9Proverbs 9

1Inhlakanipho enkulu yakhe indlu yayo, ibaze insika zayo eziyisikhombisa.Select Proverbs 9:1

2Ihlabe okuhlatshwayo kwayo, ixubanise iwayini layo, futhi yalungisa itafula layo.Select Proverbs 9:2

3Ithume incekukazi zayo, iyamemeza engqongeni zendawo eziphakemeyo zomuzi zisithi:Select Proverbs 9:3

4Loba ngubani ongelalwazi? Kaphendukele lapha; oswele ingqondo, ithi kuye:Select Proverbs 9:4

5Wozani, lidle okwesinkwa sami, linathe okwewayini engilixubanisileyo.Select Proverbs 9:5

6Yekelani abangelalwazi liphile, lihambe ngokuqonda ngendlela yokuqedisisa.Select Proverbs 9:6

7Osola isiklolodi uzizuzela ihlazo, lokhuza okhohlakeleyo uzizuzela isici.Select Proverbs 9:7

8Ungasoli isiklolodi, hlezi sikuzonde; sola ohlakaniphileyo, njalo uzakuthanda.Select Proverbs 9:8

9Nika ohlakaniphileyo, njalo uzakuba lokhu ehlakanipha; fundisa olungileyo, njalo uzakwandisa ukufunda.Select Proverbs 9:9

10Ukuyesaba iNkosi kuyikuqala kwenhlakanipho, lolwazi lwabangcwele luyikuqedisisa.Select Proverbs 9:10

11Ngoba ngami insuku zakho zizakwandiswa, leminyaka yempilo yengezelelwe kuwe.Select Proverbs 9:11

12Uba uhlakaniphile, uzakuba uzihlakaniphele; uba ukloloda, uzakuthwala wedwa.Select Proverbs 9:12

13Owesifazana oyisithutha ulomsindo, kalangqondo, kazi lutho.Select Proverbs 9:13

14Ngoba uhlala emnyango wendlu yakhe, esihlalweni, endaweni eziphakemeyo zomuzi,Select Proverbs 9:14

15ukubiza abadlulayo ngendlela, abahamba beqondile emikhondweni yabo, esithi:Select Proverbs 9:15

16Loba ngubani ongelalwazi? Kaphendukele lapha; loswele ingqondo, uthi kuye:Select Proverbs 9:16

17Amanzi ebiweyo amnandi, lesinkwa sensitha siyahlabusa.Select Proverbs 9:17

18Kodwa kazi ukuthi abafileyo balapho; abanxusiweyo bakhe basenzikini yesihogo.Select Proverbs 9:18