4Proverbs 4

1Zwanini, bantwana, umlayo kayihlo, linanzelele ukuze lazi ukuqedisisa.Select Proverbs 4:1

2Ngoba ngilinika imfundiso enhle, lingawutshiyi umlayo wami.Select Proverbs 4:2

3Ngoba bengiyindodana kababa, ngithambile, ngingedwa phambi kukamama.Select Proverbs 4:3

4Wasengifundisa wathi kimi: Inhliziyo yakho kayibambelele emazwini ami; gcina imilayo yami, uphile.Select Proverbs 4:4

5Zuza inhlakanipho, uzuze ukuqedisisa, ungakhohlwa; ungaphambuki emazwini omlomo wami.Select Proverbs 4:5

6Ungakutshiyi, njalo kuzakulondoloza; ukuthande, njalo kuzakulinda.Select Proverbs 4:6

7Okokuqala yinhlakanipho; zuza inhlakanipho; langenzuzo yakho yonke uzuze ukuqedisisa.Select Proverbs 4:7

8Kukhulise, njalo kuzakuphakamisa; kuzakunika udumo nxa ukugona.Select Proverbs 4:8

9Kuzanika ikhanda lakho umqhele womusa; kuzakulethela umqhele wodumo.Select Proverbs 4:9

10Zwana, ndodana yami, wemukele amazwi ami, leminyaka yempilo izakuba minengi kuwe.Select Proverbs 4:10

11Ngikufundisile endleleni yenhlakanipho; ngikwenze wanyathela emikhondweni yobuqotho.Select Proverbs 4:11

12Ekuhambeni kwakho inyathelo lakho kaliyikufinyezwa, njalo nxa ugijima kawuyikukhubeka.Select Proverbs 4:12

13Bambelela ekulayweni, ungakuyekeli; kugcine, ngoba kuyimpilo yakho.Select Proverbs 4:13

14Ungangeni emkhondweni wabakhohlakeleyo, ungahambi endleleni yababi.Select Proverbs 4:14

15Iyekele, ungedluli ngayo, phambuka kuyo, wedlule.Select Proverbs 4:15

16Ngoba kabalali uba bengenzanga okubi; lobuthongo babo buyasuswa uba bengakhubekisanga muntu.Select Proverbs 4:16

17Ngoba badla isinkwa senkohlakalo, banathe iwayini lobudlwangudlwangu.Select Proverbs 4:17

18Kodwa indlela yabalungileyo injengokukhanya okukhanyayo, kuqhubeka kukhanya kuze kube semini enkulu.Select Proverbs 4:18

19Indlela yababi injengomnyama; kabazi ukuthi bazakhutshwa yini.Select Proverbs 4:19

20Ndodana yami, lalela amazwi ami, ubeke indlebe yakho ekukhulumeni kwami.Select Proverbs 4:20

21Kakungaphunyuki emehlweni akho; ukugcine phakathi kwenhliziyo yakho.Select Proverbs 4:21

22Ngoba kuyimpilo kwabakutholayo, lempilo enhle yenyama yabo yonke.Select Proverbs 4:22

23Gcina inhliziyo yakho phezu kwakho konke okungagcinwa, ngoba kuvela kikho ukuphuma kwempilo.Select Proverbs 4:23

24Susa kuwe ukuphambana komlomo, lokuphambeka kwendebe kususele khatshana lawe.Select Proverbs 4:24

25Amehlo akho kawakhangele phambili, lenkophe zakho ziqonde phambi kwakho.Select Proverbs 4:25

26Linganisa umkhondo wonyawo lwakho, ukuze zonke indlela zakho ziqine.Select Proverbs 4:26

27Ungaphambukeli ngakwesokunene kumbe ngakwesokhohlo; uphambule unyawo lwakho ebubini.Select Proverbs 4:27