27Matthew 27

1Kwathi sekusile, bonke abapristi abakhulu labadala babantu bacebisana bemelene loJesu ukuthi bambulale;Select Matthew 27:1

2sebembophile bamqhuba bamnikela kuPontiyusi Pilatu umbusi.Select Matthew 27:2

3Kwathi uJudasi owamnikelayo esebonile ukuthi ulahliwe, wazisola wabuyisela inhlamvu zesiliva ezingamatshumi amathathu kubapristi abakhulu labadala,Select Matthew 27:3

4wathi: Ngonile nginikele igazi elingelacala. Kodwa bona bathi: Kulani lathi? Zibonele wena.Select Matthew 27:4

5Wasephosela inhlamvu zesiliva ethempelini, wasuka; wayaziphanyeka.Select Matthew 27:5

6Abapristi abakhulu basebethatha inhlamvu zesiliva bathi: Kakuvunyelwa ukuzifaka emnikelweni, ngoba ziyintengo yegazi.Select Matthew 27:6

7Basebecebisana bathenga ngazo isiqinti sombumbi, sibe ngesokungcwaba abezizwe.Select Matthew 27:7

8Ngakho lesosiqinti sathiwa yisiqinti segazi, kuze kube lamuhla.Select Matthew 27:8

9Kwasekugcwaliseka okwakhulunywa ngumprofethi uJeremiya, esithi: Basebethatha inhlamvu zesiliva ezingamatshumi amathathu, intengo yalowo owalinganiswayo, abantwana bakoIsrayeli abamlinganisayo;Select Matthew 27:9

10basebebapha zona ngensimu yombumbi, njengoba iNkosi ingilayile.Select Matthew 27:10

11UJesu wasesima phambi kombusi; umbusi wasembuza, wathi: Wena uyiNkosi yamaJuda yini? UJesu wasesithi: Utshilo wena.Select Matthew 27:11

12Kwathi nxa esemangalelwe ngabapristi abakhulu labadala, kaphendulanga lutho.Select Matthew 27:12

13UPilatu wasesithi kuye: Kawuzwa yini izinto ezingaka abazifakaza ngawe?Select Matthew 27:13

14Kodwa kamphendulanga lakwelilodwa ilizwi, waze wamangala kakhulu umbusi.Select Matthew 27:14

15Futhi ngomkhosi umbusi wayejwayele ukukhululela ixuku isibotshwa esisodwa, elisifunayo.Select Matthew 27:15

16Njalo ngalesosikhathi babelesibotshwa esidumileyo, esithiwa nguBarabasi.Select Matthew 27:16

17Ngakho sebebuthene, uPilatu wathi kubo: Lithanda ukuthi ngilikhululele bani, uBarabasi, kumbe uJesu othiwa nguKristu?Select Matthew 27:17

18Ngoba wayekwazi ukuthi bamnikele ngomona.Select Matthew 27:18

19Kwathi esehlezi esihlalweni sokwahlulela, umkakhe wathumela kuye, wathi: Ungabi landaba lalowo olungileyo; ngoba lamuhla ngihluphekile kakhulu ngaye ephutsheni.Select Matthew 27:19

20Kodwa abapristi abakhulu labadala bancengana lamaxuku ukuthi acele uBarabasi, ambhubhise uJesu.Select Matthew 27:20

21Wasephendula umbusi wathi kubo: Lithanda ukuthi ngilikhululele bani kulaba ababili? Basebesithi: UBarabasi.Select Matthew 27:21

22UPilatu wathi kubo: Pho ngimenzeni uJesu othiwa nguKristu? Bonke bathi kuye: Kabethelwe.Select Matthew 27:22

23Umbusi wasesithi: Ngoba wenze bubi bani? Kodwa bamemeza kakhulu, bathi: Kabethelwe!Select Matthew 27:23

24Kwathi uPilatu esebonile ukuthi kakusizi lutho, kodwa ukuthi kwasekuqala kulalokhu ukuba lesiphithiphithi, wathatha amanzi, wageza izandla phambi kwexuku, wathi: Angilacala ngegazi lalumuntu olungileyo; ziboneleni lina.Select Matthew 27:24

25Bonke abantu basebephendula bathi: Igazi lakhe kalibe phezu kwethu laphezu kwabantwana bethu.Select Matthew 27:25

26Wasebakhululela uBarabasi; kodwa esemtshaye ngesiswepu uJesu wamnikela ukuthi abethelwe.Select Matthew 27:26

27Abebutho bombusi basebemngenisa uJesu endlini yombusi, baqoqela kuye ibutho lonke;Select Matthew 27:27

28bamhlubula, bamgqokisa isembatho esibomvu,Select Matthew 27:28

29sebelukile umqhele wameva, bamethesa wona ekhanda, bamphathisa lomhlanga esandleni sakhe sokunene; baguqa phambi kwakhe bamklolodela, bathi: Bayethe, Nkosi yamaJuda!Select Matthew 27:29

30Bamkhafulela amathe, bathatha umhlanga, batshaya ikhanda lakhe.Select Matthew 27:30

31Sebemklolodele, bamhlubula isembatho, bamgqokisa izigqoko zakhe, bamqhuba ukuze bambethele.Select Matthew 27:31

32Kwathi sebephuma, bafica umuntu weKurene, uSimoni ngebizo; bambamba ngamandla lowo ukuthi athwale isiphambano sakhe.Select Matthew 27:32

33Sebefikile endaweni ethiwa yiGolgotha, okuyikuthi iNdawo yokhakhayi,Select Matthew 27:33

