24Matthew 24

1UJesu wasephuma wasuka ethempelini; basebesondela abafundi bakhe ukumtshengisa izakhiwo zethempeli.Select Matthew 24:1

2UJesu wasesithi kubo: Kaliziboni yini zonke lezizinto? Ngiqinisile ngithi kini: Akusoze kutshiywe lapha ilitshe elilodwa phezu kwelitshe, elingasoze lidilizelwe phansi.Select Matthew 24:2

3Kwathi esehlezi entabeni yeMihlwathi, abafundi beza kuye bebodwa, bathi: Sitshele, lezizinto zizakuba nini? Lesibonakaliso sokuza kwakho, lesokuphela kwesikhathi sizakuba yini?Select Matthew 24:3

4UJesu wasephendula wathi kubo: Qaphelani, kungabi khona oliduhisayo;Select Matthew 24:4

5ngoba abanengi bazakuza ngebizo lami, besithi: Mina nginguKristu; futhi baduhise abanengi.Select Matthew 24:5

6Njalo lizakuzwa ngezimpi lamahungahunga ezimpi; nanzelelani, lingethuki; ngoba konke lokhu kufanele kwenzeke; kodwa ukuphela kakukabi khona.Select Matthew 24:6

7Ngoba isizwe sizavukela isizwe, lombuso uvukele umbuso; njalo kuzakuba khona indlala labomatshayabhuqe bezifo lokuzamazama komhlaba indawo ngendawo;Select Matthew 24:7

8kodwa zonke lezizinto ziyikuqala kwemihelo.Select Matthew 24:8

9Lapho-ke bazalinikela ekuhluphekeni, balibulale; futhi lizazondwa yizizwe zonke ngenxa yebizo lami.Select Matthew 24:9

10Njalo ngalesosikhathi abanengi bazakhubeka, banikelane, bazondane.Select Matthew 24:10

11Futhi kuzavuka abaprofethi bamanga abanengi, baduhise abanengi.Select Matthew 24:11

12Njalo ngenxa yokwanda kobubi, uthando lwabanengi luzaphola;Select Matthew 24:12

13kodwa ophikelelayo kuze kube sekupheleni, nguye ozasindiswa.Select Matthew 24:13

14Njalo lelivangeli lombuso lizatshunyayelwa emhlabeni wonke kube yibufakazi ezizweni zonke; khona-ke kuzafika ukuphela.Select Matthew 24:14

15Ngakho nxa libona amanyala encithakalo, akhulunywa nguDaniyeli umprofethi, emi endaweni engcwele (obalayo kaqedisise),Select Matthew 24:15

16khona labo abaseJudiya kababalekele ezintabeni;Select Matthew 24:16

17ophezu kophahla lwendlu angehli ukuthatha ulutho endlini yakhe;Select Matthew 24:17

18losemasimini angabuyeli emuva ukuyathatha izembatho zakhe.Select Matthew 24:18

19Kodwa maye kwabakhulelweyo labamunyisayo ngalezonsuku!Select Matthew 24:19

20Kodwa khulekani ukuthi ukubaleka kwenu kungabi sebusika, loba ngesabatha.Select Matthew 24:20

21Ngoba ngalesosikhathi kuzakuba khona ukuhlupheka okukhulu, okungazanga kube khona kusukela ekuqaleni komhlaba kuze kube khathesi, njalo okungasayikuba khona.Select Matthew 24:21

22Uba-ke lezonsuku bezingafinyezwanga, bekungesindiswe nyama; kodwa ngenxa yabakhethiweyo lezonsuku zizafinyezwa.Select Matthew 24:22

23Ngalesosikhathi nxa umuntu esithi kini: Khangelani, nangu uKristu, kumbe nanguya, lingakholwa.Select Matthew 24:23

24Ngoba kuzavuka okristu bamanga labaprofethi bamanga, benze izibonakaliso ezinkulu lezimangaliso, ukuze kuthi, nxa kungenzeka, baduhise labakhethiweyo.Select Matthew 24:24

25Khangelani, sengilitshelile ngaphambili.Select Matthew 24:25

26Ngakho uba bengathi kini: Khangelani, usenkangala, lingaphumi; khangelani, usendlini yensitha, lingakholwa.Select Matthew 24:26

