28Matthew 28

1Kwathi ekupheleni kwesabatha, emadabukakusa kusiya osukwini lokuqala lweviki, kwafika uMariya Magadalena, lomunye uMariya, ukuzabona ingcwaba.Select Matthew 28:1

2Futhi khangela, kwaba khona ukuzamazama komhlaba okukhulu; ngoba ingilosi yeNkosi yehla ivela ezulwini, yasondela yagiqa ilitshe yalisusa emnyango, yahlala phezu kwalo.Select Matthew 28:2

3Lokubonakala kwayo kwakunjengombane, lesembatho sayo sasimhlophe njengeliqhwa elikhithikileyo.Select Matthew 28:3

4Abalindi basebethuthumela ngokuyesaba, baba njengabafileyo.Select Matthew 28:4

5Kodwa ingilosi yaphendula yathi kwabesifazana: Lingesabi lina; ngoba ngiyazi ukuthi lidinga uJesu obebethelwe;Select Matthew 28:5

6kakho lapha; ngoba uvukile, njengokutsho kwakhe; wozani libone indawo lapho iNkosi ebilele khona.Select Matthew 28:6

7Hambani masinyane litshele abafundi bakhe ukuthi uvukile kwabafileyo; njalo khangelani, uzalandulela ukuya eGalili; lizambona khona; khangelani, sengilitshelile.Select Matthew 28:7

8Basebephuma engcwabeni ngokuphangisa belokwesaba lentokozo enkulu, bagijima baya ukubikela abafundi bakhe.Select Matthew 28:8

9Kwathi besiyatshela abafundi bakhe, futhi khangela, uJesu wabahlangabeza, wathi: Mpilo enhle! Basebesondela babamba inyawo zakhe, bamkhonza.Select Matthew 28:9

10UJesu wasesithi kubo: Lingesabi; hambani, libikele abafowethu ukuthi baye eGalili, njalo bazangibona khona.Select Matthew 28:10

11Kwathi sebehamba, khangela, abanye kubalindi baya emzini babikela abapristi abakhulu konke okwenzakeleyo.Select Matthew 28:11

12Sebebuthene labadala, benza icebo, banika abebutho imali enengi,Select Matthew 28:12

13besithi: Kalibokuthi: Abafundi bakhe beze ebusuku bameba silele thina.Select Matthew 28:13

14Futhi uba lokhu kuzwakala kumbusi, thina sizamncenga, silenze lingabi senkathazweni.Select Matthew 28:14

15Basebethatha imali benza njengalokhu ababekufundisiwe; lalelilizwi landa phakathi kwamaJuda kuze kube lamuhla.Select Matthew 28:15

16Kwathi abafundi abalitshumi lanye baya eGalili, entabeni uJesu ayebalayele yona;Select Matthew 28:16

17sebembonile bamkhonza; kodwa abanye bathandabuza.Select Matthew 28:17

18UJesu wasesondela wakhuluma labo, esithi: Wonke amandla aphiwe mina ezulwini lemhlabeni;Select Matthew 28:18

19ngakho hambani lenze izizwe zonke zibe ngabafundi, libabhabhathiza ebizweni likaYise leleNdodana lelikaMoya oNgcwele;Select Matthew 28:19

20libafundisa ukugcina konke engililaye khona; futhi khangelani, mina ngilani insuku zonke kuze kube sekupheleni kwesikhathi. Ameni.Select Matthew 28:20