99Psalms 99

1INkosi iyabusa; abantu kabathuthumele; ihlezi phakathi kwamakherubhi*; umhlaba kawuzamazame.Select Psalms 99:1

2INkosi yinkulu eZiyoni; njalo iphakeme phezu kwezizwe zonke.Select Psalms 99:2

3Kazidumise ibizo lakho elikhulu lelesabekayo; lingcwele lona.Select Psalms 99:3

4Lamandla eNkosi athanda isahlulelo; wena umisa ukuqonda; wena wenza isahlulelo lokulunga kuJakobe.Select Psalms 99:4

5Phakamisani iNkosi uNkulunkulu wethu, likhonze esenabelweni sezinyawo zayo. Ingcwele yona.Select Psalms 99:5

6UMozisi loAroni phakathi kwabapristi bayo, loSamuweli phakathi kwababiza ibizo layo, babiza iNkosi, yona yasibaphendula.Select Psalms 99:6

7Yakhuluma labo iphakathi kwensika yeyezi; bagcina izifakazelo zayo lesimiso eyabanika sona.Select Psalms 99:7

8Nkosi Nkulunkulu wethu, wena wabaphendula; waba nguNkulunkulu obathethelelayo, lanxa uphindisela ezenzweni zabo.Select Psalms 99:8

9Phakamisani iNkosi uNkulunkulu wethu, likhonze entabeni yayo engcwele; ngoba iNkosi uNkulunkulu wethu ingcwele.Select Psalms 99:9