15Proverbs 15

1Impendulo ethambileyo ibuyisela emuva ulaka, kodwa ilizwi elilukhuni livusa intukuthelo.Select Proverbs 15:1

2Ulimi lwabahlakaniphileyo lwenza ulwazi lube luhle, kodwa umlomo wezithutha uthulula ubuthutha.Select Proverbs 15:2

3Amehlo eNkosi akuyo yonke indawo, eqaphela ababi labalungileyo.Select Proverbs 15:3

4Ukusilisa kolimi kuyisihlahla sempilo, kodwa ukuphambeka kulo kuyikwephuka emoyeni.Select Proverbs 15:4

5Isithutha sidelela ukulaya kukayise, kodwa onanza ukukhuzwa uhlakaniphile.Select Proverbs 15:5

6Endlini yolungileyo kulenotho enengi, kodwa enzuzweni yomubi kulenkathazo.Select Proverbs 15:6

7Indebe zabahlakaniphileyo ziyahlakaza ulwazi, kodwa inhliziyo yezithutha kayinjalo.Select Proverbs 15:7

8Umhlatshelo wabakhohlakeleyo uyisinengiso eNkosini, kodwa umkhuleko wabaqotho uyintokozo yayo.Select Proverbs 15:8

9Indlela yokhohlakeleyo iyisinengiso eNkosini, kodwa ithanda ozingela ukulunga.Select Proverbs 15:9

10Ukujezisa kubi kotshiya indlela; ozonda ukukhuzwa uzakufa.Select Proverbs 15:10

11Isihogo lentshabalalo kuphambi kweNkosi; kakhulu kangakanani inhliziyo zabantwana babantu!Select Proverbs 15:11

12Isideleli kasithandi osikhuzayo, kasiyi kwabahlakaniphileyo.Select Proverbs 15:12

13Inhliziyo ethokozayo yenza ubuso bujabule, kodwa ngosizi lwenhliziyo umoya uyadabuka.Select Proverbs 15:13

14Inhliziyo yoqedisisayo idinga ulwazi, kodwa umlomo wezithutha udla ubuthutha.Select Proverbs 15:14

15Zonke insuku zohluphekayo zimbi, kodwa inhliziyo ethokozayo ilidili njalonjalo.Select Proverbs 15:15

16Kungcono okuncinyane kanye lokwesaba iNkosi kulenotho enengi lenkathazo kanye layo.Select Proverbs 15:16

17Kungcono isidlo semibhida lapho okulothando khona kulenkabi enonileyo lenzondo kanye layo.Select Proverbs 15:17

18Umuntu ololaka udungula ingxabano, kodwa ophuza ukuthukuthela uzathulisa ingxabano.Select Proverbs 15:18

19Indlela yevila injengothango lwameva, kodwa indlela yabaqotho ibuthelelwe.Select Proverbs 15:19

20Indodana ehlakaniphileyo ithokozisa uyise, kodwa umuntu oyisithutha weyisa unina.Select Proverbs 15:20

21Ubuthutha buyintokozo koswela ingqondo, kodwa umuntu oqedisisayo uyaqondisa ukuhamba kwakhe.Select Proverbs 15:21

22Amaqhinga angelaseluleko ayachitheka, kodwa ngabeluleki abanengi ayakuma.Select Proverbs 15:22

23Umuntu ulentokozo ngempendulo yomlomo wakhe; lelizwi ngesikhathi salo, lihle kangakanani.Select Proverbs 15:23

24Indlela yempilo kohlakaniphileyo iya phezulu, ukuze asuke esihogweni phansi.Select Proverbs 15:24

25INkosi izadiliza indlu yozigqajayo, kodwa izamisa umngcele womfelokazi.Select Proverbs 15:25

26Imicabango yomubi iyisinengiso eNkosini, kodwa amazwi amnandi ahlambulukile.Select Proverbs 15:26

27Ophanga inzuzo ukhathaza indlu yakhe, kodwa ozonda izipho uzaphila.Select Proverbs 15:27

28Inhliziyo yolungileyo inakana ukuphendula, kodwa umlomo wababi uthulula izinto ezimbi.Select Proverbs 15:28

29INkosi ikhatshana labakhohlakeleyo, kodwa iyezwa umkhuleko wabalungileyo.Select Proverbs 15:29

30Ukukhanya kwamehlo kuthokozisa inhliziyo, lodaba oluhle lwenza amathambo akhuluphale.Select Proverbs 15:30

31Indlebe elalela ukukhuzwa kwempilo izahlala phakathi kwabahlakaniphileyo.Select Proverbs 15:31

32Owala ukulaywa weyisa umphefumulo wakhe, kodwa olalela ukukhuzwa uzuza ukuqedisisa.Select Proverbs 15:32

33Ukuyesaba iNkosi kuyikufundiswa kwenhlakanipho, lokuthobeka kwandulela udumo.Select Proverbs 15:33