27Ngoba njengalokhu umbane ubaneka empumalanga ukhanye lentshonalanga, kuzakuba njalo lokufika kweNdodana yomuntu.Select Matthew 24:27

28Ngoba loba ngaphi lapho okukhona isidumbu, lapho amanqe azabuthana khona.Select Matthew 24:28

29Njalo masinyane emva kokuhlupheka kwalezonsuku, ilanga lizafiphazwa, lenyanga kayiyikupha ukukhanya kwayo, lenkanyezi zizakuwa ezulwini, lamandla amazulu azazanyazanyiswa.Select Matthew 24:29

30Khona-ke sizabonakala ezulwini isibonakaliso seNdodana yomuntu; njalo besezikhala zonke izizwe zomhlaba, sezibona iNdodana yomuntu isiza emayezini ezulu ilamandla lenkazimulo enkulu.Select Matthew 24:30

31Njalo izathuma izingilosi zayo lokukhala okukhulu kophondo, beseziqoqa abakhethiweyo bayo emimoyeni emine, kusukela emkhawulweni omunye wamazulu kuze kube komunye umkhawulo wawo.Select Matthew 24:31

32Kodwa fundani umfanekiso emkhiweni; nxa khathesi ugatsha lwawo selusiba buthakathaka, njalo luhlume amahlamvu, liyazi ukuthi ihlobo seliseduze;Select Matthew 24:32

33ngokunjalo lani, nxa libona lezizinto zonke, yazini ukuthi kuseduze kuseminyango.Select Matthew 24:33

34Ngiqinisile ngithi kini: Lesisizukulwana asisoze sidlule, kuze kwenzeke zonke lezizinto.Select Matthew 24:34

35Kuzadlula izulu lomhlaba, kodwa amazwi ami awasoze adlule.Select Matthew 24:35

36Kodwa lolosuku lehola kakho owaziyo ngalo, ngitsho lezingilosi zemazulwini, ngaphandle kukaBaba kuphela.Select Matthew 24:36

37Kodwa njengensuku zikaNowa, kuzakuba njalo ukufika kweNdodana yomuntu.Select Matthew 24:37

38Ngoba njengakulezonsuku ezaziphambili kukazamcolo babesidla benatha, bethatha besendiswa, kwaze kwafika usuku uNowa angena ngalo emkhunjini,Select Matthew 24:38

39njalo babengazi, kwaze kwafika uzamcolo wasebasusa bonke, kuzakuba njalo lokufika kweNdodana yomuntu.Select Matthew 24:39

40Ngalesosikhathi kuzakuba khona ababili ensimini; omunye athathwe, lomunye atshiywe;Select Matthew 24:40

41kuzakuthi abesifazana ababili bechola elitsheni; omunye athathwe, lomunye atshiywe.Select Matthew 24:41

42Ngakho lindani, ngoba kalazi ukuthi iNkosi yenu izafika ngaliphi ihola.Select Matthew 24:42

43Kodwa yazini lokhu, ukuthi uba umninindlu ebewazi umlindo isela elizafika ngawo, ubezalinda, futhi ubengayikuvuma ukuthi indlu yakhe ifohlelwe.Select Matthew 24:43

44Ngakho lani hlalani lilungile; ngoba ngehola elingalicabangiyo, iNdodana yomuntu izakuza.Select Matthew 24:44

45Pho ngubani inceku ethembekileyo lehlakaniphileyo, inkosi yayo eyibeke phezu kwabendlu yayo, ukuthi ibanike ukudla ngesikhathi esifaneleyo?Select Matthew 24:45

46Ibusisiwe leyonceku, okuzakuthi inkosi yayo nxa ifika izayifica isenza njalo.Select Matthew 24:46

47Ngiqinisile ngithi kini: Izayibeka phezu kwakho konke elakho.Select Matthew 24:47

48Kodwa nxa leyonceku embi isithi enhliziyweni yayo: Inkosi yami iphuzile ukubuya,Select Matthew 24:48

49njalo ibisiqala ukutshaya abayizinceku kanye layo, lokudla lokunatha lezidakwa,Select Matthew 24:49

50inkosi yaleyonceku izafika ngosuku engayilindele ngalo, langehola engalaziyo,Select Matthew 24:50

51izayiquma phakathi, izanika isabelo sayo labazenzisi; kuzakuba khona lapho ukukhala lokugedla amazinyo.Select Matthew 24:51