisile ukudla kwami kwemini, inkabi zami lokunonileyo sekuhlatshiwe, izinto zonke sezilungile; wozani emtshadweni.Select Matthew 22:4

5Kodwa kabananzanga, bazihambela, omunye ensimini yakhe, omunye ekuthengiselaneni kwakhe;Select Matthew 22:5

6abaseleyo basebezibamba inceku zakhe baziphatha kubi bazibulala.Select Matthew 22:6

7Kodwa kwathi inkosi ikuzwa lokho yathukuthela, yathuma amabutho ayo yabhubhisa labobabulali, yatshisa umuzi wabo.Select Matthew 22:7

8Yasisithi encekwini zayo: Umtshado usulungile, kodwa abanxusiweyo bebengafanelanga.Select Matthew 22:8

9Ngakho yanini emahlanganweni ezindlela, njalo bonke elingabathola, libabizele emtshadweni.Select Matthew 22:9

10Lezonceku zaseziphuma zaya ezindleleni zabutha bonke ezabatholayo, ababi kanye labalungileyo; indlu yomtshado yasigcwala ngabahleziyo.Select Matthew 22:10

11Kwathi inkosi ingena ukukhangela ababehlezi ekudleni yabona khona umuntu owayengembathanga isembatho somtshado;Select Matthew 22:11

12yasisithi kuye: Mngane, ungene njani lapha ungelasembatho somtshado? Kodwa yena waqunywa umlomo.Select Matthew 22:12

13Inkosi yasisithi ezincekwini: Mbopheni inyawo lezandla, limsuse limphosele emnyameni ongaphandle; lapho kuzakuba khona ukukhala lokugedla amazinyo.Select Matthew 22:13

14Ngoba banengi ababiziweyo, kodwa balutshwana abakhethiweyo.Select Matthew 22:14

15Khona-ke abaFarisi basuka, bacebisana ngokuthi bangamthiya njani ekukhulumeni.Select Matthew 22:15

16Basebethuma kuye abafundi babo kanye labakaHerodi, besithi: Mfundisi, siyazi ukuthi wena uqotho, ufundisa indlela kaNkulunkulu ngeqiniso, kawukhathaleli muntu, ngoba kawunanzi isimo sabantu.Select Matthew 22:16

17Ngakho sitshele, wena ucabangani? Kuvunyelwe yini ukuthela kuKesari, kumbe hatshi?Select Matthew 22:17

18Kodwa uJesu ebazi ububi babo wathi: Bazenzisi, lingilingelani?Select Matthew 22:18

19Ngitshengisani imali yokuthela. Basebeletha kuye udenariyo*.Select Matthew 22:19

20Wasesithi kubo: Ngokabani lumfanekiso lalumbhalo?Select Matthew 22:20

21Bathi: NgokaKesari. Wasesithi kubo: Ngakho mnikeni uKesari izinto zikaKesari; loNkulunkulu izinto zikaNkulunkulu.Select Matthew 22:21

22Kwathi sebezwile bamangala; bamtshiya bahamba.Select Matthew 22:22

23Ngalolosuku kweza kuye abaSadusi, abathi kakukho ukuvuka kwabafileyo, basebembuza,Select Matthew 22:23

24besithi: Mfundisi, uMozisi wathi: Uba umuntu esifa engelabantwana, umfowabo uzamthatha umkakhe, amvusele umfowabo inzalo.Select Matthew 22:24

25Kwakukhona phakathi kwethu izelamani eziyisikhombisa; owokuqala wasethatha umfazi wafa; futhi engelanzalo, watshiya umkakhe kumfowabo.Select Matthew 22:25

26Kwaba njalo lowesibili, lowesithathu, kwaze kwaba kowesikhombisa.Select Matthew 22:26

27Kwathi emva kwabo bonke kwafa lomfazi.Select Matthew 22:27

28Ngakho ekuvukeni kwabafileyo, uzakuba ngumkabani kwabayisikhombisa? Ngoba bonke babelaye.Select Matthew 22:28

29Kodwa uJesu waphendula wathi kubo: Liduhile, lingayazi imibhalo, loba amandla kaNkulunkulu;Select Matthew 22:29

30ngoba ekuvukeni kwabafileyo kabathathani, kabendiswa, kodwa banjengengilosi zikaNkulunkulu ezulwini.Select Matthew 22:30

31Kodwa mayelana lokuvuka kwabafileyo, kalifundanga yini okwakhulunywa kini nguNkulunkulu, esithi:Select Matthew 22:31

32Mina nginguNkulunkulu kaAbrahama, loNkulunkulu kaIsaka, loNkulunkulu kaJakobe? UNkulunkulu kayisuye uNkulunkulu wabafileyo, kodwa owabaphilayo.Select Matthew 22:32

33Kwathi amaxuku ekuzwa amangala kakhulu ngokufundisa kwakhe.Select Matthew 22:33

34Kwathi abaFarisi, sebezwile ukuthi uJesu ubaqume umlomo abaSadusi, babuthana ndawonye.Select Matthew 22:34

35Lomunye wabo, isazumthetho, wambuza, emlinga, esithi:Select Matthew 22:35

36Mfundisi, yiwuphi umlayo omkhulu emthethweni?Select Matthew 22:36

37UJesu wasesithi kuye: Wothanda iNkosi uNkulunkulu wakho, ngenhliziyo yakho yonke, langomphefumulo wakho wonke, langengqondo yakho yonke;Select Matthew 22:37

38yiwo lowo umlayo owokuqala lomkhulu.Select Matthew 22:38

39Lowesibili ufanana lawo uthi: Wothanda umakhelwane wakho njengalokhu uzithanda wena.Select Matthew 22:39

40Kuleyomilayo emibili kweyeme umthetho wonke labaprofethi.Select Matthew 22:40

41Kwathi sebebuthene abaFarisi, uJesu wababuza,Select Matthew 22:41

42esithi: Licabangani ngoKristu? Uyindodana kabani? Bathi kuye: NgekaDavida.Select Matthew 22:42

43Wathi kubo: Pho uDavida wambiza njani ekuMoya ngokuthi yiNkosi, esithi:Select Matthew 22:43

44INkosi yathi eNkosini yami: Hlala ngakwesokunene sami, ngize ngenze izitha zakho zibe yisenabelo senyawo zakho?Select Matthew 22:44

45Ngakho uba uDavida embiza ngokuthi yiNkosi, uyiNdodana yakhe njani?Select Matthew 22:45

46Njalo kwakungekho owayengamphendula ilizwi; kusukela ngalolosuku kakwabe kusaba khona umuntu olesibindi sokumbuza.Select Matthew 22:46