19Proverbs 19

1Umyanga ohamba ngobuqotho bakhe ungcono kulophambeneyo endebeni zakhe, njalo oyisithutha.Select Proverbs 19:1

2Futhi umphefumulo ongelalwazi kawulunganga, lophangisayo ngezinyawo uyona.Select Proverbs 19:2

3Ubuthutha bomuntu buphambula indlela yakhe, lenhliziyo yakhe iyayithukuthelela iNkosi.Select Proverbs 19:3

4Inotho yengeza abangane abanengi, kodwa umyanga wehlukaniswa lomngane wakhe.Select Proverbs 19:4

5Umfakazi wamanga kayikuyekelwa engajeziswanga, lophafuza amanga kayikuphunyuka.Select Proverbs 19:5

6Banengi abancenga umusa weziphathamandla; njalo wonke ungumngane womuntu wezipho.Select Proverbs 19:6

7Bonke abazalwane bomyanga bayamzonda; kakhulu kangakanani abangane bakhe besiya khatshana laye; uxotshana labongamazwi kodwa kabatholakali.Select Proverbs 19:7

8Ozuza ingqondo uthanda umphefumulo wakhe; unanzelela ukuqedisisa uzathola okuhle.Select Proverbs 19:8

9Umfakazi wamanga kayikuyekelwa engajeziswanga, lophafuza amanga uzabhubha.Select Proverbs 19:9

10Ukutamasa kakusifanele isiwula; kakhulu kangakanani ukuthi inceku ibuse phezu kweziphathamandla.Select Proverbs 19:10

11Ukuqedisisa komuntu kuphuzisa ukuthukuthela kwakhe; lodumo lwakhe yikwedlula isiphambeko.Select Proverbs 19:11

12Ulaka lwenkosi lunjengokubhonga kwebhongo lesilwane, kodwa umusa wayo unjengamazolo etshanini.Select Proverbs 19:12

13Indodana eyisithutha iyincithakalo kayise; lengxabano zomfazi ziyikuthonta njalonjalo.Select Proverbs 19:13

14Umuzi lenotho kuyilifa labobaba, kodwa umfazi ohlakaniphileyo uvela eNkosini.Select Proverbs 19:14

15Ubuvila buphosela ebuthongweni obukhulu, lomphefumulo olivila uzalamba.Select Proverbs 19:15

16Ogcina umlayo ugcina umphefumulo wakhe; odelela indlela zakhe uzakufa.Select Proverbs 19:16

17Ozwela umyanga weboleka iNkosi; izambhadala ngesenzo sakhe.Select Proverbs 19:17

18Laya indodana yakho kuselethemba, kodwa ungaloyisi ukufa kwayo.Select Proverbs 19:18

19Ololaka olukhulu uzathwala inhlawulo; ngoba nxa umophula uzabe lokhu uqhubeka ukwenza.Select Proverbs 19:19

20Lalela izeluleko, wemukele imfundiso, ukuze uhlakaniphe ekucineni kwakho.Select Proverbs 19:20

21Kulamacebo amanengi enhliziyweni yomuntu, kodwa iseluleko seNkosi sona sizakuma.Select Proverbs 19:21

22Isiloyiso somuntu ngumusa wakhe, njalo umyanga ungcono kulomuntu wamanga.Select Proverbs 19:22

23Ukuyesaba iNkosi kungokwempilo; ngoba olakho uzalala ebusuku esuthi; kayikwethekelelwa yibubi.Select Proverbs 19:23

24Ivila lifihla isandla salo emganwini, njalo kaliyikusibuyisela emlonyeni walo.Select Proverbs 19:24

25Tshaya isideleli ongelalwazi abesekhalipha; njalo khuza oqedisisayo, uzaqedisisa ulwazi.Select Proverbs 19:25

26Ochitha uyise, axotshe unina, uyindodana ethelela inhloni ilethe ihlazo.Select Proverbs 19:26

27Yekela, ndodana yami, ukulalela ukulaywa, ukuphambuka emazwini olwazi.Select Proverbs 19:27

28Umfakazi omubi udelela isahlulelo, lomlomo wabakhohlakeleyo uginya ububi.Select Proverbs 19:28

29Izahlulelo zilungiselwe izideleli, lemivimvinya umhlana wezithutha.Select Proverbs 19:29