105Psalms 105

1Bongani iNkosi, libize ibizo layo, lazise phakathi kwezizwe izenzo zayo.Select Psalms 105:1

2Hlabelelani kuyo, lihlabelele amahubo kuyo, likhulume ngezenzo zayo zonke ezimangalisayo.Select Psalms 105:2

3Zincomeni ebizweni layo elingcwele; kayithokoze inhliziyo yabadinga iNkosi.Select Psalms 105:3

4Dingani iNkosi lamandla ayo, lidinge ubuso bayo njalonjalo.Select Psalms 105:4

5Khumbulani izenzo zayo ezimangalisayo eyazenzayo, izimangaliso zayo lezahlulelo zomlomo wayo,Select Psalms 105:5

6nzalo kaAbrahama inceku yayo, bantwana bakaJakobe abakhethiweyo bayo.Select Psalms 105:6

7Yona iyiNkosi uNkulunkulu wethu; izahlulelo zayo zisemhlabeni wonke.Select Psalms 105:7

8Iyakhumbula isivumelwano sayo kuze kube nininini, ilizwi eyalilaya kuzizukulwana eziyinkulungwane,Select Psalms 105:8

9eyasenza loAbrahama, lesifungo sayo kuIsaka;Select Psalms 105:9

10eyasiqinisa kuJakobe saba yisimiso, kuIsrayeli saba yisivumelwano esilaphakade,Select Psalms 105:10

11isithi: Ngizakunika wena ilizwe leKhanani, isabelo selifa lakho.Select Psalms 105:11

12Besebalutshwana ngenani, yebo, bebalutshwana, labemzini kulo;Select Psalms 105:12

13basebezula besuka esizweni besiya esizweni, besuka komunye umbuso besiya kwabanye abantu;Select Psalms 105:13

14kayivumelanga muntu ukubahlupha; yasikhuza amakhosi ngenxa yabo,Select Psalms 105:14

15isithi: Lingathinti abagcotshiweyo bami, lingoni abaprofethi bami.Select Psalms 105:15

16Yasibiza indlala phezu kwelizwe, yephula udondolo lonke lwesinkwa.Select Psalms 105:16

17Yathuma indoda phambi kwabo: UJosefa wathengiswa waba yisigqili.Select Psalms 105:17

18Bazwisa ubuhlungu inyawo zakhe ngamaketane, yena ngokwakhe wafika ensimbini.Select Psalms 105:18

19Kwaze kwaba yisikhathi sokufika kwelizwi lakhe, ilizwi likaJehova lamlinga.Select Psalms 105:19

20Inkosi yathuma yamthukulula, umbusi wabantu wasemkhulula.Select Psalms 105:20

21Yambeka waba yinkosi yendlu yayo, lombusi wemfuyo yayo yonke,Select Psalms 105:21

22ukubopha iziphathamandla zayo ngokuthanda kwakhe, afundise abadala bakhe ukuhlakanipha.Select Psalms 105:22

23UIsrayeli wasefika eGibhithe; uJakobe wahlala njengowezizwe elizweni lakoHamu.Select Psalms 105:23

24Wenza abantu bayo bazale kakhulu, yabenza baba lamandla kulezitha zabo.Select Psalms 105:24

25Yaphendula inhliziyo yabo ukuzonda abantu bayo, ukuthi baphathe inceku zayo ngobuqili.Select Psalms 105:25

26Yasithuma uMozisi inceku yayo, uAroni eyayimkhethile.Select Psalms 105:26

27Babeka phakathi kwabo izinto zezibonakaliso zayo, lezimangaliso elizweni lakoHamu.Select Psalms 105:27

28Yathumela umnyama, yenza kwaba mnyama; njalo kabavukelanga ilizwi layo.Select Psalms 105:28

29Yaphendula amanzi abo aba ligazi, yabulala inhlanzi zawo.Select Psalms 105:29

30Ilizwe labo lanyakazela amaxoxo, emakamelweni amakhosi abo.Select Psalms 105:30

31Yakhuluma, kwavela umtshitshi wezibawu, intwala emngceleni wabo wonke.Select Psalms 105:31

32Yabanika isiqhotho saba lizulu, umlilo olamalangabi elizweni labo.Select Psalms 105:32

33Yasitshaya isivini sabo lomkhiwa wabo, yephula izihlahla zomngcele wabo.Select Psalms 105:33

34Yakhuluma, kwasekuvela isikhonyane lemihogoyi, okungelakubalwa,Select Psalms 105:34

35okwaqeda yonke imibhida elizweni labo, kwaqeda isithelo somhlabathi wabo.Select Psalms 105:35

36Yasitshaya amazibulo wonke elizweni labo, okokuqala kwamandla abo wonke.Select Psalms 105:36

37Yasibakhupha belesiliva legolide, njalo kwakungekho owakhubekayo phakathi kwezizwe zabo.Select Psalms 105:37

38IGibhithe yathokoza ekuphumeni kwabo, ngoba uvalo ngabo lwabehlela.Select Psalms 105:38

39Yendlala iyezi laba yisisibekelo, lomlilo wokukhanyisa ebusuku.Select Psalms 105:39

40Bacela, yasiletha izagwaca, yabasuthisa ngesinkwa samazulu.Select Psalms 105:40

41Yavula idwala, kwampompoza amanzi; ahamba endaweni ezomileyo njengomfula.Select Psalms 105:41

42Ngoba yakhumbula isithembiso sayo esingcwele, loAbrahama inceku yayo.Select Psalms 105:42

43Yasikhupha abantu bayo ngentokozo, abakhethiweyo bayo ngenjabulo.Select Psalms 105:43

44Yasibanika amazwe abezizwe, njalo badla ilifa lomtshikatshika wabantu,Select Psalms 105:44

45ukuze bagcine izimiso zayo, balondoloze imilayo yayo. Dumisani iNkosi!Select Psalms 105:45