139Psalms 139

1Nkosi, ungihlolile, uyangazi.Select Psalms 139:1

2Wena uyakwazi ukuhlala kwami lokusukuma kwami; uyaqedisisa imicabango yami ukhatshana.Select Psalms 139:2

3Uyahlungula ukuhamba kwami lokulala kwami, uzejwayele indlela zami zonke.Select Psalms 139:3

4Ngoba kalikho ilizwi elimini lwami, khangela Nkosi, usulazi lonke.Select Psalms 139:4

5Ungizingelezile emuva langaphambili, ubeke isandla sakho phezu kwami.Select Psalms 139:5

6Lolulwazi lumangalisa kakhulu kimi; luphakeme, kangilakho ukufinyelela kulo.Select Psalms 139:6

7Ngizakuya ngaphi ngisuke kuMoya wakho? Kumbe ngizabalekela ngaphi ngisuke ebusweni bakho?Select Psalms 139:7

8Uba ngisenyukela emazulwini, lapho ukhona; uba ngisendlala icansi lami esihogweni, khangela, ukhona.Select Psalms 139:8

9Uba ngithatha amaphiko okusa, ngihlale emikhawulweni yolwandle,Select Psalms 139:9

10lalapho isandla sakho sizangikhokhela, lesokunene sakho singibambe.Select Psalms 139:10

11Uba ngisithi: Isibili umnyama uzangifihla, ngitsho ubusuku buzakuba yikukhanya kimi inhlangothi zonke.Select Psalms 139:11

12Ngitsho umnyama kawufihli kuwe, kodwa ubusuku bukhanya njengemini; njengomnyama kunjalo ukukhanya kuwe.Select Psalms 139:12

13Ngoba wena ungumnini wezinso zami, wangeluka esiswini sikamama.Select Psalms 139:13

14Ngizakudumisa, ngenxa yokuthi ngenziwe ngokwesabekayo, ngokumangalisayo. Imisebenzi yakho iyamangalisa; lomphefumulo wami uyakwazi kuhle kakhulu.Select Psalms 139:14

15Amathambo ami ayengafihlekanga kuwe, lapho ngangisenziwa ekusithekeni, ngenziwa ngobuciko ezindaweni ezizikileyo zomhlaba.Select Psalms 139:15

16Amehlo akho abona ibumba lami; legwalweni lwakho zonke lezi zabhalwa, izinsuku okwabunjwa ngazo, kungakabikho lakunye kwakho.Select Psalms 139:16

17Iligugu kangakanani-ke kimi imicabango yakho, O Nkulunkulu; bukhulu kangakanani ubunengi bayo!Select Psalms 139:17

18Uba ngingayibala, minengi kuletshebetshebe. Lapho ngivuka, ngilokhu ngilawe.Select Psalms 139:18

19Isibili uzambulala omubi, Nkulunkulu! Ngakho lina bantu abomele igazi sukani kimi;Select Psalms 139:19

20abakhuluma ngenkohliso ngawe, ziphatha ngeze ibizo lakho, izitha zakho.Select Psalms 139:20

21Kangibazondi yini, Nkosi, abakuzondayo, nginengwe ngabakuvukelayo?Select Psalms 139:21

22Ngiyabazonda ngenzondo epheleleyo; sebeyizitha kimi.Select Psalms 139:22

23Ngihlola, Nkulunkulu, uyazi inhliziyo yami; ngilinga, uyazi imicabango yami,Select Psalms 139:23

24ubone ukuthi ikhona indlela embi kimi yini, ungikhokhele endleleni ephakade.Select Psalms 139:24