23Matthew 23

1Khona uJesu wakhuluma emaxukwini lakubafundi bakhe,Select Matthew 23:1

2esithi: Ababhali labaFarisi bahlezi esihlalweni sikaMozisi;Select Matthew 23:2

3ngakho konke lokhu abalitshela khona ukuthi likugcine, kugcineni likwenze; kodwa lingenzi njengokwemisebenzi yabo, ngoba bayakhuluma bangenzi.Select Matthew 23:3

4Ngoba bayabopha imithwalo enzima njalo elukhuni ukuthwalwa, bayibeke emahlombe abantu, kodwa kabafuni ukuyisusa ngomunwe wabo.Select Matthew 23:4

5Njalo imisebenzi yabo yonke bayenza ukuze babonwe ngabantu; ngoba benza amafilakteriyu* abo abe banzi, njalo bakhulisa intshaka zezembatho zabo;Select Matthew 23:5

6bathanda izihlalo zabahloniphekayo ekudleni kwantambama, lezihlalo eziqakathekileyo emasinagogeni,Select Matthew 23:6

7lokubingelelwa emidangeni, lokubizwa ngabantu ngokuthi: Rabi*, Rabi.Select Matthew 23:7

8Kodwa lina kalingabizwa ngokuthi Rabi; ngoba munye ongumfundisi wenu, uKristu; njalo lina lonke lingabazalwane.Select Matthew 23:8

9Futhi lingabizi muntu emhlabeni ngokuthi nguyihlo; ngoba munye onguYihlo, osemazulwini;Select Matthew 23:9

10kalingabizwa ngokuthi lingabafundisi; ngoba munye ongumfundisi wenu, uKristu.Select Matthew 23:10

11Kodwa omkhulu kini uzakuba yinceku yenu.Select Matthew 23:11

12Lalowo oziphakamisayo, uzathotshiswa; lalowo ozithobayo, uzaphakanyiswa.Select Matthew 23:12

13Kodwa maye kini, babhali labaFarisi, bazenzisi, ngoba livalela abantu umbuso wamazulu; ngoba kalingeni lina, labangenayo kalibavumeli ukuthi bangene.Select Matthew 23:13

14Maye kini, babhali labaFarisi, bazenzisi, ngoba lidla izindlu zabafelokazi, langokuzenzisa lenza imikhuleko emide; ngakho lizakwemukela ukulahlwa okukhulu.Select Matthew 23:14

15Maye kini, babhali labaFarisi, bazenzisi, ngoba libhoda ulwandle lomhlaba ukuthi lenze abe munye ophendukela kumaJuda, kuthi nxa esenziwe njalo, limenze umntwana wesihogo ngokuphindwe kabili kulani.Select Matthew 23:15

16Maye kini, bakhokheli abayiziphofu, abathi: Loba ngubani ofunga ngethempeli, akulutho; kodwa loba ngubani ofunga ngegolide lethempeli, ulomlandu.Select Matthew 23:16

17Zithutha leziphofu! Ngoba yikuphi okukhulu, igolide, kumbe ithempeli elenza igolide libe ngcwele?Select Matthew 23:17

18Njalo: Loba ngubani ofunga ngelathi, akulutho; kodwa loba ngubani ofunga ngomnikelo ophezu kwalo, ulomlandu.Select Matthew 23:18

19Zithutha leziphofu! Ngoba yikuphi okukhulu, umnikelo, kumbe ilathi elenza umnikelo ube ngcwele?Select Matthew 23:19

20Ngakho ofunga ngelathi ufunga ngalo langakho konke okuphezu kwalo;Select Matthew 23:20

21lofunga ngethempeli ufunga ngalo langaye ohlala kulo;Select Matthew 23:21

22lofunga ngezulu ufunga ngesihlalo sobukhosi sikaNkulunkulu langaye ohlala phezu kwaso.Select Matthew 23:22

23Maye kini, babhali labaFarisi, bazenzisi, ngoba lithela okwetshumi kwetshwayi leganga ledile* lekhumini*; liyekele okunzima komlayo, ukwahlulela lesihawu lokholo; belifanele ukwenza lezizinto, lingaziyekeli lalezo.Select Matthew 23:23

24Bakhokheli abayiziphofu, likhetha umiyane, kodwa liginye ikamela.Select Matthew 23:24

25Maye kini, babhali labaFarisi, bazenzisi, ngoba lihlambulula ingaphandle yenkezo leyomganu, kodwa ngaphakathi kugcwele ukuphanga lobuhwaba.Select Matthew 23:25

26MFarisi oyisiphofu! Hlambulula kuqala ingaphakathi yenkezo leyomganu, ukuze kuhlambuluke lengaphandle yakho.Select Matthew 23:26

27Maye kini, babhali labaFarisi, bazenzisi, ngoba lifanana lamangcwaba aconjwe aba mhlophe, abonakala emahle ngaphandle, kanti ngaphakathi agcwele amathambo abafileyo lokungcola konke.Select Matthew 23:27

28Kunjalo lani ngaphandle libonakala ebantwini lilungile, kanti ngaphakathi ligcwele ukuzenzisa lobubi.Select Matthew 23:28

29Maye kini, babhali labaFarisi, bazenzisi, ngoba lakha amangcwaba abaprofethi, licecise amangcwaba abalungileyo,Select Matthew 23:29

30lithi: Uba besikhona ensukwini zabobaba bethu, besingayikuhlanganyela labo egazini labaprofethi.Select Matthew 23:30

31Kunjalo liyazifakazela lina ukuthi lingamadodana alabo ababulala abaprofethi;Select Matthew 23:31

32lina-ke gcwalisani isilinganiso saboyihlo!Select Matthew 23:32

33Zinyoka, nzalo yamabululu, lizaphepha njani ukulahlwa kwesihogo?Select Matthew 23:33

34Ngakho, khangelani, mina ngithuma kini abaprofethi labahlakaniphileyo lababhali; labanye babo lizababulala libabethele; labanye lizabatshaya ngesiswepu emasinagogeni enu libazingele imizi ngemizi;Select Matthew 23:34

35ukuze kwehlele phezu kwenu igazi lonke elilungileyo elachithwa emhlabeni, kusukela egazini likaAbela olungileyo, kuze kufike egazini likaZakariya indodana kaBarakiya, elambulala phakathi kwethempeli lelathi.Select Matthew 23:35

36Ngiqinisile ngithi kini: Zonke lezizinto zizakwehlela phezu kwalesisizukulwana.Select Matthew 23:36

37Jerusalema, Jerusalema, wena obulala abaprofethi njalo obakhanda ngamatshe labo abathunywe kuwe! Bengithanda kangakanani ukubuthela ndawonye abantwana bakho, njengesikhukhukazi sibuthela amatsiyane aso ngaphansi kwempiko, kodwa kalivumanga.Select Matthew 23:37

38Khangelani, indlu yenu itshiyiwe kini ilunxiwa.Select Matthew 23:38

39Ngoba ngithi kini: Kalisoze langibona kusukela khathesi, lize lithi: Ubusisiwe ozayo ebizweni leNkosi.Select Matthew 23:39