12Romans 12

1Ngakho, bazalwane, ngiyalincenga ukuthi, ngezihawu zikaNkulunkulu, linikele imizimba yenu ibe ngumhlatshelo ophilileyo, ongcwele, owemukelekayo kuNkulunkulu, kube yinkonzo yenu yokuqedisisa.Select Romans 12:1

2Njalo lingalingisi lumhlaba, kodwa liguqulwe ngokwenziwa zibentsha ingqondo zenu, ukuze lihlolisise okuyintando kaNkulunkulu elungileyo leyemukelekayo lepheleleyo.Select Romans 12:2

3Ngoba ngomusa engiwuphiweyo, ngithi kuye wonke ophakathi kwenu ukuthi angacabangi ukuthi mkhulu kulalokho afanele ukukucabanga, kodwa acabange ngokuqonda, njengalokhu uNkulunkulu abele ngulowo lalowo isilinganiso sokholo.Select Romans 12:3

4Ngoba njengoba silezitho ezinengi emzimbeni munye, kodwa izitho zonke kazilamsebenzi ofananayo;Select Romans 12:4

5kunjalo thina esibanengi singumzimba munye kuKristu, njalo ngabanye siyizitho omunye komunye.Select Romans 12:5

6Njalo silezipho ezehlukeneyo ngokomusa esiwuphiweyo; zingaba yikuprofetha, asiprofethe ngokwesilinganiso sokholo;Select Romans 12:6

7kumbe yikukhonza, asisebenze enkonzweni; kumbe ofundisayo, ekufundiseni;Select Romans 12:7

8kumbe olayayo, ekulayeni; ophanayo, kanike ngobuqotho; obusayo, ngokukhuthala; olesihawu, ngentokozo.Select Romans 12:8

9Uthandokalube qotho. Yenyanyani okubi, libambelele kokulungileyo.Select Romans 12:9

10Thandanani kakhulu ngothando lobuzalwane; ekuhloniphaneni phathani abanye ngcono kulani;Select Romans 12:10

11lingabi ngamavila ekukhuthaleni; livuthe emoyeni; likhonza iNkosi;Select Romans 12:11

12lithokoza ethembeni; libekezela ekuhluphekeni; liphikelela emkhulekweni;Select Romans 12:12

13yabelani kunswelo zabangcwele; likhuthalele ukuphana kuzihambi.Select Romans 12:13

14Babusiseni abalizingelayo; busisani, lingaqalekisi.Select Romans 12:14

15Thokozani labathokozayo, likhale labakhalayo.Select Romans 12:15

16Kalibe lenhliziyonye komunye lomunye. Lingakhumbuli ngezinto eziphakemeyo, kodwa lihlangane labathobekileyo. Lingazitshayi abahlakaniphileyo.Select Romans 12:16

17Lingaphindiseli muntu okubi ngokubi. Linakane okudumisekayo phambi kwabantu bonke.Select Romans 12:17

18Uba kungenzeka, ngokukini, hlalani ngokuthula labantu bonke.Select Romans 12:18

19Bathandiweyo, lingaziphindiseli, kodwa nikani ulaka indawo; ngoba kulotshiwe ukuthi: Ngeyami impindiselo, mina ngizabuyisela, kutsho iNkosi.Select Romans 12:19

20Ngakho nxa isitha sakho silambile, siphe ukudla; nxa somile, sinathise; ngoba ngokwenza lokho, usibekela amalahle avuthayo phezu kwekhanda laso.Select Romans 12:20

21Unganqotshwa ngokubi, kodwa nqoba okubi ngokuhle.Select Romans 12:21