14Proverbs 14

1Wonke owesifazana ohlakaniphileyo uyayakha indlu yakhe, kodwa oyisithutha uyayidiliza ngezandla zakhe.Select Proverbs 14:1

2Ohamba ngobuqotho bakhe wesaba iNkosi, kodwa ophambene ngendlela zakhe uyayidelela.Select Proverbs 14:2

3Emlonyeni wesithutha kulentonga yokuzigqaja, kodwa indebe zabahlakaniphileyo ziyabagcina.Select Proverbs 14:3

4Lapho okungekho izinkabi khona umkolo uhlanzekile, kodwa kulesivuno esinengi ngamandla enkabi.Select Proverbs 14:4

5Umfakazi othembekileyo kaqambi amanga, kodwa umfakazi wamanga uphafuza amanga.Select Proverbs 14:5

6Odelelayo udinga inhlakanipho, kodwa kayikho; kodwa ulwazi lulula koqedisisayo.Select Proverbs 14:6

7Suka phambi komuntu oyisithutha, nxa ungayikunanzelela kuye indebe zolwazi.Select Proverbs 14:7

8Inhlakanipho yokhaliphileyo yikuqedisisa indlela yakhe, kodwa ubuthutha bezithutha buyinkohliso.Select Proverbs 14:8

9Izithutha ziyakloloda ngesono, kodwa phakathi kwabaqotho kulomusa.Select Proverbs 14:9

10Inhliziyo iyazi ukubaba kwayo ngokwayo, lowemzini kahlanganyeli lentokozo yayo.Select Proverbs 14:10

11Indlu yabakhohlakeleyo izachithwa, kodwa ithente labaqotho lizahluma.Select Proverbs 14:11

12Kukhona indlela ebonakala ilungile emuntwini, kodwa ukuphela kwayo zindlela zokufa.Select Proverbs 14:12

13Lekuhlekeni inhliziyo isebuhlungwini, lokuphela kwaleyontokozo lusizi.Select Proverbs 14:13

14Ohlehlela nyovane ngenhliziyo uzasutha ngezindlela zakhe, kodwa umuntu olungileyo uzasutha ngaye ngokwakhe.Select Proverbs 14:14

15Ongelalwazi ukholwa lonke ilizwi, kodwa olengqondo unanzelela ukuhamba kwakhe.Select Proverbs 14:15

16Ohlakaniphileyo uyesaba, asuke ebubini, kodwa isithutha siyathukuthela, silitshapha.Select Proverbs 14:16

17Ophangisa ukuthukuthela wenza ubuthutha, lomuntu wamacebo amabi uzazondwa.Select Proverbs 14:17

18Abangelalwazi badla ilifa lobuthutha, kodwa abakhaliphileyo bazathwala umqhele wolwazi.Select Proverbs 14:18

19Ababi bakhothama phambi kwabalungileyo, labakhohlakeleyo emasangweni abalungileyo.Select Proverbs 14:19

20Umyanga uzondwa langumakhelwane wakhe, kodwa abathanda onothileyo banengi.Select Proverbs 14:20

21Odelela umakhelwane wakhe uyona, kodwa olomusa kubayanga ubusisiwe.Select Proverbs 14:21

22Kabaduhi yini abaceba okubi? Kodwa umusa leqiniso ngokwalabo abaceba okuhle.Select Proverbs 14:22

23Kumtshikatshika wonke kulenzuzo, kodwa inkulumo yendebe ibanga inswelo kuphela.Select Proverbs 14:23

24Umqhele wabahlakaniphileyo uyinotho yabo; ubuthutha bezithutha buyibuthutha.Select Proverbs 14:24

25Umfakazi oqinisileyo uyophula imiphefumulo, kodwa ophafuza amanga ungumkhohlisi.Select Proverbs 14:25

26Ekuyesabeni iNkosi kulethemba eliqinileyo, labantwana bakhe bazakuba lesiphephelo.Select Proverbs 14:26

27Ukuyesaba iNkosi kungumthombo wempilo, ukusuka emijibileni yokufa.Select Proverbs 14:27

28Lusebunengini babantu udumo lwenkosi, kodwa kusekuswelekeni kwabantu ukuchitheka kombusi.Select Proverbs 14:28

29Ophuza ukuthukuthela ulokuqedisisa okukhulu, kodwa ophangisa ukuzonda ukhulisa ubuthutha.Select Proverbs 14:29

30Inhliziyo ephilileyo iyimpilo yenyama, kodwa umhawu uyikubola kwamathambo.Select Proverbs 14:30

31Ocindezela umyanga uthuka uMenzi wakhe, kodwa olomusa koswelayo uyamdumisa.Select Proverbs 14:31

32Okhohlakeleyo uwiswa ebubini bakhe, kodwa olungileyo ulethemba ekufeni kwakhe.Select Proverbs 14:32

33Inhlakanipho ihlala enhliziyweni yoqedisisayo, kodwa okuphakathi kwezithutha kuyaziwa.Select Proverbs 14:33

34Ukulunga kuphakamisa isizwe, kodwa isono silihlazo ebantwini.Select Proverbs 14:34

35Umusa wenkosi usencekwini ehlakaniphileyo, kodwa intukuthelo yayo izakuba kwethela ihlazo.Select Proverbs 14:35