12Proverbs 12

1Othanda ukulaywa uthanda ulwazi; kodwa ozonda ukukhuzwa uyisithutha.Select Proverbs 12:1

2Olungileyo uzuza umusa eNkosini, kodwa umuntu wamacebo amabi iyamlahla.Select Proverbs 12:2

3Umuntu kayikumiswa yibubi, kodwa impande yabalungileyo kayiyikunyikinywa.Select Proverbs 12:3

4Umfazi okhuthalela okulungileyo ungumqhele wendoda yakhe, kodwa oyangisayo unjengokubola emathanjeni ayo.Select Proverbs 12:4

5Imicabango yabalungileyo ilungile; izeluleko zababi ziyinkohliso.Select Proverbs 12:5

6Amazwi abakhohlakeleyo ngawokucathamela igazi, kodwa umlomo wabaqotho uzabophula.Select Proverbs 12:6

7Abakhohlakeleyo bayachithwa, bangabe besaba khona; kodwa indlu yabalungileyo izakuma.Select Proverbs 12:7

8Umuntu uzadunyiswa ngokwenhlakanipho yakhe, kodwa ophambeke ngenhliziyo uzakuba ngowokudelelwa.Select Proverbs 12:8

9Odelelekayo elesisebenzi ungcono kulozihloniphayo aswele ukudla.Select Proverbs 12:9

10Olungileyo unanzelela impilo yesifuyo sakhe, kodwa izihawu zabakhohlakeleyo ziyilunya.Select Proverbs 12:10

11Olima insimu yakhe uzasutha ngokudla, kodwa ozingela izinto eziyize uswela ingqondo.Select Proverbs 12:11

12Okhohlakeleyo ufisa impango yababi, kodwa impande yabalungileyo iyahluma.Select Proverbs 12:12

13Ekuphambekeni kwendebe kulomjibila womubi, kodwa olungileyo uzaphuma enkathazweni.Select Proverbs 12:13

14Umuntu uzasutha ngokulungileyo ngesithelo somlomo, lomvuzo wezandla zomuntu uzabuyiselwa kuye.Select Proverbs 12:14

15Indlela yesithutha ilungile emehlweni aso, kodwa olalela iseluleko uhlakaniphile.Select Proverbs 12:15

16Isithutha, intukuthelo yaso yaziwa ngosuku; kodwa ohlakaniphileyo ufihla ihlazo.Select Proverbs 12:16

17Ophefumula iqiniso wazisa ukulunga, kodwa umfakazi wamanga inkohliso.Select Proverbs 12:17

18Kukhona ophahluka njengokuhlaba kwenkemba, kodwa ulimi lwezihlakaniphi luyikusilisa.Select Proverbs 12:18

19Indebe yeqiniso izamiswa phakade, kodwa ulimi lwamanga lungolomzuzu nje.Select Proverbs 12:19

20Inkohliso isenhliziyweni yabaceba okubi, kodwa abeluleki bokuthula balentokozo.Select Proverbs 12:20

21Lokukodwa okubi kakuyikubehlela abalungileyo, kodwa abakhohlakeleyo bagcwele ububi.Select Proverbs 12:21

22Indebe zamanga ziyisinengiso eNkosini, kodwa abenza iqiniso bayintokozo yayo.Select Proverbs 12:22

23Umuntu ohlakaniphileyo ufihla ulwazi, kodwa inhliziyo yezithutha imemezela ubuthutha.Select Proverbs 12:23

24Isandla sabakhutheleyo sizabusa, kodwa amavila azakuba yizibhalwa.Select Proverbs 12:24

25Ukukhathazeka enhliziyweni yomuntu kuyayithobisa, kodwa ilizwi elihle liyayithokozisa.Select Proverbs 12:25

26Olungileyo ungumholi kamakhelwane wakhe, kodwa indlela yabakhohlakeleyo iyabaduhisa.Select Proverbs 12:26

27Olivila kayikosa inyamazana yakhe ayizingeleyo, kodwa impahla yomuntu okhutheleyo iligugu.Select Proverbs 12:27

28Endleleni yokulunga kulempilo, lendleleni yomkhondo kakulakufa.Select Proverbs 12:28