11Proverbs 11

1Isikali esikhohlisayo siyisinengiso eNkosini, kodwa ilitshe lokulinganisa elipheleleyo liyintokozo yayo.Select Proverbs 11:1

2Nxa kufika ukuzigqaja, kufika lehlazo; kodwa kwabathobekileyo kukhona inhlakanipho.Select Proverbs 11:2

3Ubuqotho babaqotho buzabaqondisa, kodwa ukuphambeka kwabaphambekayo kuzababhubhisa.Select Proverbs 11:3

4Inotho kayisizi ngosuku lolaka, kodwa ukulunga kophula ekufeni.Select Proverbs 11:4

5Ukulunga kwabaqotho kuzaqondisa indlela yakhe, kodwa okhohlakeleyo uzakuwa ngenkohlakalo yakhe.Select Proverbs 11:5

6Ukulunga kwabaqotho kuzabophula, kodwa abaphambukayo bazathunjwa zinkanuko zabo.Select Proverbs 11:6

7Nxa umuntu okhohlakeleyo esifa, ithemba lakhe lizabhubha, lethemba lolamandla liyabhubha.Select Proverbs 11:7

8Olungileyo ukhululwa ekuhluphekeni, kodwa omubi ungena endaweni yakhe.Select Proverbs 11:8

9Ngomlomo umzenzisi uchitha umakhelwane wakhe, kodwa ngolwazi abalungileyo bayakhululwa.Select Proverbs 11:9

10Ngempumelelo yabalungileyo umuzi uyathokoza; lekubhubheni kwabakhohlakeleyo kulenjabulo.Select Proverbs 11:10

11Ngesibusiso sabaqotho umuzi uyaphakanyiswa, kodwa ngomlomo wabakhohlakeleyo uyachitheka.Select Proverbs 11:11

12Oswela ingqondo udelela umakhelwane, kodwa umuntu oqedisisayo uyazithulela.Select Proverbs 11:12

13Ohamba enyeya wembula imfihlakalo, kodwa othembekileyo ngomoya ufihla udaba.Select Proverbs 11:13

14Lapho kungekho izeluleko abantu bayawa; kodwa ukukhululwa kusebunengini babeluleki.Select Proverbs 11:14

15Oba yisibambiso sowezizwe uzahlupheka ngokubi; kodwa ozonda ukutshaya izandla uvikelekile.Select Proverbs 11:15

16Owesifazana olomusa ubamba udumo, labalamandla babamba inotho.Select Proverbs 11:16

17Umuntu olomusa wenzela umphefumulo wakhe okuhle, kodwa olesihluku ukhathaza inyama yakhe.Select Proverbs 11:17

18Okhohlakeleyo wenza umsebenzi wenkohliso, kodwa ohlanyela ukulunga ulomvuzo weqiniso.Select Proverbs 11:18

19Njengoba ukulunga kungokwempilo, kunjalo ozingela okubi kungokokufa kwakhe.Select Proverbs 11:19

20Abaphambeneyo ngenhliziyo bayisinengiso eNkosini, kodwa abaqotho ngendlela bayintokozo yayo.Select Proverbs 11:20

21Isandla esandleni omubi kayikuyekelwa ukujeziswa, kodwa inzalo yabalungileyo izaphepha.Select Proverbs 11:21

22Ulisongo legolide empumulweni yengulube owesifazana obukekayo ophambuka engqondweni.Select Proverbs 11:22

23Isifiso sabalungileyo singokuhle kuphela; ithemba labakhohlakeleyo lulaka.Select Proverbs 11:23

24Kukhona ohlakazayo, kube kanti okunengi kuyengezwa; logodla okwedlula okufaneleyo, kodwa kungokokuswela.Select Proverbs 11:24

25Umphefumulo obusisayo uzakhuluphaliswa, lothelelayo uzathelelwa laye.Select Proverbs 11:25

26Ogodla amabele, abantu bazamqalekisa; kodwa isibusiso sizakuba phezu kwekhanda lothengisayo.Select Proverbs 11:26

27Odingisisa okuhle, udinga umusa; kodwa odinga okubi, kuzakuza kuye.Select Proverbs 11:27

28Othemba inotho yakhe yena uzakuwa, kodwa abalungileyo bazahluma njengamahlamvu.Select Proverbs 11:28

29Oletha inkathazo emzini wakhe uzakudla ilifa lomoya, lesithutha sizakuba yinceku yohlakaniphileyo ngenhliziyo.Select Proverbs 11:29

30Isithelo solungileyo siyisihlahla sempilo, lozuza imiphefumulo uhlakaniphile.Select Proverbs 11:30

31Khangela, olungileyo uzavuzwa emhlabeni; kakhulu kangakanani omubi lesoni!Select Proverbs 11:31