34bamnika iviniga elixutshaniswe lenyongo ukuze alinathe; kodwa eselizwile kavumanga ukunatha.Select Matthew 27:34

35Futhi sebembethele, baba izembatho zakhe, benza inkatho yokuphosa; ukuze kugcwaliseke okwakhulunywa ngumprofethi ukuthi: Babelana izembatho zami, benza inkatho yokuphosa ngesigqoko sami.Select Matthew 27:35

36Njalo sebehlala phansi bamlinda khona.Select Matthew 27:36

37Babeka ngaphezu kwekhanda lakhe incwadi yecala lakhe ilotshiwe ukuthi: LO NGUJESU INKOSI YAMAJUDA.Select Matthew 27:37

38Kwasekubethelwa abaphangi ababili kanye laye, omunye ngakwesokunene lomunye ngakwesokhohlo.Select Matthew 27:38

39Labadlulayo bamhlambaza, benikina amakhanda abo,Select Matthew 27:39

40besithi: Wena odiliza ithempeli ulakhe ngensuku ezintathu, zisindise; uba uyiNdodana kaNkulunkulu, yehla esiphambanweni.Select Matthew 27:40

41Langokunjalo labapristi abakhulu labo bekloloda kanye lababhali labadala bathi:Select Matthew 27:41

42Wasindisa abanye, yena angezisindise. Uba eyiNkosi yakoIsrayeli, kehle khathesi esiphambanweni, futhi sizamkholwa.Select Matthew 27:42

43Wathemba kuNkulunkulu; kamkhulule khathesi, uba emthanda. Ngoba wathi: NgiyiNdodana kaNkulunkulu.Select Matthew 27:43

44Labaphangi ababebethelwe kanye laye bamyangisa ngokufananayo.Select Matthew 27:44

45Njalo kusukela ngehola lesithupha kwaba lobumnyama emhlabeni wonke kwaze kwaba lihola lesificamunwemunye*;Select Matthew 27:45

46sekungaba lihola lesificamunwemunye uJesu wamemeza ngelizwi elikhulu, wathi: "Eli, Eli, lama sabaktani?" Okuyikuthi: Nkulunkulu wami, Nkulunkulu wami, ungitshiyeleni?Select Matthew 27:46

47Njalo abanye kwababemi khona besizwa bathi: Lo ubiza uElija.Select Matthew 27:47

48Njalo omunye wabo wahle wagijima, wathatha uzipho, walugcwalisa ngeviniga, waluhloma emhlangeni, wamnika ukuthi anathe.Select Matthew 27:48

49Kodwa abanye bathi: Yekelani sibone ukuthi uElija uzakuza amsindise.Select Matthew 27:49

50UJesu wasebuya ememeza ngelizwi elikhulu wanikela umoya.Select Matthew 27:50

51Futhi khangela, iveyili lethempeli ladatshulwa incezu ezimbili laqala phezulu lisiya phansi; lomhlaba wazamazama; lamadwala aqhekezeka;Select Matthew 27:51

52lamangcwaba avuleka; lezidumbu ezinengi zabangcwele abasebelele zavuswa;Select Matthew 27:52

53sebephumile emangcwabeni emva kokuvuka kwakhe bangena emzini ongcwele, babonakala kwabanengi.Select Matthew 27:53

54Kwathi induna yekhulu lalabo ababelayo belinde uJesu, sebebonile ukuzamazama komhlaba lezinto ezenzekileyo, besaba kakhulu, bathi: Ngeqiniso lo ubeyiNdodana kaNkulunkulu.Select Matthew 27:54

55Kwakukhona lapho abesifazana abanengi bebukele bekhatshana, ababemlandele uJesu bevela eGalili, bemncedisa;Select Matthew 27:55

56okwakukhona phakathi kwabo oMariya Magadalena, loMariya unina kaJakobe loJose, lonina wamadodana kaZebediya.Select Matthew 27:56

57Kwathi sekuhlwile, kwafika umuntu onothileyo evela eArimathiya, ibizo lakhe linguJosefa, owayengumfundi kaJesu laye;Select Matthew 27:57

58yena waya kuPilatu, wacela isidumbu sikaJesu. UPilatu waselaya ukuthi isidumbu asinikwe.Select Matthew 27:58

59UJosefa wasethatha isidumbu wasigoqela ngelembu elicolekileyo elihlambulukileyo,Select Matthew 27:59

60wasibeka engcwabeni lakhe elitsha, elaligujiwe edwaleni; wasegiqela ilitshe elikhulu emnyango wengcwaba, wahamba.Select Matthew 27:60

61Futhi kwakukhona lapho uMariya Magadalena, lomunye uMariya, behlezi maqondana lengcwaba.Select Matthew 27:61

62Langosuku olulandelayo, olulandela olwamalungiselelo, abapristi abakhulu labaFarisi babuthana kuPilatu,Select Matthew 27:62

63besithi: Nkosi, siyakhumbula ukuthi lowomkhohlisi esaphila wathi: Emva kwensuku ezintathu ngizavuka.Select Matthew 27:63

64Ngakho laya ukuthi ingcwaba liqiniswe kuze kube lusuku lwesithathu; hlezi abafundi bakhe bafike ebusuku bamebe, besebesithi ebantwini: Uvukile kwabafileyo; kuthi inkohliso yokucina ibembi kuleyokuqala.Select Matthew 27:64

65UPilatu wasesithi kubo: Lilabalindi; hambani, liliqinise njengokubona kwenu.Select Matthew 27:65

66Bahamba-ke baliqinisa ingcwaba, beliphawula ilitshe, belabalindi.Select Matthew 27:66