18Proverbs 18

1Ozehlukanisayo udinga okuloyisekayo kwakhe; ufohlela inhlakanipho yonke.Select Proverbs 18:1

2Isithutha kasithokozi ekuqedisiseni, kodwa ukuze inhliziyo yaso iziveze.Select Proverbs 18:2

3Lapho okhohlakeleyo esiza, kuza lokudelela, njalo kanye lenhloni, ihlazo.Select Proverbs 18:3

4Amazwi omlomo womuntu angamanzi azikileyo; umthombo wenhlakanipho uyisifula esigobhozayo.Select Proverbs 18:4

5Kakulunganga ukwemukela ubuso bokhohlakeleyo, ukuphambula olungileyo kusahlulelo.Select Proverbs 18:5

6Indebe zesithutha zingena enkanini, lomlomo waso ubiza imivimvinya.Select Proverbs 18:6

7Umlomo wesithutha uyintshabalalo yaso, lendebe zaso zingumjibila womphefumulo waso.Select Proverbs 18:7

8Amazwi onyeyayo anjengezibondlo ezehlela kokungaphakathi kwesisu.Select Proverbs 18:8

9Lolivila emsebenzini wakhe ungumfowabo womchithi.Select Proverbs 18:9

10Ibizo leNkosi lingumphotshongo oqinileyo; olungileyo uzagijimela kuwo amiswe phezulu evikelekile.Select Proverbs 18:10

11Inotho yesinothi ingumuzi waso oqinileyo, lanjengomthangala ophakemeyo ekucabangeni kwaso.Select Proverbs 18:11

12Mandulo kokubhujiswa inhliziyo yomuntu iyaziphakamisa, njalo mandulo kodumo kulokuthobeka.Select Proverbs 18:12

13Ophendula indaba engakezwa, kuyibuwula kuye, lehlazo.Select Proverbs 18:13

14Umoya womuntu uzasekela ukugula kwakhe, kodwa umoya owephukileyo, ngubani ongawuthwala?Select Proverbs 18:14

15Inhliziyo yoqedisisayo izuza ulwazi, lendlebe yabahlakaniphileyo idinga ulwazi.Select Proverbs 18:15

16Isipho somuntu siyamvulela ngokubanzi, simkhokhelela phambi kwabakhulu.Select Proverbs 18:16

17Ongowokuqala ecaleni lakhe ubonakala elungile, kodwa umakhelwane wakhe ufika amhlole.Select Proverbs 18:17

18Inkatho iqeda izingxabano, yehlukanise phakathi kwabalamandla.Select Proverbs 18:18

19Umzalwane owoniweyo wedlula umuzi oqinileyo, lengxabano zinjengomgoqo wenqaba.Select Proverbs 18:19

20Isisu somuntu siyasuthiswa yizithelo zomlomo wakhe, uzasuthiswa yinzuzo yendebe zakhe.Select Proverbs 18:20

21Ukufa lempilo kusesandleni solimi; labaluthandayo bazakudla isithelo salo.Select Proverbs 18:21

22Othole umfazi uthole okuhle, uzuze umusa eNkosini.Select Proverbs 18:22

23Umyanga uyakhuluma ngokuncenga, kodwa isinothi siphendula izinto ezilukhuni.Select Proverbs 18:23

24Umuntu wabangane abanengi uzachitheka, kodwa kulomngane onamathela kuleselamani.Select Proverbs 18:24