20Proverbs 20

1Iwayini liyisideleli; okunathwayo okulamandla kulomsindo; njalo wonke oduha kukho kahlakaniphanga.Select Proverbs 20:1

2Ukwesabeka kwenkosi kunjengokubhonga kwebhongo lesilwane; oyithukuthelisayo wona umphefumulo wakhe.Select Proverbs 20:2

3Kuludumo emuntwini ukuyekela inkani; kodwa sonke isiwula siyaziveza.Select Proverbs 20:3

4Ngenxa yobusika ivila kaliyikulima; ngakho lizaphanza esivunweni, kodwa kungabi lalutho.Select Proverbs 20:4

5Iseluleko enhliziyweni yomuntu sinjengamanzi azikileyo, kodwa umuntu oqedisisayo uzasikha.Select Proverbs 20:5

6Inengi labantu limemezela, lowo lalowo ukulunga kwakhe, kodwa ngubani ongathola umuntu othembekileyo?Select Proverbs 20:6

7Olungileyo uhamba ngobuqotho bakhe; babusisiwe abantwana bakhe emva kwakhe.Select Proverbs 20:7

8Inkosi ehlezi esihlalweni sesahlulelo ihlakaza bonke ububi ngamehlo ayo.Select Proverbs 20:8

9Ngubani ongathi: Ngihlanzile inhliziyo yami, ngihlambulukile esonweni sami?Select Proverbs 20:9

10Amatshe ezilinganiso ezehlukeneyo, ama-efa* ehlukeneyo, kuyisinengiso eNkosini, yebo kokubili.Select Proverbs 20:10

11Lomntwana uyazazisa ngezenzo zakhe, loba umsebenzi wakhe uhlanzekile kumbe loba uqotho.Select Proverbs 20:11

12Indlebe ezwayo lelihlo elibonayo, iNkosi yakwenza, yebo kokubili.Select Proverbs 20:12

13Ungathandi ubuthongo, hlezi ube ngumyanga; vula amehlo akho, usuthe isinkwa.Select Proverbs 20:13

14Kubi, kubi, kutsho umthengi; kodwa esehambile abesezincoma.Select Proverbs 20:14

15Kulegolide, lobunengi bamatshe aligugu, kodwa indebe zolwazi zingumceciso oligugu.Select Proverbs 20:15

16Thatha isembatho sakhe oyisibambiso sowemzini, umbambe abe yisibambiso sabezizwe.Select Proverbs 20:16

17Isinkwa samanga simnandi emuntwini, kodwa emva kwalokho umlomo wakhe uzagcwaliswa ngokhethe.Select Proverbs 20:17

18Imicabango uyimisa ngeseluleko; ngakho yenza impi ngamaqhinga amahle.Select Proverbs 20:18

19Ohambahamba enyeya wembula imfihlakalo; ngakho ungahlangani lokhohlisa ngendebe zakhe.Select Proverbs 20:19

20Othuka uyise loba unina, isibane sakhe sizacitshwa ebumnyameni obumnyama.Select Proverbs 20:20

21Ilifa lingaphangisiswa ekuqaleni, kodwa ukucina kwalo kakuyikubusiswa.Select Proverbs 20:21

22Ungathi: Ngizaphindisela okubi; lindela iNkosi, njalo izakusindisa.Select Proverbs 20:22

23Amatshe ezilinganiso ezehlukeneyo ayisinengiso eNkosini, lesikali esikhohlisayo kasilunganga.Select Proverbs 20:23

24Izinyathelo zomuntu zivela eNkosini; pho, umuntu angaqedisisa njani indlela yakhe?Select Proverbs 20:24

25Kungumjibila emuntwini ukuginya okungcwele, lokuhlolisisa emva kwezifungo.Select Proverbs 20:25

26Inkosi ehlakaniphileyo ihlakaza ababi, ibuyisela ivili phezu kwabo.Select Proverbs 20:26

27Umphefumulo womuntu uyisibane seNkosi, sihlolisisa wonke amakamelo esisu.Select Proverbs 20:27

28Umusa leqiniso kuyayigcina inkosi, isekela isihlalo sayo sobukhosi ngokulunga.Select Proverbs 20:28

29Udumo lwejaha lungamandla alo, lobukhosi babadala yizimvu zekhanda.Select Proverbs 20:29

30Imivimvinya yenxeba ihlanza ububi, ngokunjalo izidutshuzo zamakamelo esisu.Select Proverbs 20:30