8Proverbs 8

1Inhlakanipho kayimemezi yini, lokuqedisisa kukhuphe ilizwi lakho?Select Proverbs 8:1

2Engqongeni yezindawo eziphakemeyo, ngasendleleni, phakathi kwezindlela kumi.Select Proverbs 8:2

3Eceleni kwamasango, entubeni yomuzi, ekungeneni kweminyango kuyamemeza kakhulu kuthi:Select Proverbs 8:3

4Kini, madoda, ngiyamemeza, lelizwi lami lisebantwaneni babantu.Select Proverbs 8:4

5Lina elingelalwazi, qedisisani inhlakanipho; lani zithutha, qedisisani ngenhliziyo.Select Proverbs 8:5

6Zwanini, ngoba ngizakhuluma izinto zobukhosi, lokuvula kwendebe zami kuzakuba yikuqonda.Select Proverbs 8:6

7Ngoba umlomo wami ukhuluma iqiniso, lenkohlakalo iyisinengiso endebeni zami.Select Proverbs 8:7

8Wonke amazwi omlomo wami asekulungeni; kakukho okutshilekileyo lokugobileyo kuwo.Select Proverbs 8:8

9Wonke aqondile kulowo oqedisisayo, alungile kulabo abathola ulwazi.Select Proverbs 8:9

10Yemukelani ukufundisa kwami, hatshi isiliva, lolwazi kulegolide elikhethekileyo.Select Proverbs 8:10

11Ngoba inhlakanipho ingcono kulamatshe amahle, lakho konke okufisekayo kakulakulinganiswa layo.Select Proverbs 8:11

12Mina nhlakanipho ngihlala lokuqedisisa, ngithola ulwazi lamacebo.Select Proverbs 8:12

13Ukwesaba iNkosi kuyikuzonda ububi; ukuzigqaja, lokuziqhenya, lendlela embi, lomlomo wokuphambeka ngiyakuzonda.Select Proverbs 8:13

14Iseluleko ngesami, lenhlakanipho eqotho; ngiyikuqedisisa; amandla ngawami.Select Proverbs 8:14

15Ngami amakhosi ayabusa, lababusi bamisa ukulunga.Select Proverbs 8:15

16Ngami iziphathamandla ziyabusa, lezikhulu, bonke abehluleli bomhlaba.Select Proverbs 8:16

17Mina ngiyathanda abangithandayo, lalabo abangidingisisayo bazangithola.Select Proverbs 8:17

18Inotho lodumo kukimi, inotho eqhubekayo lokulunga.Select Proverbs 8:18

19Isithelo sami singcono kulegolide, legolide elicwengekileyo, lokutholakalayo kwami kulesiliva esikhethekileyo.Select Proverbs 8:19

20Ngihamba endleleni yokulunga, phakathi kwemikhondo yesahlulelo;Select Proverbs 8:20

21ukuthi ngenze abangithandayo badle ilifa lemfuyo; ngigcwalise iziphala zabo.Select Proverbs 8:21

22INkosi, ngaba ngeyayo, ngaba yikuqala kwendlela yayo, ngaphambi kwemisebenzi yayo yendulo.Select Proverbs 8:22

23Ngamiswa kwasephakadeni, kusukela ekuqaleni, kusukela emandulo omhlaba.Select Proverbs 8:23

24Kungakabi khona izinziki ngasengizelwe, ingakabi khona imithombo enzima ngamanzi.Select Proverbs 8:24

25Intaba zingakamiswa, kungakabi khona amaqaqa, ngasengizelwe.Select Proverbs 8:25

26Ingakawenzi umhlaba lemimango, lokuqala kwentuli zomhlaba.Select Proverbs 8:26

27Lapho ilungisa amazulu ngangikhonapho; lapho imisa umkhathi ngaphezu kwenziki;Select Proverbs 8:27

28lapho imisa amayezi ngaphezulu; lapho iqinisa imithombo yenziki;Select Proverbs 8:28

29lapho imisela ulwandle umngcele walo ukuze amanzi angeqi umlayo wayo; lapho imisa izisekelo zomhlaba;Select Proverbs 8:29

30khona ngangiseduze layo njengowakhuliswa yiyo, ngizintokozo zayo usuku ngosuku, ngithokoza phambi kwayo ngaso sonke isikhathi,Select Proverbs 8:30

31ngidlala elizweni lomhlaba wayo, lentokozo zami zisebantwaneni babantu.Select Proverbs 8:31

32Ngakho-ke, bantwana bami, ngizweni; ngoba babusisiwe abagcina indlela zami.Select Proverbs 8:32

33Zwanini ukulaya, lihlakaniphe, lingakudeli.Select Proverbs 8:33

34Ubusisiwe umuntu ongizwayo, alinde insuku ngensuku emasangweni ami, alinde emigubazini yeminyango yami.Select Proverbs 8:34

35Ngoba ongitholayo uthola impilo, azuze umusa eNkosini.Select Proverbs 8:35

36Kodwa owona kimi wona umphefumulo wakhe; bonke abangizondayo bathanda ukufa.Select Proverbs 8:36